زوجك قليل أدب واسمحيلي أقول كده

لسان سليط ويدو طويله وكمان ماعندو قلب ولا في اب يضرب طفل باللفه عشان بكى !!!
وين الرحمة ؟؟ إِيش القلب القاسي
وبعد كل هذا تقولي احبه⁉️

مااقول الا الحمدلله الذي عافانا مما ابتلى به خلقه وفضلنا على كثير منهم

بصراحه انتي بنت ابوك لما ضربتيه وربي اعجبتيني 
أخذتي حقك بيدك

حبيبتي عيشي معاه برسميه وقومي بواجبه واكله وشربه عشان ترضين الله مو عشانه وخليتس قويه لاتخلينه يأثر عليتس مهما كان ولاتضعفين عشان ولدتس مايتربى بعيد عن امه وابوه
فكري فيها تطلقتي وين بتروحين الاهل مايدومون لنا وكلن يالله نفسي
بس حدي حدود لايمد يده ولايضرب وكل شي بالتفاهم يصير والله يصلح مابينكم

شوفي حبيبتي واضح زوجك عارف كل شي عنك مع أهلك و الدليل يقولك ضربي أخف من ضرب
أخوك لك ؟!! وش عرفه أنه أخوك كان يضربك ؟!
أن كنتي تحكينه بلحظة صفاء عن معاناتك مع أهلك و أنه كانو يعاملونك معامله سيئه
فهنا أنتي جنيتي على نفسك لأنه وصلتي له أنك مو مرتاحه من تعامل أهلك
و صار مايهتم فيك وعارف ماوراك سند و متهاون بأهلك والدليل يقول روحي أتصلي بأبوك
و خبريه !! يعني ضامن ردت فعل أهلك و قدرك عندهم !
وهذا غلط ترتكبه الزوجه دايم أنصح الزوجات مهما كانت علاقتك مع أهلك سيئه لا تذكرين لزوجك
هالشي نهااااائي بالعكس وضحي له أنه لك قدر وقيمه و هيبه ......

مشكلتك حبيبتي ما تحتاج توصل للطلاق
كل ألي تحتاحينه تبعدين عن مكان وجوده بالبيت
قالك شيلي الولد و أطلعي خلاص شيليه وروحي تسلي معه بمكان ثاني و أتركي زوجك
ماله داعي ترجعين له الغرفه بعد ماسكت ولدك و خاصه زوجك تعامله سيئ معك
هالنوعيه يبغالك تتعاملين معه بدهاااااااء
تتركينه ولا تقربين للمكان ألي هو فيه و تمارسين الصمت معه تقومين بواجباته ع الصامت
أن بغاكم و أشتاق لكم يبي يجيكم بنفسه
مارسي الغموض معه لا يعرف ألي بخاطرك لا تقولين له ما تبيني لا حبيبتي
ألتيهي بحياتك مع ولدك و خليه مع الوقت يتعود على أسلوبك الجديد
و يستغرب بعدك عنه و عدم أهتمامك بالجلوس و الكلام معه
مارسي الصمت بفن خلي الوضع ينعكس خليه هو ألي يجي ويسأل

كلامه وسبه لا تردين عليه قادره تغيرينه و تخلينه يحترمك لما تسفهينه ولا تجلسن معه
بيجي بعدها بوقت بيعرف وش فيك هنا قولي طالما ألفاظك معي جارحه فالصمت أفضل معك
لا تيأسين حبيبتي مع الوقت بأذن الله بيتغير حاله للأفضل
ومع الوقت حسسيه بالكلام أنه أهلك فاقدينك و نفسهم تزورينهم و مشتاقين لك و لولدك
و خبريه أنه أخوك ألي ضربك أتصل يسأل عنك وعن ولدك ومن هالكلام حتى لو الشي ماصار
مثلي عليه أنك مرغوبه عند أهلك و عدلي الصوره ألي أخذها عنهم
أذا أنتقد وقال من متى تغيرو قولي دوام الحال من المحال والله يحفظهم و يطول بأعمارهم
لازم الرجل يعرف أنه لك قيمه و سند
أنا مدري كيف عرف أنه أخوك ضربك بس سواء عرف منك أو منه أنتي قادره تغيرين هالصوره
بالتعامل بكيد النساء بالكيد قادره تخلين حياتك سعيده بأذن الله
كلنا نمر بحياتنا الزوجيه بمتاعب و مشاكل وخلافات بس التصرف بحكمه و هدوء و ذكاء
و أستخدام كيد النساء بيتغير الحال بأذنه تعالى
الله يفرج همك ويسعدك

وابعدي عنه الولد لاتخلينه يضربه دافعي عنه قد ماتقدرين حسسيه ان هذا ولده وانه صغير مسكين لاحول له ولاقوه قولي تخيل نفسك مكانه تنضرب بدون سبب وماتقدر تدافع عن نفسك
اعوذ بالله من ناس تستقوي ع اطفال لاحول لهم ولاقوه حرام والله حرام