Analysis Services
اختي complex1664 كلامج سليم 100% وياريت كل البنات يفكرون مثلج..تصدقين ان البنات اللي يكتبون ما احلل ...وما اسمح....ومن هالكلام اخاف اتعامل معاهم مع احترامي لهم..واشكرج على طرح هالموضوع.
14-11-1426 هـ, 11:00 مساءً
 
ام عبد الله كلامك عين العقل والله

وما بزيد شي على كلامك لانك كفيتي ووفيتي

لكن ومثل ما قلتي النقطة المهمة جدا هي مسألة (عدم البيع على بيعة اختها في نفس المكان) لانه هالشيء محرم شرعا وفيه حديث على ما اظن.
لانه بهالشي يصير مثل الانسان اللي فاتح محل وعنده بضاعه والثاني يجي جمبه يبيع على بيعه يعني ياخذ زباينه بطريقة غير شرعية او اسلاميه

وبهالشي انتِ 100% صح
وهل انتِ تقصدين اخذ فكره ولا اخذ صورة لانه في فرق؟
يعني مثلا اخذ فكره ما فيه شيء ما دام ما تبيع على بيها
اما اخذ الصورة يعتمد اذا اخذت الصورة وقالت انها هي مسويتها صرااحه هذا ما يجوز
لكن اذا استعانت بالصورة بس وقالت انها تقدر تسوي شي مثله ان شاء الله انه يكون عادي وما فيه شيء

واعتقد انك انتِ تقصدين مسألة اخذ فكره فما فيها شيء طالما ما باعت على بيع اختها في المنتدى اما اخذ الصورة نفسها على اساس انه هذا شغلها فهالشي فيه اعادة نظر صراحه

يعني مثلا اذا تجي واحده تاخذ صورة من اعمالك وتنشرها في منتدى ثاني وتقول انا مسويه هذا بصراحه هذا ما يجوز وما يصير لكن تقدر تقول اني اقدر اسوي مثل هالاشياء يعني يكون واضح انه هالشي مش شغلها لكن تبين انها تقدر تسوي مثله او قريب عليه ساعتها ما فيها شيء


ويتم الفيصل بهالشيء هو الشرع بس بنظري انه الواحد اذا مو شغله لازم يبين انه مو من شغله الصوره وفي بنات يعرضون اشياء بس يقولون ترى الصورة مو شغلي بس اني اقدر اسوي مثلها هذي جدا عاديه

بيني وبينك بعض البنات بعد يقهرون اذا اخذوا مواضيع او صورة مو شرط اشياء البيع اشياء ثانيه ويسوون نفسهم انهم هم اللي كاتبين الموضوع من افكارهم يعني هذا ما يصير شرعا لانه فيه كذب!! صح ولا لا

ويسلم هالتم
17-11-1426 هـ, 12:34 صباحاً
 


[grade="4B0082 4B0082 800080 800080 FF1493"]
السلام عليكم ورحمة الله وبركاته

بارك الله فيج ختيه أم عبدالله على هالموضوع الراقي

وبصراحة صدقتي في كل كلمة قلتيها

يعني ليش هالحساسية الزايدة في فكرة أنه حد ياخذ فكرة حد ثاني؟؟

بصراحة؟؟؟ وعشان أكون صريحة

أنا أحياناً أقول في خاطريه ليش فلانة قلدت غيرها وليش سوت شراتها

لكن إذا فكرنا أكثر

صدقونيه معظمنا يستوحي أفكاره من الغير

وعيبني رد الأخت حقيقة سراب ربي يحفظها
[/grade]

اقتباس مشاركة  (حقيقة سراب)
حتى لو انه الثانيه خذت فكرتج

مستحيييييييييل راح تاخذ بصمتج في الشغل

مافي شي اسمه تقليد 100% بس في تقليد اسمه 99%

وهالـ 1% هي البصمه
[grade="4B0082 4B0082 800080 800080 FF1493"]
يعني مثلاً بتي أخت وبتسوي مندوس فيه شغل راقي ومرتب

ممكن الوحدة تاخذ الفكرة وتنفذها على سلال وعلب هدايا

أعتقد هالشي ما بيأثر على شغل الأخت الثانية

ونحن نعرف يا خواتي أنه إذا رب العالمين كاتب لأي حد في الدنيا رزق

مستحيييل أي مخلوق يمنعه عنه


وأكيييد في خوات يخالفنني في الراي

وأقول لهن أنه الاختلاف في الرأي لا يفسد للود قضية


عذب التحايا

ختكن رومانوف
[/grade]

17-11-1426 هـ, 09:18 صباحاً
 
على انى ماافهم بامور التجاره
لكنى احب ادخل مواضيعك انتى بالذات لانك من جد ابدااااااااااااع
وفوق كذا تواضع وثقه
وصادقين بعض البنات على ايش ماتحلل ولا تملل
انتى لو قلتى كذا ماقلنا شي
الله يحميك ويحفظك
17-11-1426 هـ, 11:23 صباحاً
 
شهاليـــــل
اشكرج اختي
اتمنى من الجميع ان تكون نفوسنا اجمل
ومشاعرنا تحاه بعض حلوة
واسلوبنا مع بعض راقي

اتمنى من الجميع ان تكون نيتهم طيبه
واهم شي النيه ان تكون لله
لان عندما تكون نيتك صافيه صدقيني
الله بيرزقج من حيث لا تحتسبين
وبيفتح عليج الرزق
لان نيتج زينه
وتاكدي اولا واخيرا
ان الرزق بيد الله
وانه يرزق من يشاء
فاذا رزق اخت لك في الله بزبونه
وتجارة رابحه
ادعي من الله ان يرزقك كما رزقها
ولا تحسديها
بالعكس ارفعي يدك وادعي من الله ان يرزقك
لان بابا الرزق مفتوح
واذا رزق الله فلانه هل هذا يعني ان باب الرزق اغلق
بالعكس يابنات
الله يبغينا نرفع ايدينا وندعي له
ادعي فالدعاء يفرج الهم ويزيل الكرب
الله يوفقكم كلكم
واتمنى اشوف كل البنات تاجرات ويربحن
واتمنى ان كل وحده ما تبخل على الثانيه
وتساعدها بقدر الامكان
اذا طلبت منها مساعده او تخبرها عن تجربتها
او حتي تدلها على مكان معين ما تبخل
صدقوني كل ما تساعدين الناس
تلاقين الله يرزقج من اوسع ابوابه
انا مجربه هالشي
صدقوني
لاتفكرين انج لو ساعدتي فلانه او علانه بتخسرين
تاكدي ان كل شي بيد الله
ولا شي بيد البشر
يعني محد بيقدر يسوي لج الا اذا كان مكتوب لج
واشكركم على تفاعلكم معي في هذا الموضوع
اشكركم من اعماق قلبي
17-11-1426 هـ, 12:56 مساءً
 


الساعة الآن 11:30 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏