اختي جربي طريقتي:
أول شي شغلي الفرن من تحت
بالخلاط:
-علبة زبادي.
-نص العلبة سكر.
-ربع العلبة زيت.
-بيضتين وفانيلا.
-ذرة ملح.

اخلطيه بعدين صبيه بزبدية وضيفي عليه طحين أبيض مقدار علبة زبادي ونص + ملعقتين وسط باكنج باودر

وانتي تخلطينه باتجاه واحد علشان مايطلع الهواء ثم صبيه بصينية تيفال مهم تكون الصينية على مقدار الخلطة لاتكون كثيرة ولاقليلة عليها لأنها لو كانت الخلطة كثيرة ع الصينية ماراح تنضج وإن كانت أقل ماتنتفش لذلك راعي المقاس المناسب لمقدار الخلطة -بالنسبة لي الخلطة هذي مناسبة جدًا لصينية مقاس وسط-

بعدين دخليه الفرن والنار قوية بين ١٨٠و ١٩٠ وخليه ١٠ دقايق لاتفتحينه ثم قصري النار للنص وبعد كم دقيقة طلعيه واغرسي عود اسنان إذا طلع نظيف معناته نضجت من تحت بعدين سكريه من تحت وحمريه من فوق

وألف صحة وعافية وللعلم هذي الطريقة اخذته من عضوه بعالم حواء نسيت اسمه الله يوفقه وين ماكانت.
صدقيني السر ف البكينج بودر
وحلو لو سويتيه ف الفرن الكهربائي
انا اسويه فيه ويطلع خطير ..


ما اعرف اسويه ف الغاز .. مرره يخرب
اقتباس مشاركة  (ام مرمر و ليلو)
اختي السبب واضح وقدام عينك
حرارة الفرن عالية
طالما تقولي ني من الداخل
معناته الفرن عالي الحرارة فترتفع الكيكة بسرعة وتشوفيها نضجت ولما تطلعيها تكون من الداخل سائلة
خفضي حرارة فرنك اكثر من قبل
وخلي صينية الفرن السوداء داخل الفرن لاتطلعيها علشان تمنع حرارة الفرن المباشرة
واذا شفتي الكيك ني
رجعيه للفرن وغطيه بالقصدير يكمل نضجه
بس السبب الرئيسي عندك حرارة الفرن عالية
كمان سبب

الصينيه صغيره على الكميه اللي حطيتيها فيه جربي صينيه اكبر
ممكن استخدمتي مكون بارد من الثلاجه

تاكدي ان كل مكوناتك بحراره المطبخ
ربي يسعدكم ويفرج همكم جميعاً يارب
البكنج باودر لازم احطه في الثلاجه انا احتفظ فيه في الدولاب


الساعة الآن 08:37 .