ابشركم ولدت لكن جداً متضايقه :(

بنات بقولكم التفاصيل والي جربت العمليه بعد الطبيعي بتحس بكلامي :(

موعد ولادتي كان 20 ذي الحجه وماولدت الا 8 محرم مطوفه جداً ..

دكتوري جداً ممتاز ومعروف انه يصبر على الوحده كثير علشان تكون ولادتها طبيعي
انا عندي ولادتين طبيعي قبل وبهذي الولاده كل مااتذكر اني والده قيصري اكتئب واتضايق واعصب احس استعجلوا علي مع اني مطوفه ..

وهو ماعطاني الا مره وحده تحميله مدري نص تحميله جابتلي طلق يومين بالمستشفى ورحمي لازال مسكر ..
والدكتوره كانت تكشف علي تقول مسكر ولاف وسميك !!
طيب تتوقعون لو حاولوا بطلق صناعي والا شيء ثاني كان ولدت طبيعي
والا خلاص العمليه كانت الحل ؟

مع انه مااحس عطوني فرصه الا بالوقت يقولون طيب روحي البيت لين وصل 6 محرم قال خلاص ..

مدري وش ابي اوصلكم لكن احيان اقول قرارهم صح ؟
واحيان اقول لو عطوني طلق صناعي ؟
واحيان اقول هو ابخص بعد ماشاف السونار اخر مره !
ودي اقتنع ميه بالميه اني ماكنت اقدر اولد طبيعي :(

مره متضايقه والحمدلله على كل حال