استشارة الحكيمات فقط

السلام عليكم ورحمة الله

ابي استشارة الناس الحكيمة

انا بنت ثلاثينية 33 ماسبق تزوجت تقدملي من طرف خطابة شخص عمره 40

مؤهله ثانوي ومعاه دورات
يشتغل بشركة اعتقد
راتبه 6000 فقط

وسبب تاخره انه كان يرعى اخوانه بعد وفاة ابوه
سالنا لو عنده مصدر دخل ثاني قال للخطابة ان عنده تجاره برا الرياض واهله عندهم خير
حالتهم ممتازة

طيب
انا اقولكم عن وضعي
احنا عايلة مناسبين ناس اثرياء ماشاء الله اختي ماخذة واحد ثري
اخوي يشتغل تجارة وعنده شركة
انا موظفة عادية لا احب ولا اقبل اتزوج واحد وتكون عينه على فلوسي

الرجال الي من طرف الخطابة
كلامه زين
يقول حالتنا ممتازة والخير قدام واهلي عندهم خير

الرجال يقول يرعى اخوانه
قلت في نفسي مادام اهله عندهم خير ايش الي اشغله عن الزواج وكيف يرعاهم ؟
اذا فعلا عندهم فلوس مو بحاجة رعايته لأن غالبا الي يشغل الواحد لما يرعى اهله
هو انه يشتغل ويصرف على اهله ماعدا ذلك هين

اقصد اخاف ان ماعنده فلوس وهو رغبان فينا ويلعب علينا بالكلام

الشيء الثاني
شخص عند اهله خير ايش يحده على وظيفه براتب 6000 ؟

انا اخاف انه يكذب وبالاخر اتدبس مع واحد كذاب و منتف

سبق جا واحد يشتغل تجارة وكان صريح بالبداية وقال انا عادية اموري
وماني راعي سفرات لكن كان عنده بالبنك كم مليون
وافقت لأنه كان صريح وواضح من الأول
ولأنه مكافح وجاد يبي يجمع الفلوس للحياة الجاية

للمدرعمين /
انا اتمنى يجي الرد من ناس فاهمين علي وحلولهم بناء على كل بيئة فقط
ماابي غني مو لازم , لكن 6000 ؟!
الي توه متوظف مايجي راتبه 6000 وبالكاد يقدر يعيش فيها

تقولون وين المشكلة
مترددة اقبل واعطيه رقمنا واخاف لما يجي اهلي يرغموني
وانا صعب اعيش بفارق كبيييير عن اهلي
هو يقول بسكنها باي حي تبيه وسكن مستقل
ومن كثر المشاكل الي اقراها اخاف بكره اخرتي مع اهله وانا الي اصرف

واخاف ارده وانا ماتأكدت من شكوكي ويمكن يطلع فعلا عندهم خير