السلام عليكم ورحمه الله وبركاته

الله يجزاكم خير ويجزاكم ووالديكم الجنه يااخوات
اللي عندها طريقه عمل سمك على قولتهم مطبق زبيدي تسدح لي الطريقه وإذا بالصور أكون شاكره لها ابي طريقه التتبيله والطريقة كاامله
وجزاكم الله خير ❤️❤️❤️❤️❤️🌹🌹🌹🌹


حسبي من الفخر انك والدي وحسبي من الحزن انك تحت الثرى

اعوذ بالله ولا رد وش دعووه ؟؟!!!!


حسبي من الفخر انك والدي وحسبي من الحزن انك تحت الثرى
اسفييين مااعرف الزبيدي من الس]عوديه مااعرف الطبخه
ابشري اجيب لك الطريقة دقايق ...
بسم الله

المقادير:

سمج زبيدي

كزبره مفرومه

بصل مفروم بكميه راهيه

بهارات ناعمه:

بهار سمج واستخدمت بهارات سمج هنديه

بزار

كاري

دارسين

هيل

بهارات كامله:

دارسين

هيل

ملح

زيت نباتي

رز بسمتي مغسول ومنقوع

عصير ليمون (( وانا استخدم الربيع المعلب يؤدي نفس الغرض )) و طحين وملح خشن للتنظيف

الطريقه:

نسلق الرز بماي وملح وهيل ودارسين عدل نص سلاق

نفتح الزبيديه واذا فيها حبول نشيلها ونتركها على كتر... بالنسبه للحبول تقدرون تقلونها وتحطونها مع المطبق او تحطونها بالمررق المطفي او تقلونها وتاكلونها عادي او تسوون فيهم حمسه...

بعد ما شقينا بطن الزبيديه نغسلها عدل ونقعها بملح خشن وليمون وبعد 15 د نرد نغسلها ونرشها بطحين ونرد نغسلها مره ثانيه

نغطيها بثوم مهروس وزنجبيل مهروس ناخذ الكركم وهيل وبزار ودارسين ونتبلها فيهم ونخليهم شوي

نخلط جزء من كميه البصل مع كزبره مفرومه و البهارات الهنديه .. وناخذ جزء منها ونحشي فيه الزبيديه ونسكرها بعود الاسنان

نحمي الزيت و نقلي السمج تقريبا نص قلاي ونشيله ونصفي الزيت... مع ملاحظه اذا في ثوم او زنجبيل طايحين بالصينيه نضيفهم للزيت عشان يتنكه حزه القلاي

بنفس زيت السمج نحمر باجي مقدار البصل مع اضافه شوي بزار او كركم وبعدين نضيف السمج المقلي و باجي الحشو ونرش الملح ونغطيها بالرز المسلوق ونرش شوي من زيت السمج على الويه ونسكر الجدر بقصدير ونتركه يتسكر على نار واطيه

وحزه النجاب يقلب بصينيه التقديم وبالعافيه


الساعة الآن 03:55 .