ملف للأكلات الشعبية

حياااااااك الله انا مدمنه على الأكلات الشعبية وان شاء الله يفيدونا البنات ورااح ابدا معاكم في طبق خبز التنور ترااااه يهببببببل بس يبيله ايدين محترفه في رق الخبز ووضعه على الصاج
المقادير:
كأسين طحين بر ((سعودي يا صوامع يا معيه اي نوووع او بر القصيم ))
كأسين طحين بر ((دبي))
فنجال سكر
ملعقه صغيرة هيل ناعم
ربع ملعقة صغيرة فلفل أسود +زنجبيل +حبة سوداء
ملعقة صغيرة ملح
ملعقة صغيرة خميرة فورية
تعجن بماء حاااااااار حتى تكون مثل عجينة الفطائر وحطي عليها فنجال قهوة زيت وعيدي العجن مرة ثانيه وبعدين قومي بتمثيلها دوائر زي طريقة المرقوق وغطيهم بسفرة وخليهم ربع ساعه وحطي الصاج على النار وخلي جنبك صحن صغير فيه زيت دهني ايدينك فيه ودهني الصاج خفيييييييف فيه وقومي برقها بيدك حد ماتصير دائره كبيرة بدون تقاطيع ورقيقه وحطيها على الصاج واذا حمرة من تحت قلبيها على الوجه الثاني وهكذاا حتى نفاذ الكميه (( والي ما تعرف ترق بيدها ممكن تستخدم النشابة وتفرده فيها ))
الخلطه الي تنحط على الخبز ::
سمن بري+عسل أصلي +ملعقة هيل ناعم
يخلطون مع بعض وترش على الخبز كل خبزه بمفردها وتقدم حاارة تهبببببل خصوصآ في الشتاء
ياااليت البناااااااات يحطون لنا انواع الأكلات الشعبية عشان نكون ماهرااات فيها




أدعو لي ان الله يرزقني الذرية الصالحه يارب

هلا ولا والله بنات كيفكم اخباركم

تعالوااااا .......شبيت الجمر يدفينا ......
وجهزت لكم القهووووة ..
ومحضرلتكم طبق ................من اطباقنا الشعبيه ""المصابيب "" يممممممممممممممم


:المقادير

-كوب طحين او دقيق ابيض -
2-كوب حليب نيدو.(او اقل حسب سماكة العجين)-
3-نص ملعقه فانيلا سائلة -
4-بيضة واحدة -
5-هيل مطحون او حبهان -
6-ذرة ملح -
7-نص ملعقة سكر.


الطريقة:

1- نضع نص كمية الحليب مع البيضة في الخلاط .
2- نضيف عليها بالتدريج الطحين حتى يتكون عندنا الخليط لين القوام(مائل للسيولة)
3-نضيف الملح والسكر والفانيلا والهيل المطحون .
4-في مقلاة مدهونة بالزيت,نصب الخليط على شكل دوائر ونقلبها عند الاحمرار. واللحين بالسوق فيه اله سهلت صنعها كثير
5- تقدم بعد ان يضاف عليها العسل.
الف صحة وعافية
يلاااااا من الشطورةاللى جابت طبق من اطباقنا الشعبيه بعد؟؟؟؟

حياك الله أختي عبير الله يرزقك الذرية الصالحة ويرزقك برهم

تسلم يدك باين عليها لذييييييييييييييييييييييييييذة ان شاء الله أسويها في أقرب وقت

الفطير
المقادير دقيق بر + ملح + ماء للعجن

الطريقة يعجن الدقيق بالماء حتى تتكون عجينة مثل عجينة الفطائر ثم تكور بعد دهن اليد بالزيت

وترص في صحن مدهون وتترك ترتاح قليلا يوضع الصاج المقعر على النار ويدهن قليلا

بالزيت ثم يرق الفطير على اليد للي تعرف أو ممكن بالنشابة حتى تصبح رقيقة وتوضع على

الصاج وبمجرد ما تنضج من الأسفل تقلب على الوجه الآخر ( العمليه يبغالها سرعة يعني

بمجرد ما تضعي الفطيرة على الصاج ترقي الأخرى وتنتبهي للي على النار لا تحترق ) حتى

تنتهي

وهناك عدة طرق لأكلها

ممكن تقطعيها وترشي عليها شوي سمن بري ثم تصبي عليها لبن وهي الطريقة القديمة

ممكن تؤكل لوحدها أو تدهن بالجبن السائل مع الشاي أو تغمس في العسل وهناك من يسقيها

بالمرق مثل القرصان

وألف صحة وعافية

طيب تبين طبق شعبي ........

مافيه اسرع ولا اسهل من حنيني الصالحيه هههههههههههههههههههههه

سخنيه واضيفي عليه الزبده يصير امممم ولا اطيب ...

يعطيك العافيه

هذي وصفه اسمها((المحلـــى))..

تجيبي 2زبده وتذوبيها بالقدر على الناروتضيفي لها كأس دقيق وتحركيها لحد مايتشقر على نارهاديه مرررره..
بالخلاط حق الطماطم تخلطي جبن كرافت صغيرتشيدرمقطع صغير ونص الخلاط تمرمطحون وشوي مويه عشان ينخلطون زين...
هذي الخطوه تسويها مرتين ...يعني تعبي الخلاط مرتين بالتمروالجبن والمويه وتخلطيهم ..
بعدها تصبيهم على الزبده والدقيق وتحركيهم كويس وتوطي النار عليهم مررره لمدة ساعه ونص أو ساعتين وتقلبينهم بين الفينه والأخرى حلوه صح..
المهم لماتحسي أنه استوى خلاص ضيفي لها م ك حبة البركه وإذا حبيتي فلفل أسود مطحون ...

إذا شرحي مو واضح خبريني أوضح لك..
وأنوووواع الدفاء مع القهوه ياسلاااااااااام
وبالهناءوالعافيه على قلوبكم ..