feriha :

عن تجربة بعد ما استخدمت فيتامين د ماحسيت بأي تحسن واصلا من قبل ما احس فيني اعراض قوية بس انا احلل دوريا الغدة الدرقية لأن (كان) عندي تكيس مبايض ويخافون يجيني كسل بالغدة الدرقية المهم من ادوية التكيس وادوية فيتامين د تدرين وش الشي الجديد اللي لقيته؟ امي جاتها الام قووووية بالعظام وخشونه بالركبة وانا جاتني حصوات بالكلى والم حصوات الكلى يتقارن بالم الطلق من قوته بس على الاقل الطلق بتولدين وبيجيك طفل ينسيك الالم الحصوات لا ، غير ان الطلق مرة في كل حمل يعني يالله بعد سنتين او 3 او 5 عكس الحصوات ممكن 4 مرات بالسنة غير ان الالم ايام وممكن تمتد لاسبوع كنت اقول رسولنا الكريم عليه افضل الصلاة والسلام يقول "لكل داء دواء" معقول التكيس والحصوات مرض مزمن ماله اي علاج؟ احس مستحيل غير اني من زمان اقرا عن شركات الادوية ، انها اشبه بالمافيا يعني جاك السكر مثلا تجلسين على دواء السكر سنين وسنين وسنين ، ومايضبط سكرك الا معه وبعد هالسنين يجيك كولسترول وتستخدمين ادوية الكلسترول وبعد سنين يجيك مرض ثالث وهلم جرا ، وتصير ثلاجتك صيدلية فما كنت اقتنع كثير بالادوية ولا احب اخذها الا لحاجة قوووووية ، او انها تكون مكمل غذائي اكون جد محتاجته حتى البنادول ما اخذه الا لو بامووووت الم ، وحتى لو باموت الم ما اخذ بنادول اخذ بروف خخخخ صح انه اقوى بس انا ما اكل مسكن الا ميته الم المهم يأست من ادويتهم ووقفتها من زمان احس اني صرت اسوأ من استخدمتها ، واحس فيني كسل الدنيا كلها ما انكر اني نحفت من ادوية التكيس بس وش فايدة النحف اذا جاب لك امراض وجاب لك اكتئاب؟ غير ان الادوية نفسها تتعب تصيرين تبين تنامين وبس ، وفيك خمول وكسل واحيانا تجيني دوخة وطحت في يوم على حساب اخصائية التغذية ريم العنزي بالانستقرام فيه بعالم حواء تجارب ناس معها وبالنت عموما وبحسابها بالانستقرام ماكنت مقتنعة بكلامها 100% وما انلام لأني ماجربت ، كلامها مقنع عن الفوايد وكذا ، بس اللي ماكنت مقتنعة فيه ان التحسن يجي بفترة بسيطة وفعلا التحسن الكبير جاني بعد 6 شهور ، بس فيه ناس 4 شهور وناس اقل يمكن على حسب التزام الشخص اغلب نظامها مستمد من القرآن الكريم واغلب كلامها عن عادات سيئة احنا نسويها مثل الجبن وكثرة اكل الدجاج والعصيرات والالبان والحليب قليل الدسم والامتناع عن اكل البطاطس المشوي عندنا ، قليييييل ناكل بطاطس ، مع انه الاكلة الرسمية عند البريطان ، ياكلونه يومي بدل الرز عندنا وشوفيهم ذكاء ونشاط احنا خمول وكسل وماغير متسدحين وبعد الملح البحري وان الملح ضروري مو مثل ما احنا فاهمين انه مضر ، بس مهم يكون ملح بحري غير انه اصلا كلام كنت قاريه عنه من قبل ، كنت قاريه اول ماجاني التكيس انه بسبب الدجاج والجبن بس ماكان فيه شرح كافي ووافي بس هي ماشاء الله شرحت كل شي طبعا الدورة كانت تنقطع عني شهور 6 او 7 او اكثر وتجيني طووويله 9 ايام ، وهي تقول مع الانتظام بتصير دورتك اقصر من كذا واستمري الى ماتصير 4 ايام او 3 ايام ، نسيت كم بالضبط :$ المهم التزمت بكلامها وحتى بالكلام البسيط اللي تقوله يعني مثلا اللحم ما اقدر اكله يوميا ، وما احب لحم السوبر ماركت ، بس هو فيه معدن مهم وهالمعدن ضد المعدن الموجود بالدجاج وبنفس الوقت هالمعدن نفسه موجود "بالقسط الهندي" فصرت آكل القسط الهندي، غير انه فيه ناس تعالجوا من التكيس والغده بالقسط الهندي وايضا فيه ناس تعالجوا من الحصوات بالتلبينه ، وصرت اشربها وهي اصلا تكلمت عنها وقطعت الاجبان والحليب واغلب الاشياء اللي قالت عليها ما انكر ماني ملتزمة 100٪ ، فيه شووووووية لخبطة بس مو كثير مثلا الدجاج خلاص قررت اني ما آكله بالبيت ابد ، اكله لو مثلا رحت مطعم ، لأني ما احب لحوم برا او مثلا اشتهيته بقوووه في طبخة معينه ، يعني ما اخليه اكله روتينيه الحليب اشربه بس مو كثير ممكن مرتين بالثلاث اسابيع ، ما اكثر وبرضو هي تقول ان الدم مايطلع لك التحليل المضبوط وان التحليل المضبوط يطلع بالشعر وفعلا انا كنت استغرب جدا من الدكتوره لما تقولي الحديد عندك مرتفع! وانا ما آكل اي شي كويس !!! لا خضروات ولا فواكه ولا كبده ولا لحم ولا هالاشياء غير اني مره التزمت اكل حبوب الحديد شهرين وتحسسسسسسنت صحتي جددددداااااا بس هي منعتني منه تقول بيضرك !!! وفعلا بتحليل الشعر طلع عندي الحديد ناقص كثير المهم والكويس بالموضوع ان الكسل والخمول راحوا مني ولله الحممممممممممد وان الدورة ولله الحمد لها شهرين تجيني وكل شهر 5 ايام فقط وان الشعر ضبط وماعاد يتساقط واني قبل كنت ما اقدر انام كويس اي شي بسيط احس فيه وافز وماعاد انام وحتى لو اصحى لأني ابي دورة المياة -الله يكرمكم- ما اقدر انام ولو اسمع صوت خفيييييف افز اصحى والحين الحمدالله عادي اصحى اتوضى واصلي وارجع انام طبيعي ، قبل مستحيييييل اصحى للصلاة وارجع انام وما افز من ابسط صوت ، بالعكس احيانا يدخلون غرفتي ياخذون شي ويطلعون ولا احس فيهم مو اني صرت صنم خخخخ لا احس لو صوت عالي جدا او احد واقف على راسي يصحيني وقبل كانت تجيني نغزات والام بالقلب وتروح ، الحين ابد من زماااان عنها واكيد باستمر الى ماتصير دورتي اقل من كذا ومو معناته بس يرجع كل شي تمام خلاص !! لا مافيه خلاص ، تستمرين على العادات الغذائية الصحيحة ، وتمتنعين عن السيئة ان شاء الله اكون كتبت كل شي مهم وان شاء الله تستفيدون من كلامي

عن تجربة بعد ما استخدمت فيتامين د ماحسيت بأي تحسن واصلا من قبل ما احس فيني اعراض قوية بس...