سالفتي مع زوجي واحكمو انتم

ادعولي بنات ربي يفرج همي 😔😔
بدخل بالموضوع
صارت مشكله بيني وبين زوجي
واحسه هو اللي كبرها
حابه اوضح شي زوجي بدايه الزواج كان انسان رائع يهتم بيه ومايزعلني اي شي اطلبه يجيبه
الحين له سنه ماعليه فيه وعنده انا غلطانه فكل شي
انا انسانه ناجحه ومتوفقه حمد لله فكل شي والكل يحبني الا هو قلب علي ويحطمني صرت بس جثه مافيه مشاعر الكل يسالني وش فيك ي فلانه تغيرتي
هو مشكلته لو شي صغير مني يشوفه كبير مايهتم باغراضي ولايبغى يجيب شي للبيت مايضحك ولا يسولف معي ولما اساله يقولي مافيه شي ع طول مبوز وزعلان ولا نايم ولا يطلع والله مايطلع من باب البيت الا مسجد ويجي يحط حرته فينا احس عنده حاله نفسيه هو عنده ازمه ماليه قروض وديون


انا عصصصصصصصصصبيه بس انسى بسرعه
المهم اللي صار
جاء من الدوام ع ١١ وبدل قالي مره تعبان وبنام لاحد يدخل علي قلت اوك
الساعه ٣ وانه طالع من الغرفه وقالي وش سويتي غدا وطلع مانام ولاشي استغربت وتنرفزت قلت ٤ ساعات وش تسوي قالي ماجاني نوم واقلب فجوالي قلت بزعل كان جلست معانا احسن لك
قالي وش دخلك لو جلست ١٠ ساعات مابغى اجلس معاكم اصلا
قلت له اكيد في بنت حرام فجوالك جالس تتسلى عليها
قالي قسسسسسسسم بالله مافيه شي
وعصب وصار يصرخ علي انتي تفكيرك زباله
ولسانك زباله تفكيرك منحط لذي الدرجه انا عمري مافكرت كذا انا بنسدح لوحدي فيها شي
وهو كذاب ماقد انسدح اربع ساعات بدون نوم
المهم اشتد النقاش وصار كنه يدور شي بيرميه علي قهرني بحركته ذي قلت والله ترمي شي يرجع فراسك قال انقلعي برا جبتي لي الجنان بكلامك

ومن بعدها ماتكلمت معه احس عنده بدايه مرض نفسي وبيجيب لي المرض مثله
وش الحل معاه يقهرني وحتى لو انكم تشوفون اني غلطانه هنا بس لاني سكت كثير جاتني حالات انفجار