الفحوصات الطبية الشاملة ممتازة مئة بالمئة ولكن ..... احس نفسي اموت بالبطيء رجاء ادخلو

السلام عليكم ورحمة الله وبركاته

قبل فترة مايقارب اربعة اشهر بداية احساسي بالاعراض
حسيت ان يجيني الام في صدري من نواحي قريبة للقلب
ودقات قلبي مضطربة بشكل مووووطبيعي
اما خفقان بطييييييء اما يدق بسرعة احسها تهزني
واذا جاني كذا احس نفسي جالسه اختنق
يمتد لذراعي الالم

في البداية رحت للمسشفى في الوقت نفسه اللي حسيت نفسي مخنوقه
حسيت نفسي بموت بالمستشفى

كنت محتاجة طوارئ بصراحه

لكني انتظرت بالقسم العام لغاية ماجا دوري
ورحت عند الدكتورة وقلت لها عن كل شي اعانيه
سمعت دقات قلبي قالت مرررره مره سريعة وماتطمن !
وفحصت لي الضغط طلع سليم ومضبوط
قالت لي بتعطيني ابره مسكنه للألم
بعدين تراجعت وقالت ممكن تضرك انتظري .. راح ناخذ لك فحص
نشوف فيه الدم ونسبته وحالته جايز يكون معك الغدة الدرقية

طيب طلبت فحصت فحص شامل ومع الاشعه والدم وتخطيط القلب وكل شي

وراجعت الطبيبة امس للنتيجة
قالت لي دقات قلبك مره منتظمه وورتني الورقة قالت لي شوفي كيف
مافيها خلل
وبالتالي قالت لي نسبة دمك مرة تمام
والغده الدرقية والاشعه كلها سليمة
دمك مافيه اي مشكله ... كان راح يظهر عندنا بالملاحظات لو فيك شي
قالت السكر والضغط كله تمام عندك

مافيك شي انتي دايم توسوسين وقالت لي كلام حسسسيت اني كذابه :angry2:

قلت لها الدكتوره اللي كانت هنا قالت لي دقات قلبي سريعة وماتطمن
قالت جايز انك كنتي موتره نفسك
هذي هي التحاليل قدامك مافيها شي وربي مافيك الا العافية
قلت لهاا تسلمييييييين يعطيك العافية

ورجعت للبيت وكان يجيني وجع رااااااس مو طبيعييييي في حياتي ماجاني وجع كذا
ووجع في نهاية الظهرررر

وجاتني الحاله اللي وصفتها للطبيبة قلت لها وجع بصدري نواحي القلب واضطرابات في دقات القلب مع الالم

والاختنااااااااق اقدر اوصفه بجاثوم كابوس حاجه زي كذا
بس وانا واعيه
مع الم
يعني كل مره يجيني كذا احس اني بموت

ماكنت كذا قبل اربع شهور

وتطلع لي روايح غريبة مع العرق

كنت اقول مو معقول يكون معاي مرض روحي
وماكنت اصدق
بسسس الحين شبه متأكده

تدرون ليه جاني كذا ؟
اتوقع والله اعلم اني قبل فترة كنت اعاني من اكتئاب وابغي ابكي فجأه
وحزن شدييييييييد وضغوطات نفسية وسمعت لرقية شرعية
وقطعت
اتوقع يمكن يبون ينتقمون مني
كلموني بالحلم قالو لي انتييييييي جالسه تأذينا
وكأنهم حاطين ايدهم على اذنهم وربيييييي مااكذب
بس هذا بالحلم
وجتني فتره احلم احلام مزعجه بالسحالي والنمور
واحلام مره تخوف
كأن في احد بيذبحني
احس بنبض في رجلي
واحس بوجع بظهري شديد
وبصدري
وبراسي
ونبض في رجلي
ويطلع مني عرق كثيييييييييييييييير في اقل مجهود
زي اللي متروشه بدون ماانشف نفسي
ياجماعة يعني ابي تأكدون لي تنصحووووني
اخاف اسمع الرقى او القرآن ويأذوني ممكن مايطلع معي شي
اذا وحده كانت عندها تجربه او شيء تخبرني
والله احس نفسي اموت من الالام
تكفوووووون
اللي تعرف وش حالتي تنقذني
بكمل سنتين واللي يتقدمون لي للزواج يذهبونالى حيث لا رجعة
فجأه تنكسر الخطبه
وانا لما كنت عند طليقي مافي يوم حلو
تعذبت مع اهله
وكنت دايم استمرض دايماااا ومره كنت نحيله
كنت انبسط اذا اسمع موضوع الطلاق لما كنت على ذمته
كنت اكررررهه واكره عايلتهم
مو وقاحه بس كان غصبا علي جايز علشان انه مو نصيبي فما حبيته
لكن يوم ثاني من الملكة كنت بين الحيا والموت
وليلة الزواج جلست ابكي بكاء مو طبيييييعي
صعقتني الكهرباء
صار لي كم حدث لكن كان ينكتب لي عمر جديد
ولما تطلقت هدأت لكن جالسة اعاني من كلام الناس
واعاني من زميلات لي في العمل
احس مو قادره ارتاح
حظي مرررررررررررة تعبان

ماكنت كذا
بس البلاوي هذي تراكمت علي
انقلبت حياتي 800000 درجة
يأست احس كل فرحة بفرحها تتنغص علي
لازم يجي النكد
ماقدر اقعد مرتاحه استغرب لو مر اسبوع مافيه مصيبة تحرق قلبي

جيت اقول يمكن انا مذنبه بشيء مايرضي الله
او بشوف اذا في شيء من اعمالي غلط
لكن في حياتي كلها مااذيت احد
قايمه بواجباتي الدينيه كلها وملتزمه
كنت اسمع الاغاني وتركتها قلت اكيد لها دور
بس بعد اشوف ان خلال هالسنتين من تزوجت وتطلقت وانا مو اناااااا

في الختام ابي اقول قدر الله وماشاء فعل
وانا راضيه بكل شي يكتبه علي وانا متأكده ان هذا ابتلاء
والابتلاء نعمة احيانا يوعي الناس لأشياء غافل عنها من اهمها
حقيقة الناس ... اذا الشخص ابتلى بشيء يظهر الطيب من الرديء
وعرفت وانصدمت مليون صدمة من ناس كثار ... بمجرد استلامي لوثيقة الطلاق
كنت غافله والحقيقة مؤلمة جدا لكن تريح الانسان
افضل من انه يعيش في وهم طول حياته

بس انا مثل ماذكرت اني ابغى اعرف
اذا كنت اعاني من الامراض الروحية
ومدى تأثير الرقى الشرعية
لأني وربي خايفه وابي ارتاح
وراح ادعي لكل وحده ترد علي
وانتم لاتحرمون نفسكم من الاجر