Analysis Services
  • «
  • 1
  • 2
  • 3
  • >
  • »
سلام عليكم ورحمة الله وبركاته.........
حبيباتي ومنيرات دربي المظلم بنات عالم حواء ارجو منكم مساعدتي بأي طريقة تملكون اصلا انا قمت اصلي وادعي ربي من الساعة4 للحين وقلت خليني ادخل عساكم تعينوني بعد الله والسالفه ومافيها ان حياتي مهدده بالخطر والانهيار بس عشان45 الف ريال لها اسبابها وظروفها ومدري اشلون ندبرها انا وزوجي المشكلة هي اني مالي إلا سنة من تزوجت وكان زوجي بوظيفة عادية وبعدين طلبته شركة بالرياض ليكون مديرها بالغربية والحمدلله بدا العمل والحين له 5 شهور فيها وراتبها وايد زين .........
الحين تقولون وين المشكلة انا اقولكم جينا نأخذ قرض من البنك الي ينزل به الراتب تدرون عشان يوافقون قالو لازم يعدي عليه سنه في عمله لانه خاص وبعدين فكرنا في حكاية سيارة نشتريها ثم نبيعها قالو لازم نجيب كفيل حكومي وراتبه الاساسي 5 فما فوق ودفعه اولى 8 الاف طبعا" ماحصلنا المهم قررنا نعمل جمعية نفيد ونستفيد بدل الفوائد للبنوك وغيرها فقمنا ندور اشخاص يدخلون معانا فلقينا اللي مرتبط بجمعيه من اول السنه ولابعضهم يبي يسون ب5 الاف وفوق ويلي يبون يستلمون اول قبل الكل وحااااااله شرحت وطولت لاني ابيكم تفهمون علي زين وتساعدوني في اسرع وقت ممكن إمابجهات تساعدنا بحل المشكلة وانا وزجي ماعندنا علم بها او برغبة احد بالدخول في الجمعيه انت او زوجك او اخوك او اي احد يبي يدخل علما" انه يدخل الشخص ب3 الاف فاقل عشان نوصل للمبلغ المطلوب بسرعة وترى لوصارت الجمعية كلن بيحفظ حقه لان فيها اوراق رسمية وفتح حساب موحد ينزل كل شهر المبلغ في حساب اللي هو دوره
طبعا" كتبت هنا بعدما ضاقت بنا الحلول وقلت اكيد في احد مثلي فبذلك نكون فدنا واستفدنا ولا تنسون قول الرسول صلى الله عليه وسلم (من فرج على مسلم فرج الله عليه في الدنيا والاخره..........)فيما معناه لاني ماني حافظته نصا"


ودعواتي لكم في ظهر الغيب وفي مكة وعند ولادتي وعند نزول المطر................
23-11-1426 هـ, 06:56 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياليت أقدر أساعدك يالغاليه بس ماحبيت أدخل وأطلع بدون ماردلك

الله يفرج همك وييسرلك أمورك يااارب
23-11-1426 هـ, 07:17 صباحاً
 
الله يساعدك إن شاء الله وتلقين ناس يدخلون معاكم في الجمعية ..
24-11-1426 هـ, 04:31 مساءً
 
عزيزتي shamooa

دعائك الجميل خلاني أرد عليك واقول لك خلك من الديون ما من وراها الا عوار الراس
اذا فيها انهيار مثل ما قلتي خلي زوجك يسوي الجمعية ترى الرجال ابخص في هالمسائل
ترى اذا انتي حمل وعلى وشك ولادتك راحة بالك وراحة مولودك اولى من هم الدين

كثيرات جربن ازواج يحطون زوجاتهم في المقدمة عند طلب الدين وعند التسديد ينحاشون
اذا انتي مالك سنة تزوجتي هين اصبري 5 سنين 10 سنين ليما تعرفين زوجك زين
وان شالله بدعيلك في الحج ان ربي يرزقك ويفرجها لك من حيث لا تحتسبين

آمين

حلى
24-11-1426 هـ, 07:24 مساءً
 
السلام عليكم
اختي الكريمه اسال الله العظيم ان يفرج عنكم كل ضيقه
ويرزقك من حيث لاتحتسبين والمسلمين اجمعين آآآآآآآآمين
اخيتي اكثري من الاستغفار وسترين باذن الله الفرج
24-11-1426 هـ, 11:19 مساءً
 


الساعة الآن 02:53 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏