خواتي الغاليات
حيكانه
Romanove
ما قصرتو على كلامكم الطيب ويزاكم الله خير

اختي الكريم جبال وسهول
بالنسبه للمكياج فانا وصلتني هالمعلومه ان البنات بعد ما شافو المكياج الي اعرضه من كريولاين اتصلو بقنطار وسألوهم وطبعا يقولون لهم ان البنات الي يبيعون المكياج كله تقليد
وهالشي انا ما راح ادافع فيه عن المنتج الي ابيعه لانه ماشاءالله وايد بنات اشترو من عندي وبكميات وبعض منهم عندهم صالونات ويمكيجون البنات
و*****الله باجر انتظري رد وحده من الاخوات الي بوصلها المكياج باجر
وبتلقين *****الله بعد كم رد بيبين لج ان كان هالمكياج اصلي او تقليد
وتسلمين على طرح هالموضوع

اختج اسبرانسا
21-11-1426 هـ, 11:06 مساءً
 
أشكركم خواتي على التفاعل مع الموضوع

وأنا ما أقصد الأخت اسبرانسا .. لأنه وايد بنات يبيعن هالمنتج من فترة ولأني مهتمة بهالماركة أتابع مع الخوات أسعارهم

وهالشي حتى قبل ما تبيع الأخت اسبرانسا المكياج

أنا اللي أريد أعرفها كيف أميز بين الأصلي والتقليد لأنه فعلا ماركة كريولان في منها تقليد

وأختي الغالية اسبرانسا بما إنج تبيعين الماركة ويزاج الله خير متابعة الموضوع معانا ياليت تخبرينا كيف نقدر نميز الأصلي من التقليد

وياليت تقولينا بالنص الصريح اللي تبيعينه أصلي ولا تقليد ؟

علشان تطمن قلوبنا ونشتري من عندج ونحن مطمنين وواثقين

وهالكلام أوجه لكل تاجرة تبيع هالماركة لأنه مش بس الأخت اسبرانسا تبيعه

تعرفون انتو مثل ما قلت فوق .. صعب انه نستعمل مكياج تقليد

وإذا انباع النا مكياج تقليد على انه أصلي فهذا يعتبر نوع من الغش اللي ما أعتقد إنه أي أخت منا بما فيهم الغالية اسبرانسا ترضا فيه

وأرجع وأقول الموضوع موجه لجميع التاجرات اللي يبيعن هالماركة وليس فقط الأخت اسبرانسا

وأشكر الأخت اسبرانسا على تفاعلها وتواجدها في الموضوع

22-11-1426 هـ, 09:21 صباحاً
 
اقتباس مشاركة  (Romanove)


[grade="4B0082 4B0082 800080 800080 FF1493"]
ختيه جبال وسهول


خواتي الغاليات

أنا عن نفسي جربت وخذت من الأخت اسبرانسا

وشرات ما ذكرت تجربتيه في موضوعها

أني مريت مركز قنطار بالصدفة

وشفت أنه الأسعار فررررق عن أسعار الأخت الغالية اسبرانسا

لكن أنا متأكدة أنه منتجات الأخت اسبرانسا أصلية 100%

يعني التقليد إلا ويبين

وبعدين ختنا اسبرانسا توفر الميك أب بسعر حلو .. لكنها تاخذ 20% عمولة

وصدقينيه أني انا نفسي شفت وحدة مرة في محل ميك أب وعطورات

قالت لي أنها هي كانت في مركز قنطار

ويوم خبرتها أنيه حجزت منتجاتهم من النت

قالت لي ليش؟؟ ممكن أنا أكلم لج مندوبة كريولان عندنا وبتيبه لج بسعر أرخص عن قنطار

فكيف اللي في مركز قنطار يقولون أنه مستحيل يتوفر بأرخص عن جيه؟؟

يعني إذا وحدة من عندهم قالت لي إذا تريدين أطرش لج مندوبتنا بتوفره لج بسعر أرخص

معناته ممكن يتوفر بأرخص عن الموجود في المحل .. صح ولا؟؟؟


وبصراحة الأخت اسبرانسا ما قصرت يزاها ربي كل خير

وإن شاء الله هي بترد على استفساراتكن أول ما بتشوف الموضوع[/grade]



مشكورة الغالية على تفاعلج مع الموضوع

بس بغيت أضيف نقطة إنهم يوفرون أسعار أرخص لمندوباتهم يعني يعطون المندوبة سعر أرخص من اللي يعطونه لنا عسب تاخذ المندوبة نسبة

لكن هالخصم اللي يعطونه للمندوبات مش لدرجة السعر اللي ينباع عندنا في المنتدى

يعني بكل بساطة مستحيل إنه المندوبات يحصلن هالمكياج من عند قنطار ( الوكيل) بهالسعر الرخيص
22-11-1426 هـ, 09:31 صباحاً
 
اقتباس مشاركة  (الـــ عديل ـــــروح)
لا يا اختي كلامهم لك مو صحيح انا جيت بشتري الاساس السائل من عندهم لقيته ب 200 وشوي
وعندنا بالسعوديه بالمحل الوحيد الي يبيع كريولان اخذته 175 ريال
فلا تصدقي لاني لقيت اسعارهم مبالغ فيه بشكل خيالي
مرحبا الغالية

كلامج صح لكن في السعودية كل شي أرخص عنا مش بس كريولان

حتى ( البودي شوب ) اللي نشتريه من فرع السعودية ب 17 ريال ينباع عندنا 25 درهم

يعني هذا مش شرط إلا في حالة لو التاجرات يشترونه من السعودية ويبيعونه عندنا ؟؟!!

لكن مش لهالدرجة الفرق في السعر
22-11-1426 هـ, 09:41 صباحاً
 
ملاحظة خواتي : لا تقولون لي نقدر نطلب من الموقع لأنه جميع المواقع وشركات الشحن الدولي ما تشحن المكياج والعطور و الكريمات

يادوب توفرها داخل حدود دولتها

طبعا أتكلم عن الطلبيات من المواقع الرسمية لأنه في المنتدى ما شاء الله البنات يلفن هالأشياء لف عسب البريد ما يكتشف

ويكون شحنهم بصورة شخصية مش رسمية
22-11-1426 هـ, 09:44 صباحاً
 


الساعة الآن 09:26 .