كنتي ضيفة ببيتهم ، وش ودك (لتحسين خدمات الضيافة المقدمة لضيوفنا )

صدقت أختي فعلاً الضيافة ضيافة القلب مو المكان
النقطة الثانية فعلاً مكروهه مع إنها ما صارت لي الحمدلله
بس تعتبر قلة ذوق!!

وما أحب اللي تنشغل بتليفونها وهي عندها ضيوف
في اللي يشغلون التلفزيون للضيوف ويثرثرون في الهاتف

انا اكثر حركة تنرفزني اللي ازورها وهي مشغله التلفزيون وتتفرج وكل شويه كلمتين وتكمل تتابع التلفزيون

من جد اكره الحركه هذي ودي اقولها ترى عندي تلفزيون ببيتي وعارفه كل البرامج

انا جايه اسولف معاك مو اتفرج تلفزيون

خاصة الفتره الاخيره اغلب الناس صايرين كذا

عندي الوحده تجلس ساكته وما تسولف ولا تشغلي تلفزيون

تقريبا هذا اللي ببالي حالياً غير كذا ابد الحمدلله ما قد واجهت شي ضايقني بقووه

الشي اللي مايعجبني لما لما ازرو ناس اهل البيت تلقينهم ساكتين مايتكلمون ولا حتى ابتسامة من غير النظرات تبقق فيك من فوق لتحت احس استقبالها لي كانها مغصوبة 
اهم شي في الضيافة تكون الوحدة بشوشة وتسولف وتبين فرحتها اني جيتها

أنا مع النقاط ألي ذكرتيها
بصراحه مره وحده عزمتني وعندها بنات بعمر بنتي و أخذت بنتي معي و يوم رحت لها تفاجئت بوجود زميله لها
عادي مشيت الوضع لأني أجتماعيه تخيلي تركتني ما تسولف معي
بنتها ألي بعمر بنتي هي ألي تحكي معي و الأم مجنبتني و تهذر مع زميلتها
و بصوت واطي بصراحه حسيتها قليلة ذوووق و ضايقني تصرفها
طالما بتجلسين تسولفين مع زميلتك ماله داعي تعزميني يختي مررره رفعت ضغطي
رغم أنه لما عزمتها عندي قبل عزيمتها يوووووه هليت ورحبت و طول وقتي لها
و متفرغه لها تماما و لا عزمت أحد كله أبي أستانس معها !!!

ولي أزورها وما غير تدخل وتطلع و تغيب عني وقت تحسين كنها مغصوبه !!
ألي مو قد العزيمه و توجيب الضيوف لا يعزم ويحرج نفسه و يحرج الضيف !

ولي تمسك جوالها كنها أول مره تشوفه و تطق طق فيه ذي ودي أطق الجوال براسها
ماله داعي تطلعيني من بيتي و تنشغلين بجوالك !! فيه شي أسمه ذوق و أحترام ..

صدقتي والله الضيافه ضيافة القلب ... الله يهديهم

انا اكره السكوت بالجلسسة يجيب الطفش والنوم لاازم اسوولف انا عشان ارطب الجو