نداء لخبيرات المكياج وماركاتها.. الرجاء تدخل وتساعدني أنا عروسة

السلام عليكم.. كيفكم يا حوائيات..

أولا باركولي وأدعولي بالتوفيق زواجي بعد ثلاث شهور أو أقل بإذن الله

ثانياً.. رجااااءاً المبدءات واللي ماعندها خلفية لا ترد مع حبي واحترامي لها، حتى والله لا أضيع الوقت فأنا هالأيام مررررة مستعجلة
أبي اللي ترد عليّ تكون خبيرة في المكياج، وخبيرة في الماركات، وفاهمة زيييييييين وشااااااطرة شطارة أوووفر
والمبتدءات، والنص نص.. حياكم للا ستفادة..

ثالثا... أحب اقولكم يا الخبيرات أنا ماني مبتدئة في المكياج اطلاقاً، بل ماشاءالله مبدعة فيها بشهادة كل من يعرفني ويراني حتى الكوفيرات نفسهم، وهذا فضل من الله وهوايتي منذ صغري..
لكن لقلة الميزانية ما كنت اشتري ماركات كبيرة عالمية، وياحسرة عليّ كنت أشوف الماركات قدامي وأقول آآه العين بصيرة واليد قصيرة وإن شاءالله يوم زواجي راح أشتري كل اللي في خاطري
وأهه جاء هالوقت ...
طيب مالنا بالطويلة خلينا أدخل بالموضوع

أبغاكم يالخبيرات تساعدوني في تدبيشي للمكياج عن أفضل ماركة لكل شي ..
أولا راح أقولكم عن نوع بشرتي ولونها حتى تقدرون تساعدوني..

بشرتي من النوع العادي الطبيعي ولله الحمد، لا هي جافة ولا هي دهنية ولا هي مختلطة بل طبيعية والحمدلله..
ولوني حنطية مائلة للبياض وليست للسمار
قلت حنطية مو قمحية .. ترى القمحي غير يكون أغمق من الحنطي

عموماً

والحين راح أبدأ أقولكم عن المكياج اللي أبغاكم تساعدوني في أفضل ماركة حتى لو كان أكثر كن ماركة وحدة لكل حاجة:

1. كريم اساس
2. بودرة أساس
3. آي شدو
4. بلاشرات
5. برايمر الوجه + برايمر آي شدو
6. مثبت مكياج ( بخاخ )
7. آي لاينر
8. مسكار
9. أرواج .. ( برونزي ودرجاته... وردي ودرجاته )
10. قلوسات .. ( نفس الأولوان )
11. كانسيلر ( اخفاء العيوب ).... أنا فيني وحمة خفيفة بنية أغطيها باللون البرتقالي ثم فوقها باللون كريم الأساس وأكمل مكياجي... وابغى ماركة ممتازة للون البرتقالي
12. أكحال للعين بجميع الألوان
13. أقلام تحديد الروج
14. إضاءة للعين وللوجه ( ابيض .. ذهبي .. فضي.. وردي )
15. قليتر ( بجميع الأولوان )
16. فرش ... أنا عندي ماركة سيقما و ايكو تولز.. وابغى ماركات غيرها
17. اسفنجات... عندي ماركة ريل تكنيك... إذا في ماركات غيرها بأشكال مختلفة مثلث مدور مربع
وبليييييييز يكون ممتاز مو اللي تتقطع وتتشقق، وتكون ناعمة جدا
18. كريم اساس للجسم سواء ببخاخ او غيرها والفرش والاسنفجات اللي تستخدم للجسم في توزيعها أنا شوفت مرة في السوق بس ما اشتريت ما ضمنت الماركة

ولو في شي نسيته ذكروني...

ورجاءاً عزيزاتي مع انزال الصور والأسعار وأماكن بيعها لأني مابي اتهجول
واللي في جدة تذكري لي المكان

وجزاكم الله خير.. والله إني أكتب على عجالة فسحاموني إذا كان في الأسلوب أو الاملاء شي من الخطأ والسلب
في انتظاركم

وانتظروني في الجزء الثاني في مساعدتكم لي في تدبيشي



ويالمشرفات إذا موضوعي يناسب قسم تجهيز العرائس فانقلوني هناك