السلام عليكم و رحمة الله و بركاته . .
بفضل الله انا ولدت الحمدالله قبل موعدي بيووم :biggrinlo و صار لي 20 يوم
و يبت احلى بنوته :baby2:اللهم لك الحمد و لك الشكر . . الفال للباقي يارب . .
في شي صار لي بعد الولاده و خلاني ما اهتم بنفسي و لا بالخياطه و لا باي شي يخصني . .
ع قد ما كنت متحمسه للنفاس و مستعده له و لا شي سويته لا من خلطات و لا من اكل و لا شرب و لا اتدفى ولا شي . .
اللي صادني يا خواتي ف الله . . هووو البواسير :024:الحمدالله ع كل حال . .
طبعا انا كانت فيني البواسير من ولادتي الاولى بس ماكانت مضايقتني . . و بعدين ف التاسع كبرت و استعملت كريم نيو هيلر بس ما استمريت عليه . . والنتيجه ان ف الولاده و وقت البوووش طلعت و كبرت بزياده . . و الدكتوره سمتها بواسير مختنقه و قالت بالحرف الواحد " ماقدر افحصج لانج بتصارخين من الالم "
اللحين لي 20 يوم اعاااااااااني منها واصيح و لا دكتوره راضيه تسوي لي ليزر عشان افتك كلهم يقولون من الولاده . . و بسببها ماقدر اقعد ماقدر انام ماقدر ارضع ماقدر امشي و ع طول اصيح منها لان شكلها بشع و يخوف و يؤلم . . و اللحين امشي ع علاج و شكلها ماتغير الا بنسبة 5% تقريبا
نصيحتي لكل بنت ع ويه ولاده . . عندج بوااااسير عالجيها قبل الولاده افضل لج و لا ترى بيصيدج شي بتندمين ع كل لحظه ماحطيتي كريم عليها و عالجتيها . . صدقيني حتى رضاعه مابتقدرين ترضعين
طبعا الدكتوره منعت عني وايد اشياء حتى الماي والملح منعتني عنه :024:
حتى الدم ماينزل للحين :(
و غيره كنت وايد خايفه ان الحلمه تتقطع نفس اول ولاده . . ف قلت بحط زيت زيتون و كنت احطه ع المزااااااااج يعني مره ف الاسبوع او مرتين ف الشهر و اللحين انا اعاني نفس قبل متقطعه و اناقز لما ارضع من الالم ف اضطر اني اشفط الحليب عشان يطيب الجرح . . و في نفس القطعه تنحط ع الصدر تشبه الحلمه تنباع ف سنتر بوينت بيبي شوب . . مانفعتني لان بنتي مامسكتها ابد و رميتها . .
الخياطه طبعا اهملتها بسبب ان ممنوع احط اي كريم ف ذيك المنطقه عشان ما تسبب لي حكه ف كنت لما احط ميبووو . . الكريم يروح ع وراا بسبب الخياطه الغلط ف ولادتي الاولى ف البواسير طالعه بزياده . . و اضطر كل شوي امسح و امسح الكريم لان شرط المنطقه تكون نااشفه عشان تبدا تخف . . ف الدكتوره منتعتني من اي كريم . .
و اللي مخليه الخلطات و السكراب و غيره حق النفاس بقولهاااا تراج غلطانه مو كل الحريم يقدرون يهتمون بنفسهم ف النفااااس خصوصا اللي مثلي ماعندها احد يساعدها ف عيالها . . اهتمي بنفسج و ف بشرتج وقت حمالج لا تسوين نفسي اللحين ماقدر ابد اسوي شي غير اني اسكرب يدي لان المفاصل عندي سوودا . . و الخلطات ف الثلاجه ماجستهم و السكراب مابطلته . . لان وقت ما تنام اركض انام وياها :mex: ف اهتمي ف شعرج و بشرتج و بكل شي قبل افضل هذا رااايي طبعا و كل وحده حره . .
طبعا هذي اشياء صادتني مب شرط تصيد اي وحده فيكم . .
الله يقوم كل حامل بالسلامه يارب و يسهل عليها ولادتها ان شاء الله . .
ادعو لي تخف البواسير وارتاح :sad:
السموحه طولت عليكم بس هالكلام يقرقع ف قلبي من زمان ابي اقوله لكم . .
* آلجوري * @algory_202
عضوة فعالة
يلزم عليك تسجيل الدخول أولًا لكتابة تعليق.
قلبي سدن
•
الحمدلله عالسلامة .. والله يشفيك ..
صراحة خوفتيني ..
انا كمان جاتني بواسير بسبب الخياطة الزفت في ولادتي الاولى بس انها ما تضايقني ..
بس خفت من كلامك ولا تتور عليا بعد الولادة ..
ايش المرهم اللي تستخدميه ولو استخدمته دحين قبل الولادة حيفيد ؟؟
صراحة خوفتيني ..
انا كمان جاتني بواسير بسبب الخياطة الزفت في ولادتي الاولى بس انها ما تضايقني ..
بس خفت من كلامك ولا تتور عليا بعد الولادة ..
ايش المرهم اللي تستخدميه ولو استخدمته دحين قبل الولادة حيفيد ؟؟
الصفحة الأخيرة
والحمد الله على سلامتك
دعواتك لي بالحمل السليم التام وربي يرزقني احلى بنوته يارب