اخر اخباري مع امي وابوي

الأسرة والمجتمع

السلام عليكم صباح الخير بنات

بنات بقولكم اخر اخباري وابيكم تشورون علي
اول شي انا انكتب عقدي وبعدها سويت حفله بسيطه وبس ماراح اسوي. عرس بسبب وضعي مايساعد.. تدرون نص اهلي ماراح يكونون موجودين يعني امي واهلها كلهم.. موحلوه بحقي قدام الناس
وفوق هذا لاني جربت يوم الحفله حسيت بوحده كل تجهيزي بروحي وكل شي سويته بروحي ومحد معاي.. احساس مو حلو والله.. حسيت نفسي وحيده مالي احد وعلكوشه دمعتي بعيني فاكيد العرس نفس الشي

المهم انا الحين فبيت ابوي بس ننتظر اجازة زوجي عشان نسافر وبعدها بعيش عنده

ماعلينا.. الحين اول شي بس بسالكم عن شي
قبل كم شهر ابوي ظلمني وطلع عصبيته علي وضربني على رجلي.. ثاني يوم الصبح رجله انكسرت.. نفس الرجل الي ضربني عليها وبنفش المكان
انا مادري هل هو تنبيه او عقاب من الله او مجرد صدفه؟

بس الحين قبل اسبوع تقريبا ابوي سوالي مشكله من عدم وقعد يسبني وسب زوجي وسب ام زوجي مع انهم مالهم علاقه وولا يدرون اصلا.. بس جذي يسبهم لان مقهور مني
وطعن بشرفي وحتى بشرف حماتي اخت زوجي..
ثاني يوم الصبح لما صحى الا فمه مادري شفيه منتفخ ويألمه... هل صدفه بعد ولا صج عقاب من ربي؟

في شي ثاني ابي صج استشيركم فيه لاني.موعارفه شلون اتصرف

قبل كم يوم خالتي اخت امي متصله على زوجي! ماندري من وين جابت رقمه مع انه جديد وهم اصلا مايعرفونه لانه مو من قرايبنا ولا شي يعني حتى امي ماتعرف شكل زوجي وماتعرف اسمه يمكن عرفته يوم طلعو رقمه

المهم خالتي قعدت تقول لزوجي ان امها تبي تشوفها متشفقه عليها ومن هلكلام خلها تجي لها او تكلمها

ولكن ماكلمتها ولا شي...
امس امي كاتبه لزوجي على الواتسب ان معاك ام فلانه اقدر اكلمك شوي؟

بس قلتله لاترد عليها.. صراحه اخاف توري ابوي المحادثه او تقوله كلام ان انا ابيها وكلمتها وجذي او انها تروح مركز الشرطه توريهم ويستعملونها ضد ابوي "علئ اساس انه حارمها من عيالها وحارمنا منها" مادري اذا فهمتو او لا؟ فاخاف ابوي يسويلي شي مع اني ودي اكلمها صراحه

الحين شورو علي شسوي؟ اخلي زوجي يكلمها يشوف شتقول له ولا اكلمها انا بنفسي؟ اخاف تعرف رقمي وتقعد تدق كل وقت او تعاير ابوي فيني اني ابيها ومابيه.. او يدري اني اكلمها من وراه ويطردني

واذا اذا كلمتها.. شقول لها؟ شلون اكلمها؟ شلون ابتدي ماعرف وجهوني بنات والله تعبانه من حياتي ومشاكلي وموعارفه اتصرف

على فكره عمري كمل 20 سنه من اسبوع "عشان لاوحده تقولي كذابه قلتي 19 بموضوعج قبل"
22
4K

يلزم عليك تسجيل الدخول أولًا لكتابة تعليق.

تسجيل دخول

واتساب
واتساب
والله اني متعاطفه معك يايتيمه بشكل كبير 
 لان الي يعاني ويجيه الضرر من رمز الحب والحنان 
 الام والاب  وش يرجي من باااقي النااس !!!
الله يكون بعوونك ويهدي امك وابووك 
خليها تكلمه مهما كان هذي امك 
ورزق على الله
ورزق على الله
من وجه نظري الافضل مايكلمها ولا تدخلين زوجك بمشاكلكم من الان ترا بيزهق
حاولي باسرع وقت انكم تتزوجون وبعدي عن المجتمع الي انتي عايشه فيه وماتقطين الوصل بوالدينك
والله يسهل امرك وامري وامر المسلمين اجمعين
نظرة وفا
نظرة وفا
الله يوفقك ويسعدك ويعوضك عن اللي شفتيه بحياتك
moodka
moodka
كلمي امك انتي من رقم خليه خاص فيها وبأبوك بس تشوفين طلباتهم وتواصلينهم
مو من البر انك تطنشين احد منهم مهماكان الوالدين يحتاجون عطف عيالهم
انتي داخله حياة جديدة واكيد تسعين للسعادة فيها واخذتي درس من علاقه امك وابوك وتأثيرة عليك فلا تكرري الغلط وابني بينك على اساس صح
زوجك ابعدية عنهم ولاتذكرين اهلك الابالخير قدامه وخاصه امك وابوك انتبهي تنقصين منهم قدامه او تنقلين كلامهم السئ له والعكس كذالك

مهمتك صعبه بين البر والتبعل ربي يعينك ويعطيك الصبر ويوفقك للصواب ويرزقك من واسع فضله وكرمه
ميموشاااا
ميموشاااا
الله يفرج همك ياقلبي ويسخر لك عباده الصالحين
مدري شقول بس اوجعني قلبي عليك

انتي خلي زوجك يشوف اش تبغى امك وماعليك دامك مو غلطانه

وبعد ماتتزوجين تواصلي مع امك لاتقطعينها ابداً