أختي لوليا

شوربة الكويكر سهلة ولذيذة وتختلف طريقة عملها من بيت لآخر...

أنا طريقتي لشخصين:

أجيب نصف بصلة واقطعها قطع صغيرة واحمسها في قليل من الزيت حتى تذبل قليلا.. ثم أضيف قطع صغيرة من اللحم واحمسها قليلا معها.. وأضيف عليها البهارات والملح..
ثم أضع الماء واتركها لمدة ثلث ساعة...ثم أضيف طماطة مطحونة عليه...واتركها حتى تغلي ..ثم أضيف الكويكر من 4 إلى 5 ملاعق واحركها جيدا ...واتركها على النار لمدة ربع ساعة تقريبا....علما أن كمية الكويكر قد تزيد أو تنقص حسب الرغبة في كثافة الشوربة.......

وشكـــــــــــــــــــــــرا...........
21-02-1427 هـ, 09:52 مساءً
 
سويله كفته مع بطاطس مقليه وسلطه
جيبي بيض مسلوق وقطعيه مربعات صغار وقطعي طماطم صغار مع بقدونس ورشيهم بملح وفلفل اسود وزيت زيتون وعصير ليمون وقلبيهم وكوليهم كذا او احشيهم في صمون
هذي الوالده الله يرحمها كانت تسويها للعشاء جربيها مفيده ولذيذه
07-03-1427 هـ, 09:11 مساءً
 
روعه انواع العشاء استفدت منكم كثير0
08-03-1427 هـ, 11:05 صباحاً
 
أقرأ و أتذكر و أضحكك... الكل مر بنفس التجريه.. إرضاء الزوج حاجه مهمه و صعبه و ممكن أسميها المهمه المستحيله.. لأنه اليوم راضي و بكره مو راضي.. الشيء اللي اليوم عاجبنه بكره يغثي عليه.. و المره المسكينه تاكل قليها و تضرب براسها يمين و شمال.. المهم.. التالي ممكن يفيد:
1. أولا مثل ما قالوا الأخوات شوفي إش زوجك يحب.. ممكن تستعيني بأمه أو أخته.. ممكن تجريه بالكلام بطريقه دبلوماسيه أو جربي فيه و سجلي ملاحظاتك
2. ثانيا التنويع مهم للمعده.. يعني كل يوم نواشف يسبب عسر هضم.. و كثرة الأكل من بره و المجمد يقول الرجال ما كأني متزوج.. يعني سويله يوم من بره في الأسبوع و يوم جوامد و يوم إدام و يوم ناشف و يوم معجنات و هكذا..
3. هم بعد أنصحك إنك تسوي جدول إسبوعي علشان ما تحتاري كثير و تقدري تنظمي وقتك..
4. ممكن بعض الأشياء تجهزيها مع الغدا.. مثل الجريش تحطيه يغلي مع مقاديره على جنب و إنتي تسوي الغدا.. و لي جا وقت العشا سخنيه
5. ممكن تسوي الطبخات اللي بالفرن.. يعني ـ تاخذ وقت إعداد قصير و الباقي في الفرن.. مثل صينية الدجاج بالفرن إتبلي الدجاج و تخليه جاهز في الصينيه وقت طبخ الغدا و ادخليها الثلاجه.. بعد المغرب تخرجيها و لما تصير بدرجة حرارة الغرفه إدخليها الفرن.. عشاء محترم وما ياخذ من وقتك كثير.
6. اليوم إللي مره تكوني كسلانه فيه عزمي نفسك بيت أهلك أو أهله

همسه أخيره لكل المتزوجات.. الزوج الصامت خطر.. يكون كابت على نفسه و يخزن لين ما يطفش و بين يوم و ليله اتشوفيه كل يوم بره و ممكن ياخذ موقف أخطر,,,, يعني إللي زوجها يعلق و يقول عن اللي يعجبه و يغثه نعمه و الصبر مطلوب..
09-03-1427 هـ, 08:40 صباحاً
 
عميرة
فكرة الجدول عحبتنى مرة وخاصة انا دائما عندى مشكلة بشو اطبخ بس هالشى وقت الغداء اغلب من العشاء
يا ريت نتعاون ونعمل جدول يكون للعاشء والغداء
09-03-1427 هـ, 04:49 مساءً
 


الساعة الآن 01:12 .