اقتباس مشاركة  (شوق الشهد)
ليش زعلانه ؟ اللي يبغي يشتري من عندك اقوله درب السلامة . وردي على اخر كلامك اقول مثل ما في المثل القائل اللي على راسه بطحة يحسس عليها .

إن لم تستح فاصنع ما شئت

وعموما أنا كنت صادقة في كل كلمة قلتها علشان يكون حجة بيني وبينج يوم القيامة
عزيزتي ترى ما تسوى السالفه لهذا كله وعلى العموم مشكوره وجزاك الله خير على كل كلمه قلتيها . وبعدين لما قلت السعر ما كان قصدي على قولتج التشكيك فيج بالعكس لان انا ماخذه منها واليوم بعد وبسعر ما تتوقعينه . ويمكن المحل الي تشترين منه يعطيج بسعر اعلى عن المحلات الباقيه . ومره ثانيه اقولج جزاك الله خير .
وعلى فكره المحلات في امريكا تختلف الاسعار عندهم اتلاقين محل يبيع 29دولار والمحل الي بجنبه 12 دولار ونفس البضاعه وبدون تنزيلات .
الغالية أنا مش ساكنة في أمريكا علشان أتنقل من هالمحل لهالمحل وتكون عندي خلفية عن الأسعار اللي تقولينها

أنأ أطلبهم عن طريق شركة مضمونة أتعامل معاها من خلال النت والتلفون

وتكلفة النافورة + التوصيل لشركة الشحن + الشحن من أمريكا إلى الإمارات = 379 درهم

ثاني شي ما عندي حد في أمريكا أعرفه معرفة شخصيا علشان أتفق معاهم إنهم يوفرونها لي بسعر أرخص

ويشحنونها لي بسعر أرخص

لما راجعت ردودج اعتقدت انج ممكن تكونين ساكنة في أمريكا حاليا

ولما ترجعين البلاد وبتحطين النافورة وسط أغراضج .. ما بينحسبلج سعر شحنها لأنها أساسا مدفوع مع ثمن تذكرة السفر

أما لما تشحنين بطريقة تجارية الوضع يكون مختلف

(( إن بعض الظن إثم ))

وكل كلمة أقولها حجة يوم القيامة بيني وبينج
ثاني شي حبيت أشرح اللي أقصده ب (( شركة مضمونة ))

أحيانا لما أدور منتجات في النت ألاقي المنتج بشركتين :

الأولى :

تكون شركة مشهورة ومعروفة والنظام الأمني للدفع عن طريق الفيزا كارد عالي الحماية ،
وتكون شركة مجربة ( لكن سعر البضاعة أغلى )

الثانية :

تكون شركة مغمورة غير مشهورة ، والنظام الأمني لديها مجهول ، وغير مجربة
والسعر أرخص بقليل مش وايد فرق يعني لقيت النافورة ب $59.99 في موقع مجهول ومغمور

ولقيتها ب 70 دولار وبعد في موقع مغمور ومش مشهور


كوحدة أشتري بالفيزا كارد أكيد بختار الشركة الأولى بسبب الضمانات

لأني لو استرخصت وخذت من الشركة الثانية ممكن تكون الشركة وهمية ، أو النظام الأمني يسهل اختراقها

وبدل ما يسحبون 65 دولار .. يسحبون 6500 دولار من بطاقتي

وممكن إنه رقم البطاقة يتسرب بحيث إنه يستخدم في مواقع أخرى

و مستحيل إني أجازف ببطاقة ائتمان عسب الرخص

علشان جي انا أتعامل مع هالشركة لأنها مضمونة وسبق لي التعامل معاها واااايد

واشتريت من عندهم وايد أشياء


الساعة الآن 03:36 .