السلام عليكم كيف حالكم يا اخوات

السلق كلنا اكيد بيعرفو هو بيشبه السبانخ تقريبا

رح احكيلكم عن تجربتي مع السلق

معجنات السلق

سلق الكمية اللي عايزاها ، ليمون ، ملح ، سماق ، بصلة كبيرة ، فلفل احمر من اللي بنعمله بالزيت يعني بنخرطه وبنخلي بزيت الزيتون فترة بعدين بنلتهمه من كتر ما هو طيب

الان بتنزعي عروق السلق بعدين بتقطعي قطع ليست صغيرة على الاخر يعني حجمه معتدل ولا هي كبير بين الوسط والصغير بعدين بتحطي عليها شوية ملح وبتتركيها حتى تنزل ميتها يعني الماء اللي فيها

ملاحظة : هادا الماء لا تكبي خدي واحتفظي في وتاني يوم اعملي رز وخلي صبغة خضرة للرز مع الصبغات التانية الحمرة والبرتقالي وما إلى ذلك بتطلع كتير طيبة

بعدين لما ينزل الماء الاخضر بتاخدي وبتحطي عليه باقي المكونات وبتكوني مجهزة العجينة اللي بدك ياها وبتبدأي تحشي او بتعملي فطيرة يعني بتفرشي العجينة على الصينية وبعدين بتحطي الخلطة بعدين بتغطي الخلطة بعجينة اخرى مع لف الاطراف حتى ما يخرج السلق من الطرف

الرز المصري بالسلق

لحمة حسب الرغبة ، كاستين رز مصري ، ثلاث حزم سلق مغسول ومقطع ، ثوم بصل

الطريقة
ططبعا بتسلقي اللحمة وبتستويها بالطريقة اللي إنت معتادة عليها
بعدين في طنجرة على النار البصل مققطع لما يشقر بضيفي الثوم لانه البصل يحتاج وقت بعكس الثوم
بعدين بتجيبي اللحمة وبضيفيها بعدين الرز وبضيفي بعدين بتحطي طبعا ثلاث كاسات ماء او شوربة اللحمة حسب رغبتك

وبتتركي يستوي وصحتين وعافية

ممكن تعمليها بدون لحمة
الان فروع السلق

خدي السلق وانزعي الفروع وخلي السلق على جهة وخدي الفروع

نظفيها جيدا جيدا من الغبرة والتراب والعوالق بعدين

خديها وقطعيها متوسط واسلقيها ولما تستوي ما تحركيها كتير حتى ما تتكسر وبعدين نشفيها جيدا من الماء وكل ما نشفت اكتر اعطت طعم احلى

بعدين على جهة اعملي الطرطور وضيفي الفروع للطرطور وقدميها طبق مرافق وصحتين وعافية

طبعا حاجة غريبة إني استفيد من الفروع لكن جربوها رح تعجبكم


الساعة الآن 01:30 .