Analysis Services
  • «
  • 1
  • 2
  • >
  • »
السلام عليكم ورحمه الله وبركاته..

كيف حالكم

زوجي عنده ضيف ومحتاره ويش اسوي عشا..اقترحو علـي. الله يسعدكم
23-01-1436 هـ, 06:24 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمة الله وبركاته

ليتك ذكرتي وش متواجد عندك حتى تكون الخيارات أوضح

-تبولة أو فتوش أو سلطة خضار أوجرجير أوخضرا , صينية مكرونة بالبشاميل , خبز ثوم , بطاطس بالفرن وممكن تقدمينها في صحن مقسم تبولة وبطاطس وكاتشب ومايونيز

-قرصان لوعندك قطعي بصل صغار مره وحطي عليه بزار وكثري وشوي فلفل وخذي ربع زبده وذوبيها في قدر واقسمي البصل جزئين جزء حطيه عالزبده وقلبي لييين يبدا يذبل وتطلع ريحته ثم صبي عليه حليب أفضّل قليل دسم
لوعندك العلب ممكن تحتاجين علبتين إلى 3 بس كثري البصل مثلا 2متوسط
وخليه لين يحتر الحليب وجهزي حافظة وقطعي قرصان وصبي عليه من الحليب لااحتر وهكذا لين تخلص الكمية
وثم رشي فوقه باقي البصل المبهر بالبزار - وممكن تقدمين سلطة من جرجير وقطع خيار مرتبة

-ساندويتشات تورتيلا لوعندك تورتيلا اقلي لحم برجر وقطعي خس ومخلل وخيار وطماط
وسوي مايونيز وشوي طحينه وليمون وثوم وزبادي وشوي ملح (في الخلاط) وذوقي اذا ناقصه شي
وادهني الخبز وثم قطعي شريحة اللحم 3 ورتبيها طوليا وحطي الخس والخيار والمخلل لوعندك والطماط وفوق الجبن
ورشي شوي حبة سودا وثم لفي التورتيلا من الجهتين وغلفيها بورق الزيت وقبل التقديم سخنيها في الماكرويف شوي بس لين تحتر حتى تذوب الجبنه

وممكن نفس الشي تقدمين معها بطاطس واضافات

-ممكن تسوين بيتزا
وهذا رابط عجينة جربتها قريب فعلا سريعه وماتاخذ وقت الله يجزاها بالخير هنا

افردي العجينة عقب ع صينية دائرية ممسموحه بزيت ورشة طحين
وبالسكين او الشوكه غرزيها واستخدمي صلصة وانصحك بصلصة العلالي الجاهزة أو صلصتك المعتمده
واسهل شي كاتشب وشوي جبن سايل وشوي صلصه
ثم رشي زعتر عليها وحبة سودا وقطعي بصل وفلفل بارد وزيتون شرايح حطيهم ثم الجبن وامسحي شي بسيط زيت زيتون عالجبن ورشي زعتر واوريقانو لو عندك ودخليها الفرن قبل العشا بشوي

-سوي حمص مثلا وصنف ثاني فيه دجاج أو لحوم +سلطه
-أيضا عندك مسقعه , صينية خضار , مطبق , كشري ,

هذا اللي في بالي الحين
دعوااتك ربي يسعدك
23-01-1436 هـ, 07:20 مساءً
 
بيتزا وسجق ماتنفع عزيمة للرجال

انا لو مكانك اسوي برياني لحم ولا كبسة لحم محترمه ومعها جريش وقرصان وسلطه وببسي وبدون حلا الرجال مايحبون الحلا
25-01-1436 هـ, 03:30 صباحاً
 
بكتب لك اسهل شي والذ شي
-صينية خضار ودجاج او لحم
-رز
-مصقعه
سلطة فرنسيه
-حلى
-حمص

دامه شخص واحد اتوقع يكفي!
25-01-1436 هـ, 06:27 مساءً
 
سوي مندي دجاج وايدام وسلطه خضرا وسلطه زبادي والحلا سلطه فواكه
26-01-1436 هـ, 05:24 مساءً
 


الساعة الآن 01:08 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏