أرجو إن كلامي ما يزعج الأخوات إللي يسوون إعلانات عن منتجات جربوها أو سمعوا عنها ...
في البداية يتم كتابة العنوان بطريقة مشوقة ثم عرض قصة أكثر تشويقا لعمل دعاية عن المنتج ثم " إللي تبيه تقولي عشان أرسل لها عالخاص" ...
أنا بصراحة تشدني الإعلانات هذي وخصوصا إذا كان المنتج يهمني أو مثل ما يقولون ضرب على الوتر الحساس ... بس للأسف إن الأخت إللي تكتب عن المنتج وأهميته بالنسبة للمرأة الباحثة عن الجمال وخصوصا " المتزوجة" ما تعرض اسم المنتج عالعام أو شكله ونادرا تكتب عن البلد المصنع للمنتج ..
طيب وشلون أصدق هالكلام المشكلة تكون الصفحات الموجودة بهذا الموضوع كثيرة جدا لكثرة الردود ... وياليت كاتبة الموضوع تجاوب على الأسئلة الموجودة ...!!!! كل إجاباتها " شيكوا على الخاص" ...
المهم المطلوب من الأخوات اللاتي يقمن بعرض منتجات غير موجودة بالأسواق أنها تقوم بوصف المنتج بشكل دقيق وواضح وليس كتابة قصة الله أعلم بمصداقيتها ، وأيضا كتابة سلبيات وأضرار المنتج مثل كتابة ايجابياته ومدى ملاءمة المنتج للبشرة بإختلاف أنواعها فما يناسب بشرتي لا يناسب غيري وتأثير هذا المنتج على المدى البعيد وليس في الأيام الأولى من الاستخدام ...
هذا فقط لتبرئة الذمة ... والبعد عن التلاعب بعقلية المستهلكين... ووضع الصورة واضحة أمام المستهلك تجنبا لتلقي الشكاوي "أو الأدعية على من قامت بعمل الإعلان للمنتج"

ودمتم ...

يا ريت الكل يسوي مثل اللي قلتيه
بس و لا مرة سمعنا وحدة اشتكت من منتج شرته من وحدة من تاجرات المنتدى و هذا دليل إنه كلهم أمينات و يراعون مصلحة زباينهم
والله يا اختي

انا تعاملت مع بنات المنتدي ولقيتهم صادقات واميناااات ومنتجاتهم حلوه ومفيده
وكل وحده لها اسلوبها .
الصراحة الامر عجيب ..
يعني الاجانب لما يعرضون بضاعتهم في ايبي او امازون .. يكتبون كل شي و يحطون صور و يعرضون كل شي حتى امكانية التأخر في التوصيل ..
لكن احنا تجي الوحدة تقولك .. كذا و كذا و راح يوصلك بيوم او يومين و تأكدي ان الكمية متوفرة ..
و اذا دفعتي الفلوس لقيتي ان الكمية لسه ماطلبتها الاخت .. و التوصيل متأخر و انتِ عاد خلاص تورطتي ..!
و بعضهم يقولون رسايل و رسايل .. طيب و اللي تستحي تطلب ؟؟
و اللي ماعجبها العرض و طنشت يقومون يغسلون شراعها لانها ماردت عليهم !!
طيب طبيعي اذا ماعجبني بطنش .. ( ماصارت معي الحمدلله ) بس على الاقل اعرضي بضاعتك على العام عشان ما تتفشلين لما ماتلاقين رد من اللي ارسلتي لهم ..
عشان كذا احاول اكثر ما اقدر اتجنب طلب الرسايل الخاصة عشان ماحد يزعل مني اذا مارديت


لماذا نحن متشنجون هذه الايام؟؟ لماذا تكثر الاتهامات و تبادل الكلمات؟؟ ما كل هذا التوتر؟؟ اروع ما جذبني لعالم حواء هو ذلك الوئام السائد بين الكل؟؟ كان لي الواحة التي تهدأ اليها نفسي.. كنت ارى في كل البنات اخوات لي اجدهم وقت الشدة بكلماتهم الدافئة.. و رقتهم و تدينهم..كنت احدث زوجي دائما عن انني عثرت على جوهرة بعالم النت المملوء يالبذاءة والسؤ..
ارجوكن خواتي ان تخففن من حدة الضغط والسجال فهذا يوترنا ويفسد اوقاتنا السعيدة .. كم اتمنى ان يعود الزمن عاما للوراء لتروا جميعا كيف كان هذا المنتدى واحة للكل..
اسال الله لكن العافية




الساعة الآن 06:36 .