ماشاء الله عليك انا نفسي اولد في بيتي لكن المستشفيات عندنا زباله ومضطره اولد في المدينه عند اهلي

الله يفرجها علي وعليك يارب 😢

واذا طفشتي كلمي احد من اهلك او صديقاتك المكالمات ببلاش

عادي ياقلبي انا بولد ببيتي مع ان اهلي جنبي بس خلاص ليه اثقل على امي واخواتي اختبارات وعندي ولدين ربي يحفظهم والنونو بيضيعون الوقت حطيت سريري بغرفه التلفزيون وفيه النت بجوالي وحفظت عندي ب الانستقرام كم معرف اتسلى عليهم منوعه بين سوالف واهتمام بالبشره والجسم واهتمام بالنونو وكذاا😅
والاكل والاشياء الثانيه اهم شي عندي الحليب بالزنجبيل وعادي بقوم اسويها لاني مجهزه الغلايه والعده كامله ع الدولاب وربي ييسرهاا
انتي لااتحطين ببالك انك بتطفشين وصدقيني اليوم بيروح بين الاهتمام بولدك ونفسك والنونو
موووفقه😘😘


تم الإرسال بواسطة iPhone بإستخدام منتدى عالم حواء

تعرفي على وحده من الجيران ترى الناس فيها خير ....بعلمك على قصه لي وربي يشهد اني ما اكذب او اتجمل بس بعلمك ان الدنيا فيها خير وفي ناس ودها بالمساعده ...وانا بنت سكنت في نفس حارتنا بنت عروسه عمرها حول 17 ولا احد يعرفها ان كان سمعنا بس من صاحبه البيت اللي مستأجره عندها وكانت مره كبيره تزور الوالده طبعا البنت حملت وولدت بقيصريه وكانت ماتعرف شي وامها كانت بالعده ولاقدرت تجيهها واهلها اصلا بقريه بالججنوب واحنا بالطايف ولاعندها احد ابد ولمن ولدت علمتنا صاحبه البيت واجتمعوا الحريم وراحولها وجت امي تقول بنت صغيره وتستحي ومنعفسه وبيتها حالته حاله وتحزن قلت خلاص دامها كذا ماعليك انا بروح لها وانا ما اعرفها ابدا ولا قد شفتها وكنت بالجامعه وقتهاوكنت ارجع من الجامعه 2 الضهر وادخل المطبخ واسوي اكل بلبس الجامعه واحيان تكون امي مجهزته واروح لها مع ان بيتها بأخر الحاره واخواني كلا جاي من دوامه ولا احد يوديني ..واروح مشي على الساعه 4وادخل عليها واسلم واعرفها بنفسي وعرفت الوالده وشفت حالتها والله تقطع القلب واعطيها تاكل واقوم على المطبخ واغسل المواعين وانضف السيراميك واحط لبسها ولبس النونو بالغساله واغسلهم ونتساعد بالولد ونروشه ونلفه واشيل بقايا الاكل واحطه جنبها واخذ مواعيني لبكره واجهزلها قشر وحليب وحنيني عند راسها لانها كانت مره تعبانه وحالتها حاله طبعا انا كنت بنت بس ربيت اخواني الصغار واعرف ....والان لنا حول 10 سنوات صداقه وتحبني حب وولدها تقوله هاذي امك وجابت بعده 2 بس ماعمرها تنسى موقفي معاها .......

ابو دبب يااشيخه الله يسعددك على وقفتك معهااا قليييل اللي مثلك ماشاءالله من جددد وقفتي معهاا في اصعب ظررف مستحييل تنسى لك هالجميل😘


تم الإرسال بواسطة iPhone بإستخدام منتدى عالم حواء

جزاكم الله خير اخواتي والله انكم رفعتوا من معنوياتي بيض الله وجيهكم وانتي يابو دبب الله ياكثر من امثالك يااختي للناس للناس والله ييسر لي ولادتي ونفاسي وكل مسلمه ويرزق كل محرومه