أسلوب ريحك في تعاملك مع شغالتك ..خلونا نتبادل التجارب

http://gallery.sarkosa.com/pics/tzyeen-mwadee3/45.GIF



السلام عليكم و رحمة الله و بركاته

الحمد لله و الصلاة و السلام على سيدنا رسول الله و على آله و صحبه أجمعين و علينا معهم الى يوم الدين

أولا ارجو من الله ان يسخر لنا شغالاتنا ويرزقنا خيرهم و يكفينا شرهم . حابة نتبادل التجارب بما يخص الخدم و الطرق المثلىللتعامل معهم و أعرض لكم هنا بعضها



1-تخصيص سجل لتوقيع الشغالة على استلامراتبها مع تسجيل البيانات المطلوبة .

يضمن حق الطرفين و يسكر الباب لأيتلاعب .



2-صديقتي ما شاء الله عليها نظامها معشغالتها انه ممنوع اي وحدة يكون عندها موبايل. تروح بنفسها تستلم الشغالة منالمكتب و تفتشها و قدام صاحب المكتب تقول للشغالة كل قوانين البيت و اهمها انه مافيه جوال و بنفس الوقت تضمن لها انها تسمح لهم تشتري كرت و تكلم اهلها من تلفونالبيت. رضيت الشغالة كان بها ما رضيت خلاص يتفاهم معها صاحب المكتب .

صديقتي هذي انقرصت من شغالتها اليسافرت لانها كانت تتواصل مع ناااااس و هي بالبيت و لا تطلع و السبب الجوال



3-صديقتي هذي نفسها تحب الخصوصية في بيتها وبنفس الوقت ما تستغني عن الشغالة فدربتها تخلص كل الشغل الي داخل البيت فترةالصباح وقت الدوام و غسيل الملابس و الكوي و غيره بعد الظهر لان المطبخ و غرفةالغسيل و الكوي خارجية فهي لا تتواجد بالبيت بشكل نهاااااائي و خلاص الشغالة تعودتان دخلتها البيت بعد العصر خطأ و خلاص مشت على كذا .و عموما تمسك الشغالة اول ماتوصل و تعلمها على قوانين البيت و لا تتهاون معها ابد .

البيوت اسرار و ياما ناس صارتحياتهم كتاب مفتوح للاخرين و السبب الخدم و فضولهم



4-جارتي الله يحفظها مخصصه يوم الجمعة من كلاسبوع لتسليم الشغالة كل الاشياء الي تحتاجها لاسبوع كامل للطبخ و التنظيف والغسيل .طبعا هي موظفة و شغالتها تطبخ الترتيب يكون على النحو التالي : تجهز لهامنيو غدا و عشا للاسبوع كامل و تسلمها مثلا الرز المكرونة اللحم الدجاج و غيره منالمقادير بكمية تكفي طبخ الاسبوع بالاضافة لاي نوع اكل الشغالة حتعمله لنفسها .الملح و السكر و البهارات كميات تكفي شهر. ايضا تسلمها منظفات و صابون ملابس .ممكن تقولوا مثلي تعب و ليه تعمل كذا بس تحلف من عملت كذا و كل شي صاير في بركةغير كذا الشغالة صارت تحاسب لانها عارفة انها محاسبة .



طبعا هالحركة قالت لي عنها جارتي الي طبقتها معشغالتها الجديدة لان اكتشفت ان الشغالة الي سافرت كانت تبيع من تموين البيت بكمياتصغيرة من غير محد يحس . المال السايب يعلم السرقة .



5-تعويد الشغالة ان غرف النوم خط احمر ممنوع تدخلها . و تعويدها ان تنظيفغرف الاولاد ما يتم الا لو انتي متواجدة فيها او البنت الكبيرة .



بكذا راح نتجنب الكثير من المشاكل وخاااااااااصة السرقة و طبعا كل وحدة مننا عارفة مييزة شغالتها و عيوبها .


هذا كل الي يحضرني و لو تذكرت شي برجع ان شاء الله