خواتي العزيزات

اسمحو لي اول شئ على التاخير ... بس شو اسوي ضغط الشغل خلال الايام اللي طافن كان مب طبيعي..

غير جي الوقت كان مب مناسب للبيع ابدا و مازال مب مناسب لليوم هذا بس ان شاء الله الاخبار اللي وصلتنا انه حال السوق بيتحسن خلال الشهر الياي ... لانه بيكون بداية الربع الاول من جني الارباح ...

في خوات طبعا الله يهديهم تسرعوا و خلوني ابيع لهم الاسهم و هي ما كانت مسوية الا ارباح بسيطة جدا ... بس لو كانو صبرو ا فرحتهم بتكون مضاعفة بارباح مضاعفة طبعا ....

اما اللي اتريو وياية و عطوني ثقة كاملة و حرية التصرف بفلوسهم الحمد لله صبرهم بتكون نتيجته طيبة ان شاء الله..

انا حابة ارد على كل الخوات اللي طلبوا مني يعرفون متى بنسوي هذا المشروع مرة ثانية ... انني ما باقدر اسويه مرة ثانية ابدا ...

يمكن اسويه لناس اعرفهم.... بس لم كمية كبيرة من البنات بالطريقة هذي بتكون صعبة و بتحطني مرة ثانية تحت ضغط كل البنات اللي كانو يتصلون لمجرد انهم يبون يبيعون من غير ما يفكرون انه وياهم خوات ثانيات و بيعتهم ممكن تعرض فلوس غيرهم لخساير ممكن تكون كبيرة على مستوى الـ 500 درهم.

انا سلمت الخوات اللي باعن على كل 500 درهم 410 درهم كربح يعني كل وحدة تسلمت 910 درهم بعد صبر 3 شهور بس هذا ما كان هدفي ابدا ...كان لي امل في طولة بالكم و صبركم و تفهم وضع السوق اللي قاعد يمر بأسوأ مراحله ....

انا اللي ممكن اشارك وياهن مرة ثانية انا بروحي باتصل لهم لانني فعلا شفت طولة بالهن و صبرهن مدى تفهمهن للوضع, وباشاركهم في شركة تمويلية كبيرة بتفتح جريب و بيكون ربح فيها مضاعف 5 مرات لو مب اكثر

السموحة منكن لو اطلت عليكن و ان شاء الله بكلمكن بعد شهر من اليوم بالارباح الطيبة ....

اختي ممكن اتفسرين لي هالجملة ..

أسهم غير قابلة للتحويل او التصرف إلا بعد 1/1/2007

عد الاسهم=500 وقيمة كل سهم 100 فلس بحريني

ممكن افهم شو معناته هذا .؟

أعوذ بكلمات الله التامة من كل شيطان وهامة ومن كل عين لامة
الهي اعطهم ضعف ما يتمنون لي خير أو شر
يزاج الله خير الغاليه وما قصرتى .. ومقدرين لج جهودج وتعبج والله يجعله في موازين حسناتج
اقتباس مشاركة  (فراولة سويت)
اختي ممكن اتفسرين لي هالجملة ..

أسهم غير قابلة للتحويل او التصرف إلا بعد 1/1/2007

عد الاسهم=500 وقيمة كل سهم 100 فلس بحريني

ممكن افهم شو معناته هذا .؟
اختي يمكن كلامي ما يكون كله صح لانني ما شفت العقد ... عشان اعطيج المعنى المضبوط بس امبين انه الاسهم هاي تأسيسية يعني صعب التداول فيها قبل سنة و اللي بيتداولها بيتعرض للمعاقبة القانونية ...احتمال
اقتباس مشاركة  (حلا الإمارات)
يزاج الله خير الغاليه وما قصرتى .. ومقدرين لج جهودج وتعبج والله يجعله في موازين حسناتج

مشكورة حلا الامارات و لا تنسوننا من دعائكم ابدا


الساعة الآن 03:40 .