Analysis Services
انا اعاني من نفس مشكلتج بس انا اكثر منج زياده لان زوجي ما ياكل لا فول و لا سندويتشات و لا مقالي ...و البلشه اني مرات اتاخر و اجي اسوي العشا الساعه 9 و هو طبعا يرفض بتاتا اننا ناكل من بره ..فشوفي شنو اسوي
اول شي عندي حمص معلب مال السعوديه الي لونه اخضر هذا اخد منه كميه كبيره ..و كل ما قال العشا اروح و احط له بصحن و ارش عليه سماق و زيت زيتون
بعدين يا طويله العمر اذا لي خلق اسوي عجه يعني خضار اسلقهم بعدين احطهم بمقلاه عقب ما اصفيهم و احمسهم شوي ببصل و بهارات و اكسر عليهم بيض و اغطيه ياما تطلع نفس الفطيره ...و اذا مالي خلق اقص شويه شبت او بقدونس و اخلطه مع بيض و احمسه ..
او تفورين بيض و عقب ما تقشرينه حطيه بصحن و رشي عليه كزبره مفرومه و زيت زيتون شوي و كمون و ملح يهببببببببببببببببببل
السلطه اقص طماط قطع كبيره ويا خس و خيار و ارشها بمكعبات جبن و زيت زيون و شوي من تتبيله السلطه تطلع تهبل ...
على ذكر الاجبان احمسي لج طماط شوي ويا اي نوع خضره ورقيه يا بقدونس كزبره شبت ...بعدين لا استوى ضيفي له شرايح جبن حلوم ..هم بعد حلوه
شنو بعد ...احمسي بطاط طبعا تشترينه مثلج ..و جيبي لج حلقات بصل وودجز و احمسيهم بعد
في شورما امريكانا قصي عليها بصل شرايح و فلفل اخضر و احمسيها
ناجتس دجاج ساديا او ناجتس خضار زين بعد حطيهم بصحن و بجنبهم خضره شوي و في فيليه دجاج ساديا بس ترى احمسيه على نار هاديه و لا يطلع لج مثلج من ذاخل ...سويه و حطيه على فراش خس و ابتسمي و قولي انا مسويته
ممكن اذا باقي لج دجاج من الغدا فتفتيه و احمسي لج بطاط و يا طماط و بصل و بهارات شوي و لا استووا زودي عليهم الدجاج المفتفت
المعلبات ترى ما سوووها اعتباطا هي اصلا عشان تفك الازمات ..سوي فاصوليا معلبه و تونه و في باذنجان بالصلصه و في ورق عنب و ما ادراك ما ورق العنب ...
و لا دورتي بالمنتدى تلقين لج وصفات اشكثر ...بس انتي حاولي و انشاء الله لا تذكرت شي مفيد ارد و اكتب لج
12-11-1426 هـ, 04:45 مساءً
 
اه يا ام ابرار فتحتي جراااااااحي بس انا زوجي لا يمكن ياكل معلبات ولا مقالي والبيتزا عنده اكل عيال صغاروالفطاير تسالي مش عشا والجبن والعسل تبقي كسلانه والتونه مش مقبوله ااااااااااااااااااااااه اكمل ولا كفايه انا اصلا داخله ابحثعن حاجات جديده للعشا اه ونسيت اقولك الفول مستحيللللللللللللللللللللللللل
17-11-1426 هـ, 09:58 مساءً
 
طيب ما يبي معلبات
شوفي امس كنا طالعين للسوق و ردينا الساعه 10 و شوي للبيت المهم ان الساعه 10 و نص كنت حاطه العشا الرهييييييييييييب شنو سوييت
اول ما دشيت البيت رحت حطيت ماي بالجدر و خليته يفور بعدين رحت قطيت عباتي و غيرت ملابسي ..رديت للمطبخ و انا احط على الماي شوي صبغ زعفران و زيت ..و نص علبه سباغيتي ..
جبت شوربه الهليون مالت ماجي و سويتها ...ما تاخد 5 دقايق
حطيت الماي الحار حق الشاي
جبت خيارتين و بشرتهم و خلطتهم مع علبتين روب و رشيت عليهم نعناع مجفف
حمست بصل ويا طماط و شوي بهارات ...و صبيت عليهم حوالي كلاص ماي ..لما غلا شوي و انا اضيف له كفته دجاج مجمده من ساديا ..و سكرت عليه يستوي خذا حوالي 10 دقايق
في هذه الاثناء خلصت المعكرونه صفيتها و حطيت عليها ملعقتين زبده ..حطيتها بصحن التقديم و فوقها كفته الدجاج
حمست سمبوسه و سبرنغ رول و سويت الشاي
و خلاص صار عندي شوربه و معكرونه بدجاج و سلطه و موالح و لا صار مو عاجبه شنو اسوي يعني اخترع له اكل من القمر
اهم شي انتي لا تروحين تسالينه شنو تبي يا عمري على العشا ...ترى تضرب افكار بمخه و اي شي رح تسويينه ما رح يعجبه انتي دشي و سوي على كيفج و حطيه امام الامر الواقع ...و بعدين رح يتعود ههههه
18-11-1426 هـ, 10:57 صباحاً
 
سوي له صواني خضار .. صينيه باميا ولا مسقعه ولا كوسه بالباشميل ولا خضار مشكله
سوي سلطات اللي فيها ذره وحمص وصوص وهالشغلات
سوي فته حمص ولا فته باذنجان
ممكن تعملي له شكشوكه.. او سندويتشات شارورما ولا كودو
عندك خيارات كثير بس الحين لاتضغطين على نفسك لاقمتي بالسلامه يكون خير
تعالي وسوي بحث عن الاطباق اللي قلت لك وسويها وان شاءالله تجوزله
18-11-1426 هـ, 11:15 صباحاً
 
اقووووووووووووووووووول بلاشي دلع اعملي عصيدة سهلة موووووووت خصوصاًلك لانك حامل ههههههههههههههههه وبشريني اذاسويتيها وش راي ابوالعيال .........

ودمتي بود
18-11-1426 هـ, 11:49 صباحاً
 


الساعة الآن 01:36 .