Analysis Services
انا نفس الحال او ما زوجت يبى على طول اكل على العشى ومو نواشف لا يبى طبخ

والحيين تعودت مرتين بالاسبوع نواشف مع فول او بيض وباقى الايام طبخ

مثلا مكرونه او اطبخ طماطم مع بيض يحبه وايد
اوفاصوليا بالزيت والثوم او فول وطبعا اخضر مع متبل
لحمه مفرومه مع بطاطا
فا صوليا مع بندوره اى نوع معلب او اخضر
شنو بعد وبعض الايام يتعشى طباخ من الغدا مثل العيش
او المحشى او اى شى طابخته على الغدا
18-11-1426 هـ, 02:57 مساءً
 
تبغين الحل 000شوفي اساليه ايش كنت تتعشى مع اهلك قبل الزواج اوانت لماتزورينهم شوفي ايش يتعشون او اسالي امه او ا0خواته شنويتعشون دائما اوالاكل اللي هو يحبه لانه يمكن الرجل يبغى زي عشى اهله 00
18-11-1426 هـ, 04:57 مساءً
 
مرحبا بنوتات .. بكتب لكم تجاربي مع العشا .. لان عيالي ملولين و لازم اغير لهم

- أنا مرات اسوي الذرة الحب المطبوخة عالبخار و اقدمها لليهال بكاسات و احط يمها عصير الليمون و الملح و الفلفل الاسود و الزبده . و اخليهم اهما يختارون شنو يضيفون لكاساتهم .

- مرات اسوي لهم شوربات مختلفه : دجاج - عدس - شعرية

- اسوي بيتزا سريعة بالتوست أو بالخبز .. مثلا اقطع التوست و ادهنه بصلصة البيتزا ( اذا كنت مكسله استخدم الجاهزه ) و ارشها بالزيتون و الموزريلا و الفلفل الاخضر

- ادهني الصمون ( صامولي ) بعد تقطيعه لنصفين بالطول بجبن سائل بكمية زينه .. انا احب كرافت .. و بعضها ادخله الفرن و افتح النار من فوق بس يعني عالشوايه . و اضيف لبعض الجبن رشة زعتر و بعضه ارشه بحلقات زيتون و بعضه بفلفل اخضر .. و بعضه بشوية بصل اخضر .. يعني تفنني

- هممممممممم .. اي .. هاتي الخبز و قطعيه شرايح بالطول . حطي فيه اصبح من جبنة القشقوان . و لفي الخبز عليه و لفيه بقصدير لما يصير عندج اصابع كثيره .. و دخليهم بالفرن لربع ساعه و قدميه . يصير يهبل مثل الفطاير الجاهزه اللي جبنها يسيح ... و ايام البرررررررررد اذا مشغلين الفحم احط هالقصدير عالفحم .. و شوفي الطعم و ادعي لي على فكره .. حتى الذرة اطبخها بجدر البخار على الفحم لو توفر .. عجييييييييبه تصير

- ممكن تسوين سلطة تونا خفيفه : مايونيز + ملح + شوية ليمون + خس + تونا . و ممكن تضيفين طماط بس عيالي ما يحبونه

- سوي كلوب ساندويش .. تلاقينها بقسم المعجنات اذا حابه الطريقه

- اسوي خبز بالثوم .. و بعضه بجبن الموزريلا

- اقلي فيليه دجاج و قطعيه اصابع بالطول . و اقلي شرايح من البصل و الفلفل الاخضر و الجزر .. و انثري كل شي بصينية بايركس . و رشي عليهم فلفل اسود و ربع كوب كريما سائله أو أكثر و دخليهم بالفرن .. يمممممممييييييييييي .. يصير عجيييييييييييييب يتشرب الكريما و يختلط الطعم .. و اكلوه مع الخبز .

- هممممممممم .. اي مرات اسوي عجينة العشر دقايق المذكورة بالاطباق المميزه .. ما تاخذ وقت و سريعه و اسوي فيها فطاير هوت دوج و جبن و بيتزا و اي شي تحبين
أو سوي فيها قالب بيتزا كبيره هم روووووعه

- مرات بس اسوي سلطة فواكه

- حليب و كورن فليكس

- و ممكن تشوين بطاط بالفرن و قبل التقديم تفتحينها و ترشين عليها جبن شيدر و موزريلا و زيتون و خيار مخلل

- مرات لما يزيد من الغذا دجاج مشوي أو مقلي اجمده .. و بعد فتره اطلعه و احمس ثوم بزبت زيتون و اضيف الدجاج لما تصير ريحته حلوه و اضيف شويه بهار لانه اساسا مبهر .. و اسوي منه لفائف من الخبز .. ادهنها بشوية مايونيز أو اذا عندج خلطة الثوم للمشاوي و حطي شوية بقدونس و خيار مخلل و لفي الخبزة بقصدير و دخليهم الفرن .. تحصلين على شاورما بيتيه عجيييييييبه .

-طبعا غير الفووووووول ، البيض ، الاجبان ، الهوت دوج ، الفيليه و الهمبورجر و العشيات التقليدية

و والله الافكار كثيره .. يمكن هذا اللي ببالي الحين .. بس صدقوني ما كتبت شي الا و يحبونه الصغار و سريع و اذا زارونا يطلبونه من امهاتهم


تعبت

ياااريت اكون فدتكم يا الغاليات
18-11-1426 هـ, 10:55 مساءً
 
صراحه انا وزوجى نغير في الاكل مثلا ممكن يوم فواكه مشكله وممكن نواشف وممكن يوم ادهن خبز شامي دائري بالجبنه السائله واضعها في الفرن لمدة دقيقتين وهي تسمى البيتزا الكذابه ومثلا وممكن تغيري في البيتزا وتسويها مثلا بالخبزالفرنسي وذالك بعد ان تسوى الخلطه العاديه للبيتزا قطعي الخبز وقومي بعمل البيتزا لكن بشكل اخر +في كمان ممكن تسوي كودو بالدجاج وهو سهل جداوما اعتقد يأخذ وقت كثير منك او اي شئ اخر تفضليه تأتي بالخبز الشامي الدائري المقاس الصغير وتضعي في داخله حشوة اي نوع مثل الدجاج او التونه بالخضاربالصل والطماطم والجزر والخس اي خلطه تحبينها وترى انا كنت ادقق في طبيخ اهل زوجي لكي اعرف ايش الوجبات المحببه الى زوجي وسألت وتعلمت اشياء كثيير وايضا انا احب التغيير جدا واحب الاشياء الخفيفه وخصوصا في العشاء واتمنى ان اكون قد افدتك
17-02-1427 هـ, 12:39 صباحاً
 
وانا بصراحة احتار في العشا احتار مرة صرت يومين من برة وباقي الايام اطبخ بس ما اطبخ الا رز ودجاج او لحم بس مرة مندي ومرة بخاري بس احس انة طفش منه والمشكلة مزاجة صعب شوي مو اي شي ياكلة
ويقولي انتي ماتطبخي الا ........................
والا يحبة انا ما احبة واختة كمان ماتاكل اللحم
ومادري ايش اسوي


ساعدونيييييييييييييييييي
17-02-1427 هـ, 01:06 صباحاً
 


الساعة الآن 12:25 .