مهدود حيلي شوروا علي

السلام عليكم كيفكم اخواتي ****لله بخير بدخل بموضوعي على طول وابي مساعدتكم لي لاني شوي واقضي هذا ياطويلات العمر انا متزوجة من عشر سنين وعندي اطفال ربي يحفظهم ويبلغني فيهم يارب ويعوض تعبي خير انش**** انا كنت ساكنة مع زوجي فبيت اهلة وما اقولكم حجم المشاكل طبعا كلكم عارفين وضعة المادي كان زفت راتبة من تزوجتة 2000 ريال وانا صابرة ابوي **** يحفظه ويخليه لي مساعدنا بكل شي هذا وابوة مليونير بس مايعطيه ريال واحد دخلت بيتي اللي هو بيت ابوة كان الله يعلم فية بعت ذهبي وانا ماكملت سنه زواج وتسلفت من ابوي وظبط البيت ماعندي مشكلة الفلوس حنا نجيبها مو هي تجيبنا مشيت حياتي بقناعتي طبعا هو يدور له وظيفة يعني صرت على الوظيفة انا اصحئ وعلى الوظيفة انام الليل وبهدلني وبهدل عياله من منطقة لمنطقة نفرفر ندور هالوظيفه المهم لقى له وظيفة بمنطقة اهلي طبعا بعد الواسطة ووللحين مو مقتنع ويدور غيرها يبي يرجع عند اهله فقدهم كله طفشان ويخلق مشاكل من اتفه الاسباب يقولي لاتطلبين اي مصاريف انا ما اودي ولا اجيب حارمني اروح لاحد او احد يجيني وان سمحلي فبعد زن طويل قبلها ولما ارجع لاوي البوز طبعا اروح مع امي يودينا ابوي وهو كبير بالسن ومريض الله يشافية ويخليه لي يارب نسيت اقولكم اني وحيدة امي وابوي صار بيني وبينة خلاف انة حق حريم وطلقني بسبة وحدة منهم وانا حامل بالثامن ورجعني بعدين اللحين هاجرني بدون اي سبب ياكل لحالة من سنتين اجيب له الاكل نفسي يقولي اجلسي معاي يقولي اطلعي وقفلي وراك الباب ينام لحاله كل وقته لحاله يجلس بوقت واحد يفتح تلفزيون افلام ويفتح النت والجوال متخيلين معاي انا مدري كيف يجمع ولما يشوفني فاتحة جوالي يقولي واللو لاسحبه منك طبعا انا ماعندي شغاله حتى بنفاسي مارحمني ثالث يوم وانا اغسل واطبخ حسبي الله واللحين اشكي من ظهري الم يذبح ولا عليه انا مايبغاني الا وقت حاجتة بس نفس احس اني متزوجة الحياة مشاركة هو لا غامض لابعد الحدود اسلوبة وسخ معاي يتلفظ علي يامتخلفة عقلك صغير ومدري ايش قدام اطفالي يمد يدة علي لاسباب تافهة لا طلبته فلوس قالي روحي لابوك ماحد عنده يصرف علية قام ابوي وحط لي مصروف شهري من حاله كانة حاس ومع هذا ينزل على حسابه ولا اشوف المصروف انا مابي فلوس لانها تادي غرض مو لسعادة عطيته كل شيئ حرمت نفسي كثير اشياء وروضت نفسي اني اعيش وماكلف عليه وهو ماتسمح ظروفة واشوف اهله يطلبونة ويعطيهم واسوبه حلو ومزوح مع الكل الا انا واطفالي بس يصارخ قافل على نفسة ولا نايم يطلع بدون مايقولي اعطيني خبر عالاقل لا لا لا كلام كثير واللي بقلبي اكبرلو بكتب لسنة وربي مابخلص بس تكفون شوروا علي نسيت اقولكم اني عصبيه بس اروق على طول وحتى لو غلط علي انا اراضية بس هاليومين ماعاد يفرق معاي شيئ خلاص طقيت منة وصلت اني لاشفتة بمكان اروح مكان ثاني وهو طبعا ولا كاني موجودة بحياتة