بسم الله الرحمن الرحيم

والسلام عليكم ورحمة الله وبركاته

تنبيه

ماأسامح ولااحلل من تسرق موضوعي ومجهودي وتنسبه لها

قبل ماأبتدي بالموضوع اتمنى رجاء خاص جداً جداً

ان ينتشر هذا الموضوع في القروبات سوا فيس بوك او تويتر او واتس اب او اي تجمع او قروب

لاني بكل امانه اتمنى الفائده للجميع وليس لي انا فقط ابي الكل يشتغل ابي الكل مرتاح

انتم لاحظتو في الفتره الاخيره الكل يقول عطاله والراتب مايكفي الحاجه ولاحظتو كثير بنات متخرجات

وكل سنه ننتظر جداره واحتياجها واصبح بكل بيت بنتين الى ثلاث بنات عاطلات او اكثر

طيب ليه او بمعنى اصح ليه مانتحرك ليه مانشتغل لمتى ننتظر جداره وتحديثات حافز وخصمياتها

خلص حافز وبعدين ...........

قبل مااتعمق بالموضوع

قبل سنه من سنين كانو بنات الامارات في الصداره سوا تجاره اكترونيه او مشروع على ارض الواقع

لكن اليوم بنات الكويت خذوا الصداره ماشالله تبارك الرحمن اللهم لاحسد

ملاحظه انا احترم كل دول واحبها ولا انقص من قدر احد لكن حبيت اذكرها لتحفيز وتشجيع

السعوديه دولياً وعالمياً متصدره في مساعدة الكل

لكن انا ابيها متصدره بقلة العطاله نتمنى مايكون عندنا عاطل او عاطله في بلدنا

الكلام خاص لبنات السعوديه وعام لكل الدول

التجاره الالكترونيه كل فتره تزيد وتصبح في المقدمه ولو لحظتو اصبح الكل يشتري من بيته ويوصله

الطلب لحده وراح يجي سنه من سنوات وينعدم السوق ميدانياً

انا اوجهه كلمه لكل بنت عاطله وعاطل

ترا شغل مو عيب ولا حرام

سيد البشريه نبينا محمد صلى الله عليه وسلم كان يشتغل بيده ماعابه ولانقص من عمره شي

العيب من يشتغل بالحرام ولا طريق الغلط

العيب من رجال يكون عمره ٢٥ سنه وينتظر من ابوه او امه مصروف

لاتقولون مانقدر ولا صعب ولا كيف


انتي لو تجيك وظيفه في منطقه تبعد عنك ٤٠٠ كيلو نطيتي لها ويمكن ماترتاحين وتذمرين

لكن انا اليوم اقول اشتغلي من بيتك رزق حلال وعمل شريف

لا تقولين نظرة العالم والمجتمع

كلنا بنات قبايل وكلنا مانرضى احد يتكلم فينا بالغلط

لكن اذا كان شي صح ويرضي ربي اولاً واهلي ثانياً ماهمني اطلق شنب قدامي

كلام الناس مايوكل عيش وفي الوقت هذا ماينفعك غير ريالك ولا الكلام في الهواء

يتبع ...............

ابي تكلم عن بدايتي وعقب راح اتكلم عن قصص البنات الي كملو من بعدي او تبعو نفس طريقتي

واكرر واقول والله الذي لااله الاهو اتمنى للجميع الخير والفائده

تخرجت انا واختي من الجامعه فكان اختي الله يسعدها دنيا واخره عندها حماس وطموح ماشالله لاقوة الابالله

فكانت كل يوم تزن على راسي انا وامي انا ماتخرجت من الجامعه علشان اجلس كذا انا لازم اشتغل انا وانا <<<مزعجه 😁

كانت كثير جلوس على الكمبيوتر وتابع المسلسلات الكوريه تقولي شوفي حماسهم على شغل شوفي وشوفي طبعاً انا نظام

تسليك لها المهم ماراح طول عليكم

هي تخرجت في شهر ٧ هجري شهر رجب فلاحظنها انا وامي دائم تكتب ملاحظات بس ماهتمينا لها.

لما صار شهر ١٠ هجري شهر شوال قالت ابي شريحه برغم عندها رقم خاص قلنا ليه وش تبين فيه قالت بشتغل

انا وامي وجيهنا كذا >>😳😳

وش الشغل قالت طباعه على تشيرتات انا بهذي الفتره كنت استلم حافز دفعه الاولى قبل ٣ سنوات وهي لانها توها خريجه لازم

تنتظر ٦ شهور علشان تقدم

المهم للامانه انا وامي كنا مره رافضين الفكره وماكنا متقبلين لها قالت انا استخرت ورتحت تكفون لا ترفضون ومن هذا الكلام

طبعا بحكم ماعندنا اخوان وابوي الله يرحمه كان تعبان ومايدري عن احد فكانت الكلمه مشتركه بينا

قلت انا وامي خلاص بس ماراح نتدخل فيك وغير كذا مانبي احد يعرف حتى صديقاتك

اصلن عطينها على جوها وكنا نسلك لها نسينا حكمة ربي اذا الشخص

تقرب له واصلحها معه راح يتوفق ويرزقه من حيث لا يحتسب

اشتغلت في طباعة التشيرتات برغم انها متعبه فكان مكسبها في كل تشيرت ٤ ريال متخيلين المكسب

لكن ربي ماضيع لها تعب وصادف هذي الفتره اليوم الوطني فسبحان الله من معلمه تعاملت معها انتشرت بخلال ٣ ايام

ماشالله تبارك الرحمن فطلعت في اقل من شهر ١٢٠٠ ريال

قل طلب عليها فحبت تكبر مشروعه وصارت تطبع شعارات الماركات وبدأ يتحرك سوق لكن جداً بطي

لحظه قبل انسى كانت قهوتنا كثير يمدحونها فقالت فوز وش رأيك نبيع قهوتنا قلت لها شكلك نهبلتي قالت الكلام

معك ضايع فصارت كل ماتجهز تشيرت تحط مقدار فنجان القهوه من البن المخلوط يعني مجرد ذواقه وترسله مع تيشيرت

فصارو زباين يسألون وش ذا وتخبرهم انها قهوه مخلوطه فبدأ الناس تطلب منها استمرت في شغله


انا صرت اذا نامت ارد على زباين واتفق معهم <<<هذي الي كانت رافضه الفكره ههههههههه

امي صارت اذا شافت الجهاز لمبته تاشر لان جوال فيه لمبه قالت جاتكم طلبيه ردو <<<<العزيزه الثانيه الي كانت رافضه الفكره

جاء شهر ١٤٣٤/١/١هــ

قالت اختي انا كلمت عمي وراح يوديني سوق الجمله بجده قلت هو عرف قالت لا بس قلت ابي اغراض وافق

راحت معه تفاجئنا جايبه ٨ شناط تقليد ماركه

ماشالله لاقوة الابالله اذكرو الله ياجماعه باعتها ماعدا حبه وحده

صادف شهر ٢ كان اخر دفعه من حافز قلت لها تكفين طلبتك ابي ادخل معك ب٢٠٠٠

صارت تضحك عليه تقول وين الي تمسخر عليه هنا وجهي صار كذا >>>🙈🙈🙈🙈

المهم ماقصرت ودخلت معها تعاونا مع بعض والحمدالله

تعلمنا طرق الطلب من المواقع لان سوق الجمله اصبح غالي بشكل موطبيعي


خلاصة تجربتنا

نويت انا واختي انها تكون عباده قبل ماتكون تجاره ومصدر رزق لنا لدرجة كل شهر ننوع مره نحط بسكويت او حلاو او

مناكير او مطوية اذكار مع كل غرض لزبون وانويها صدقه كل ماجلسنا على اجهزتنا لنشر اعلانا شغلنا اذاعة القران

والهينا السنتنا على تسبيح وتهلليل وتعاونت انا وهي اذا بدانا نتكلم في الناس نخاصم بعض ونستغفر

والله الذي لااله الاهو اذا اصلحنها مع ربي ربي يزينها معنا

وتبعنا قاعدة تاجر قليل دائم افضل من كثيرا منقطع خلينا اسعارنا متناول الجميع او بمعنى اصح نفس اسعار السوق

واليوم والله الحمد دخلنا السنه الثالثه من مسيرتنا والحمدالله كثيراً طيباً مباركاً فيه

الحمدالله حتى يبلغ الحمد منتهه

لمشاهدة حساب أختي متجر زهرة البنفسج

Z_BVIP

وحسابي متجر هنو فاشن

Hino_fashion

يتبع باقي القصص ..........
اي والله كلامك در ر وصادقه
الشغل موعيب بس المشكله في بعض الاشغال تحتاح لرجال يروح ويجي ويشحن لشركات الشحن
انا وحده من الناس افكر بالتجارة الالكترونية بس مشكلة المواصلات هي السبب في تجارة البنات من البيت
حسابي
@noormarketing
الجزء الثالث مو راضي ينزل عطوني حل ينسخ لكن المتصفح مو راضي يعمل لصق

حتى حملت التطبيق ونفس المشكله
اقتباس مشاركة  (فلووورة)
اي والله كلامك در ر وصادقه
الشغل موعيب بس المشكله في بعض الاشغال تحتاح لرجال يروح ويجي ويشحن لشركات الشحن
انا وحده من الناس افكر بالتجارة الالكترونية بس مشكلة المواصلات هي السبب في تجارة البنات من البيت
يامرحبا شرفتي موضوعي
انتي بس تستصعبين الموضوع اذا عندك اخو او زوج كلميه بهذا الموضوع

واذا ماعندك تقدري تتفقي مع مندوب يوصلك شحنات ويستلمها


الساعة الآن 08:01 .