Analysis Services
  • «
  • <
  • 1
  • 2
  • 3
  • »
يااختي الهريس هو القمح الكامل والجريش هو القمح المجروش المكسر


امي تقول الاول الهريس اكل الاغنياء والجريش اكل الفقراء كونه الهريس المكسر بس حال الدنيا تشقلب

اللي فيه اللحم او الجاج المطبوخ هذا الهريس

وتراه لذيذ بس يعتمد على نوعية الحب

لانه في حب غامق وريحته شينة وهذا بالفعل يطول في الطبخ وطعمه مو لهناك

وكذلك بالنسبة للجريش

احسن الانواع اللي لونه على اصفر يشبه حبات الذرة (الفشار )من حيث اللون وتشوفيه نظيف مو متاكل من السوس


والاخوات ماقصروا بطرق الجريش


لكن الهريس سهل ولذيذ ومغذي واكل اغنياء الاول

2 كاس هريس يفضل نقعه (وصراحة انا ماانقعه)
دجاجة كاملة او نص كيلو لحم للهريس (توصي الجزار عليه )وهو لحم بقر او عجل ياتي طويل وقليل العظم وطبعا خالي من الشحم (انا اسويه بالدجاج اخف)
ماء
ملح

وبس


تطبخي الدجاجة كاملة في الماء وتزيلي الرغوة (الزفر )ثم تضعي الهريس وتزيدي عليه الماء
وتخليهم يطبخوا ساعة تقريبا او اكثر على حسب

طبعي كل ربع ساعة تقريبا تشيكي اذا يحتاج ماء وتحركيه (مثل الجريش)

واذا استوى 3/4 سواء يعني ذابت معظم الحبات تزيلي الدجاجة وتنزعي عنها الجلد والعظم

ثم ترجعيها للقدر وتزيدي الملح وتطبخيهم مدة 15 دقيقة


وبعدين اما تضربيهم بالمضرب اليدوي (ملعقة خشب سميكة تفي بالغرض)
او بالتكنلوجيا مضرب براون للصلصات
او الخلاط العادي

وتضعيها في الصحن وتعدليها بالسمن الذائب

ويالذتها خصوصا في الشتاء

ويموتوا عليها الاطفال


ولو صار الماء كثير استخدميه شوربة بعد تعديل طعمه بالليمون






يممممممممم
وبالعافية
16-11-1426 هـ, 12:00 صباحاً
 
الله يجزاكم كل الخير على المعلومات المفيده
17-11-1426 هـ, 01:21 صباحاً
 
تسلمين يامشاعل ربي يخليلك البابا الماما مممممممممممممممممموه هذي بوسة لممتك سلميلي عليهاحيل موشكورة ياليتني يمك كا ن نطيت عليك الحين وجبت القهوة والعلوم الزينة علوم اهل الجنوب ههههههههههههه
راح احول يكون العشاء من البرجاس مريت مرة من عندة يسلمو يقلبي على مجهودك معي ربي يسعديك ويهنيك
17-11-1426 هـ, 08:03 صباحاً
 
حمودي وعبودي ربي يخليهم ليك ومشكورة على المعلومات والوصفة يسلمو احاول اجربهم
ربي يخليلك الوالدة
17-11-1426 هـ, 08:22 صباحاً
 


الساعة الآن 06:58 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏