فعلا انا الغلطانه ولساني طويل ؟

السلام عليكم يسعد مساكم بكل خير .. بما أنكم أخوات وعزيزات وغاليات حبيت أعطيكم جديدي واسمع مشورتكم 🙋 ادري طفشتكم وزهقتكم ولكن الجديد اني استشرت إنسانه عاقله ولها نظرة في الحياه قالت اني غلطانه لاني طولت لساني وقلت كلام المفروض مااقوله بحكم انه خطيبي وانه الرجال مايحب الي لسانها طويل وانتو عارفين عاد ماقصرت فيه قلت كلام ماينقال المهم رسلت ذا المسج (مو عيب الانسان يعتذر او يواجه ويتحدى المواقف اظن من ابسط حقوقي لما دقيت ترد ع مكالماتي وتتفاهم معايا عشان ما يكبر الموضوع ونوصل للمرحلة دي عالعموم ادري قلت كلام ماله داعي بس ماكان الا ردت فعل ل اسلوبك وانتا عارف اني امر بضروف زي الزفت انا محتاجة شخص استقر معاه يسعدني اكثر من سعادتي بيت اهلي وانتا كل مرا تظلمني وتهملني شوف نصيبك وقدر الله ومشاء فعل انا البعد حتى وانا كان بيتعبني يوم ولا يومين بيكون فيه راحتي محد بيحرق أعصابي ولا يظلمني لسه العمر قدامي وباقي صغيره ع الهم لا تعتقد اخترت البعد عشان ماضي ولا بنات لا والله بس ...الي كان يفكر في يرضيني ويسعدني تغير البعد يمكن فيه راحتك قبل راحتي شوف ايش الي يناسبك ووقت ماتحب كلم اهلك اول مرا افكر بعقلي وشفت انه ذا الصح بالنسبة لوضعنا اتمنى لك كل خير الله يوفقك )

كتبت الكلام وانا ابكي لاني بجد تعبت وانا اشوف حياتي معلقه المهم حتى دحين من امس ماوصلني رد للمعلومية من يوم ماسبيتو بالمسجات برضو ماتكلمنا ولا دق ولا رسل !
ايش اسوي في دي الحالة المسج يكفي ؟
وهل فعلا انا غلطانه ولساني طويل 😢
ماابغى أتنازل اكثر كفاية كذا