Analysis Services
اقتباس مشاركة  (جبال وسهول)
ما شاء الله موضوع مهم وحيوي وأحب النقاش في هالمواضيع
لكن عندي سؤال : متى نقدر نعتبر التاجرة غشت ؟ ومتى نعتبرها ما غشت ؟
هنيه لازم تكون فيه معايير ومقاييس .. لأنه لو انفتح المجال لهالأمر بيصير الوضع فالتوه
كل وحدة بتنقهر من وحدة بتسبها وبتتهمها بالغش وبتشهر فيها
يعني ممكن تدخل الأهواء الشخصية ، والمنافسات الداخلية بين التاجرات
بالنسبة لي متى أعتبر التاجرة تغش في الحالاات التالية :
1- تدعي أن البضاعة صناعة بلد مميز ثم تجدين البضاعة صناعة الصين وغيره.
2- تدعي أن البضاعة أصلية في حين أنها تقليد
3- تماطل في ارسال البضاعة لك بعدما أرسلت لها المبلغ ثم تختفي بعد ذلك
4- ترسل لك منتج آخر مختلف تماما عن الذي عرضته لك بالصور
أما الحالات التالية ما أعتبرها غش وحرام إنه التاجره يشهر فيها وينقطع رزقها على هالسبب:
1- مسألة الأذواق الشخصية فاللي ما يعجبج ممكن يعجب غيرج
2- سؤء استخدام الزبونة للمنتج في حين إنه التاجرة تستخدمه وما تواجه مشاكل
3- لما تكون التاجرة من البداية موضحة مستوى بضاعتها لكن الزبونة تتخيل إنه البضاعة أكثر جودة مما هي عليه
4- لما تبيع التاجرة بسعر غالي لا يعتبر غش ، وسألت أنا شيخ عن هذي الجزئية وقالي هذا مال حلال طالما انه البضاعة موجودة في السوق ولا يحتكرها
وإنما تتعارض مصلحة الزبونة مع التاجرة
التاجرة تبا الربح والزبونة تبا الأوفر
وسبق ونزلت موضوع بخصوص هالشي على هالرابط:
http://forum.hawaaworld.com/showthread.php?t=403510
وعموما خواتي خذوا حذركم من هالمسائل لأنها ممكن إنها تؤدي إلى الفتن والعداوات
يعني لازم يكون في ضوابط لهالمسألة ما تكون فالتوه
كلامج عين العقل وخصوصا هالنقطتين :

1- مسألة الأذواق الشخصية فاللي ما يعجبج ممكن يعجب غيرج
2- سؤء استخدام الزبونة للمنتج في حين إنه التاجرة تستخدمه وما تواجه مشاكل

على طاري النقطة الثانية اشتريت جهاز عين الجمل للبسكويت
صراحة قام يلزق عندي وما عرفت أشتغل فيه
مع انه التاجرة والبنات اللي اشتروه يسوون فيه أحلى بسكوت ما شاءالله روونا الصور

لكن ما أقدر أقول للتاجرة انتي بعتيلي جهاز مب شي علشان أنا ما عرفت أستخدمه
( اللي عندها طريقة حلوة ومضمونة تخبرني خاطري أنجح وأسوي بسكوت حلو)
24-11-1426 هـ, 08:32 صباحاً
 
يعطيك ألف عافية عالموضوع



ماسكة بيدي وردة وقاعده أقطعها وأقول أفضحها ماأفضحها أفضحها ماأفضحها

مع إني عطيتها فرصة طووووويلة جدا تعدل غلطتها.. لكن مصرة على التلاعب بس الشهادة لله إسلوبها حلو<-- ههههههههههه

مدري وش بتستفيد من فلوس جاية بغش!

<--- إحدى ضحايا أشرطة بسام فتوح لاعادت على المكياج كله
((مش واضح معليش لأنه منسوخ،، لكن شريط كامل كله وشوشه! هذي قوية))



كلمة أخيرة
ياليت النصابات إذا إحتاجوا فلوس يقولون لنا وإحنا نتقاط لهم
بس يفكونا مو تحويل فلوس وشحن وحاااااله على نصب وغش!!

<-- روقي إنفجر الجهاز
24-11-1426 هـ, 08:59 صباحاً
 
يجزاكِ ربنا كل خير
وبصراحه اني اوافق الاخت الكريمه جبال وسهول 100%
24-11-1426 هـ, 09:37 صباحاً
 
اقتباس مشاركة  (الطيرالمهاجر)
يزاج الله خير اختي الغلا عالموضوع
وكلام صحيح 100%
وفوق هذا عمولتي تعتبر ولا شي في لندن
يعني العمولة اللي آخذها عالطلبية الوحدة اتييب سندويشتين فلافل بس!!! اتخيلي خخخ
والله صدق
يعني لو رحت بعد اشتريت تغليف وصندوق وغيره وزينت عز الله تم شي من العمولة
وفوق هذا كل التزيين اكيد بيختبص فالبريد فوق وتحت
========================================

بس للأسف ان هالكلام ما اتوثق فالرسايل
المهم واتفقنا عالشكل النهائي للتزيين وقالت يبالي اربع ايام اشتغل فيه
قلتلها اوكي بعده وقت انا مابرجع البلاد الحين
باقي شهر
لاحظي انه كان باقي شهر
وطرشت اخوي على طول يحول لها الفلوس
ورحت البلاد وانا اتحراها خلصته وكلمتها وذكرتها بطلبيتي وعرفتني
واتفقت معاها على مكان اروح واعطيها الهديه اللي بتغلفها بعد وبتحطها داخل الصندوق المزين
ورحت واتفاجات انها تتحراني وحدة ثانية طالبة منها غرض ثاني
ففهمتها مرة ثانية اني ابا الصندوق
وقالت مب مشكلة انا بغلف الهدية وبحطها فالصندوق و"باجر" بطرش الصندوق لج
فقلت اوكي
عقب ما افترقنا اتفاجأت باتصالها وتقول انتي كيف تبين التزيين؟ مفتوح ولا مسكر؟؟؟؟؟
يعني اتخيلي ماكانت مزينتنه لين الحين وبطرشه باجر!!!
وهي فالبداية قالت يبالي اربع ايام اشتغل فيه
وعقب طرشتلي الصندوق ويا التكسي يزاها الله خير وعطت التكسي نوله
بس وصلني الصندوق مغلف من برع!!! (والتزيين من برع كان مثل الشريطة العودة حلو ومقبول شكله لان الصندوق من برع مو محتاج تزيين أصلا) ومسكر بحيث انه مايتبطل الا إذا قصيتي هالشريطة !!!!! <<<<< هذا وانا طالبة تزيين على مفتوح!!
المهم اشتغل عندي الفضول وحبيت اني اطمن كيف التزيين من داخل
قصيت الشريطة بطريقة اني ارد الصقها عقب وما يبين
وفتحت الصندوق
واهني كانت الصدمة القاتلة
التزيين الله لا يراويج
لا يمت للصورة باي شكل من الاشكال
وجي اتحسين انه أي كلام يعني حتى التور نفسه مب مرتب ومب مشتغلة فيه بذمة
وفيه ثلاث وردات كبار وماشي غيرهن وربي شاهد علي والصور عندي
وكم خرزة وشوية خيوط ليف تحت
لا والطامة انها فاتحة علبة صابون على شكل ورد كنت انا حاطتنها ويا الاغراض،،، وملصقة وحدة من الصابونات فوق عالخيش وطالع شكلها عنقااااااش من الخاطر
لان لونها مب راكب عالتزيين ابد
انزين يلست ادور وين الكرستالات؟ وين الفراشات؟ وين الخرز الباقي؟ وين باقي الزحمة اللي في صورتها؟؟؟؟
والله اني اتغصصت من الخاطر واشوي بصيح
ومب باقي شي عالعرس يومين او ثلاث بس!!!!
اتصلت بها وقلتلها الصندوق مب مثل ما اتفقنا
قالت لااااااااا الغالية انتي الميزانية اللي عطيتيني ماتساعد اني ازيد اكثر عن جي!!!!
وشي ناس دافعين جي وجي وانا سويته وااايد احلى<<<<< حسيتها قوية عين

color=#CC0000]ألا وهي إتقان العمل [/color]
================================================


هلا والله بالمهاجره اشحالج الغاليه .........؟؟؟

حبيبتي بالنسبه للتغليف هذا هب شرط على اللي يرسلن على البريد لانه مثل ما قلتي يخترب وفوق هذا ترى البنات هب مجبوورات يغلفن كل ما باعن شي............

بس على الاقل اللي تشتري كميه كبيره تستاهل التغليف لانها دااافعه مبلغ وقدره
وخصوصا اذا كان التسليم يد بيد ...........انا عن نفسي استحي اسلم وحده كميه كبيره ومش مغلف ..............

اما بالنسبه لموضوع الصندوق احب اتكلم عن تجربه وبكل امانه .............

عندي وحده من ربيعاتي ما شاءالله عليها ذووق في الترتيب وقالت انها تبغي

تتعامل معايه .........قلت لها اوكي انتي صوري اعمالج وانا بعرضهن .........

انصدمت لما قالت لي انا ماعندي شي جاهز واذا بغيت اجهز شي يبغيلي فلوس
وانا ماعندي حاليا ....فشو رايج اسير المحل الفلاني واصور صناديقهم واعرضهم

على اساس اني اسوي مثله انصدددددددددددددمت مع انها تعرف رايي
في هالامور والغش مااحبه موووووووووووول...............المهم قلت لها سمحيلي

انا واثقه انه صناديقج احلى عن اللي في السوق بعد بس مااقدر اعرض شي
ثاني وانسبه لج ...............هذي امانه وذمه .....................................

علشان جذيه الى الان انتظرها تسوي لي صندوق من شغل ايديها واصوره انا
واحطه في المنتدى.......................

ونفس الشي عضوه من مده اشتكت لي انها مسويه صندوووق وابد ما كان مثل اللي
في الصووره وقالت انها تحس بان بعض البنات يتفنون في تزيين صناديقهم

اللي تكون للعرض واذا وحده بغت تسوي عندهم يسون لها شي عادي علشان يكسبن
المبلغ الزايد ..............سبحان الله ..............

اشكر مرورج اختي الغاليه وعسا ربي يرزقج من حلاله ويعوضج خيررر
24-11-1426 هـ, 12:47 مساءً
 
اقتباس مشاركة  (فراولة سويت)
والله اختي الغلا المفروض تصير هذا الأشياء

وشكرا على موضوعج ..
==============================================
العفو اختي الغاليه وكل اللي نسويه بس لخدمة المنتدى ورفع سمعته
24-11-1426 هـ, 12:49 مساءً
 


الساعة الآن 06:04 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏