كويس انه بالاخير خاف منك
لا تعدينها بسهولة ولا تبينين له انه خلاص الحياة بتمشي بينكم
قولي الى الآن انا استخير في طلاقي منك وانه يمكن اللي صار خير لنا اثنينا اننا نرجع نفكر في حياتنا وزواجنا من جديد
العبي باعصابه وبيني انك في مرحلة اتخاذ قرار ، خليه ماينام الليل من خوفه من قرارك
حتى عيالك بهالايام حمليه اغلب مسئوليتهم ، حسسيه انك تبين تعودينهم على فراقك
ومنها بعد انه يتحملهم وينشغل فيهم ، واستمري تحملينه مسئوليتهم عشان يتفرغ لتربيتهم وطلباتهم بدل مايتفرغ لقلة الادب

الرجال وااااااضح خاف منك من سالفة انك ممكن تتزوجين وترمين الجمل بما حمل عليه
كان يبي يلعب بذيله ويتزوج زواجة لعب فترة ويطلق ، والحمدالله كشفتيه ، لأنه لو سواها وفعلا تزوج وطلق بيقعد لك كل شوي يتعرف ويتزوج ويطلق وانتي ربي بهالعيال
زوجك ماعنده مشكلة يتزوج وحده شافها خويه لأنه يبيها ز واجه مؤقته ، ياختي فيه ناس يتزوجون عاهرات زواج مؤقت ، مايهمهم ابد المهم الزوجة الرسمية هي اللي تكون اخلاقها عالية لأنها هي واجهته قدام الناس

بعد ماتعيشينه بالقلق وتأدبينه صح وقتها تشرطي عليه واطلبي منه يسوي الاشياء اللي نفسك فيها
مثلا يعطيك مبلغ وقدره تشترين لك ملابس او جوال او حتى الاثنين ، وتغيرين بيتك
هو اكيد دامه مخطط للزواج مجمع مبلغ لا يقل عن 20 الف .. اشفطيه بعد ماتتفقون على انكم تتراضون
اطلبي 20 الف وانه يستقطع مبلغ شهري من راتبه ، ولو انتي جامعية دوري وظيفة .. واذا لا خذي دبلوم ودوري وظيفة
تغيري عليه خليك انسانة ثانية طالبي باكثر من حقوقك ولا تسكتين له عن شي ، لأن الانسانة الاولية مانفعها طيبها وتغاضيها

الله يفرج همك ويريح بااالك

الله يعينك وربي قطعتي قلبي , ع قول اللي فوقي لا تعدين الموضوع بـ سهوله وتخلينه ينسآه , خليه م ينآم الليل من الفجعه .. 

وربي ي بنآت أنا متزوجه لي سنه , قسم بالله دخلت عالم حوآء ، من كثر مشآكل الأزواج وخيآنآتهم أحس آني بديت آنتبه لـ زوجي .. رغم آنه إنسآن من جد قمة في آلأدب وقوة إيمآن و دين ماشاء الله .. ورقمه السري قدآمي يفتحه عآدي , ودايم اذا جلس عند التلفزيون يصفي القنوآت اللي فيهآ أغآني وحريم متعريآت .. وينصحني ألبس السآتر .. هو مو مطوع بس ماشاء الله عليه حريص ع دينه ، واذا اختلى ب غرفه لحاله وطبيت عليه ، أحصله يتسمع لـ شيوخ و قرآء .. وصلآته ب آلمسجد ، ويحب يقرآ قرآن كل يومين ثلآثه , يعني آشك ب نفسي ولآ فيه .. والحين بعد م سرت أدخل ع قسم آلحيآة الأسريه هههههههه والله سرت أوسوس , ل درجة مرا قريت موضوع عن وحده تتكلم عن زوجهآ انو لما يدهش يقول سوآليف وأسم وحده .. سرت أجلس أراقب زوجي وهو يتكلم إذا دهش وش يقول ؟ من شدة الوسوسه .. وسرت أراقب نظرآته اذا فيه مسلسل او شيء ،، اشوف يطالع ب الحرمه ولا لا هههههه .. وهو ولآ همه وربي لا جات حرمة ينزل راسه ع الجوال أو يجي يميل عليآ ويسحب ع التلفزيون , ويسولف لي .. بس مرآ يآ أخواتي سرت شكاكه اعوذ بالله أعوذ بالله ، نفسي أقضي ع هالشعور الغبي .. أحس ب أتعب لو استمريت ع كذآ .. لا تقولون آشغلي نفسك ومن هالكلام لأني جالسه أحاول بس مقدر , والسبب مواضيعكم هههههههههههه وسوستبي بتجنن ! يازينكم الله يخليلكم ازواجكم ويخليلي زوجي ..  

شكله ماراح يتركها اخذي موقف صارم كلمي اهلك وبعدين الف رضاوه ماتكفي المهر اللي كان بيعطيه العجوز اخذيه اللي عندهم اكثر من جوال دايم مشكوك في امرهم

انتبهي له وقولي لهلازم تتغير وتغير تصرفاتك معااااي وحلفيه علي القران انه فعلا تركها والا بذمته ليوم الدين بيخاف اكيد