فينك اختي مهاوي .. انتظرك وانتظر باقي الاخوات ..

شاركونا لا عدمنا طلتكن
اليوم ربي يسهل واكتب خبرتي بالموضوع


اعذروني على التاخير
تشكرين اخت ازهار على الموضوع الهادف

طيب سؤال عن المعاهد لتعليم الخياطة في السعودية؟؟
اهلين خواتي اعذروني على التاخير

بالنسبه لي انا خياطه (لي خبره بالخياطه لكن ما امارسها ) سابقا
واللحين صاحبة مشغل

الخياطه بالنسبه للسعوديات او الخليجيات برأي انها مو مجديه مثل ما يقولون
انا حاولت اكثر من مره اني اخلص اي قطعه عاديه مثل جلابيه البيت بيومين لكن ما قدرت لان احنا عندنا التزامات ثانيه ولازم نجامل ونزور غير الخياط الهندي يقعد يجابل الشغل على طووول وهم شغله اسرع من شغلنا
بالنسبه للشك والتطريز صعب ان شخص واحد يكون يعرف يقص ويشك ويطرز
بصراحه ماراح يكون شغل بروفيشنل صجي لان صاحب بالين كذاب

بالنسبه لي
1- انا خريجة كلية اقتصاد منزلي
2عمري بحدود 30تقريبا
3-مو متزوجه
4- اقص واخيط وانظف الخياطات لكن ما اطرز ولا اشك
5- مممممممم ممكن اشتغل بمشغل خياطه لو كانت ظروفي غير
6- اقدر اعمل فترتين صباحيه و مسائية لو ما كنت موظفة(انا اللحين اشتغل فترتين دوام الصبح والعصر اجابل المشغل )

اللحين انتقل الى الجزء الثاني بما اني صاحبة مشغل
انا العماله اللي عندي كلهم رجال لان شغلهم انظف

1-المعاش ما بين 180 الى 250دينار كويتي
معدل الشغل يعتمد على نوع القطعه والشغل اللي فيها يعني فساتين الهوت كتور او السهرات اللي فيها شك يبيلها من خمس ايام الى اسبوع حسب الشغل

اما اذا كان شي عادي مثل الجلابيات بس بدووووووون شك او تطريز يحتاج اقل من يوووووووم
فستان العروووس يحتاج من اسبوعين الى شهر

العماله اللي عندي بالمشغل اهم قصاص وخياط والشكاك والطراز مع المصمم طبعا

بصراحه دخل المشغل للحين ما يغطي تكاليفه لان مافي ضغط شغل كفايه لاننا تونا مبتدين مو من فتره طويله وهم لان ما سويت دعايه كفايه

راس المال اللي يحتاجه اي مشغل في البدايه يعتمد على الادوات وسعرها وعدد العماله ورواتبهم
لان الي تفتح مشغل لازم تحط حسابها على معاشات العماله لمدة ست اشهر علشان يبتدي المشغل يشيل عمره شوي

اي استفسار ثاني او اي اخت تبي تبتدي بمشروع مشغل انا مستعده اعطيها اي نصايح او تفاصيل تحتاجها

بانتظاركم خواتي
اذا وجدت خياطة سعودية محترفة اشغلها حالا في المشغل دون تردد
ولكن اين هي؟؟؟؟


الساعة الآن 07:11 .