مرحبا حبايبي ابغى مساعدتكم عندي مبلغ بسيط جدا وخايفه يطير مني ابغى اسوي مشروع صغير يعني بضاعه اجيبه من بره رخيص سعره سمعت كثير عندهم مواقع يطلبون منها وانا ما اعرف لي تعرف موقع يشحنلي بضاعه تكون كسبت في اجر بس يكون مترجم عربي لاني ما افهم في E وتشرحلي تلطريقه كيف ما راح انساها من دعواتي
اللهم احفظ عيالي من كل شر وابعد عنهم الحسد وعافا زوجي وبارك لي فيه

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك ويسخر لك من يساعدك ...
رجاء من كل أخت تلمح التوقيع تدعو لي الله أن يبارك لي ولزوجي وأهلي ويوفقنا ويسعدنا طول العمرع طاعة ربي ويصلح أبنائي ويطيل عمر والديّ ويرزقني برهم ويشفينا أجمعين
سعاد قلبي مشكوره ياعمري الله يسمع منك
اللهم احفظ عيالي من كل شر وابعد عنهم الحسد وعافا زوجي وبارك لي فيه
انا لي فتره اطلب من موقع علي اكسبريس مو علي بابا .. حاولت اكتب الطريقه بموضوع مستقل مو راضي المنتدى ..
المهم الموقع غالي شوي بس فيه بايعين يبيعو بالجمله ولما تجيبيها تقسميها على المفرق .. ميزة الموقع يحفظ لك المبلغ مايتسلم المبلغ للبائع الا بعد ماتوصلك البضاعه وتضغطي على ايقونة التأكيد طبعا هو حاط مده معينه مثلن ستين يوم لو صار 55 يوم تختاري ايقونة تمديد حماية المشتري او رفع نزاع انا افضل تمديد .. طبعا اول ماتشترين يعطيك مهله للبائع لمدة الشحن اذا ماشحنها بالمهله هذي انتي تختاري الغاء الطلب يطلعلك اسباب دايم اختار انو البائع ماشحنها بالوقت المتفق عليه يوم ويجيني الرد سبع ايام توصلني فلوسي ..
الميزه الثانيه الشحن مباشر ومجاني عالبريد السعودي صحيح امها تطول توصل ل60 الى 75 يوم بس اهم حتجه انها توصل وفيه بريد هونج كونج والسنغافوري بكم دولار زياده وفيه شركات الشحن الغاليه جدا ..
شحنت 11 خاتم ووصلت وطالبه كمية نظارات وقاعده استنى ايضا من مميزاته تشوفي تقييم البائع وردود فعل المشتري افضل بائع يكون تقييمه فوق 95 وعنده اكثر من نجمه .. اذا ضغطتي على اسم البائع يفتحلك المتجر حقه ممكن تتقضين من عنده اكثر من قطعه بنفس البوكس توصلك
..
سلبيات الموقع مافي تجمع شحنات كل بايع يرسل طلبه لحاله عشان كذا مااشحن الا عبر المجاني لانو اذا بدفع لشحن خلصت فلوسي .. لازم تكوني ذكيه وتعرفي البايع الصح من الكذاب .. طبعا الفلوس تنحفظ بس بيبهذلك واذا شافك جديده من التقييم عندك بيحاول يلعب عليك .. لازم تكلمي البايع يرسلك الشحنه عبر البريد الصيم
ني ويكون لها رقم تتبع ..
اذا بتطلبي عالبريد الصيني لازم تفتحي صندوق بريد وتسجلي بالموقع العنوان كامل والرمز البريدي ورقم الصندوق .. ليش لانو اذا ماسجلتي الصندوق مو حق واصل لا بريد عادي ب 100 ريال سنه فيه طلبات تكون من غير رقم تتبع ماتدرين ارضها من سمها اذا وصلت عند البريد حطوها لك بالصندوق انتي تشيكين عليه كل فتره . اما اذا مافي صندوق تتصادر وتتسجل بعنوان ناقص طيب وهذا اللي حصلي .. انا غلطت غلطه فوق السبعين قطعه طلبتهم من غير مااسجل رقم الصندوق اللي بارقام تتبع استلمتها من مركز البريد بالرياض واللي من غير تتبع راحت علي ياخلاف .. اتمنى اني اكون افدتك لو بحاجه بسيطه ..
وفيه مواقع عده بس ماجربتهم مثل جامبوري واسس بس انا ارتحت لعلي اكسبريس وشفت ان حقي محفوظ وشحن مجاني وخامتهم للحين حلوه والكثير قالي انه ينافس الموقع الامريكي الامزون . فيه شنط وطلبيات بستلمه بكرا او الاحد .. دعواتك لي بنجاح مشروعي .. انتي غامري لو بقطع بسيطه بعد ماتفتحي الصندوق وراسليني عالخاص ارسلك روابط بائعين طلبت منهم والقطع وصلتني
بالتوفيق
ادعمووا بداية مشروعي انستقرام roood_ff


الساعة الآن 06:32 .