بنات محتاجه لكم بعد الله

السلام عليكم ورحمة الله

كيفكم يابنات عساكم بخير؟

ماودي اضيق صدوركم لكن يشهد الله إني فعلا محتاجه لكم بعد الله ومحتاجه لكلامكم يمكن ارتاح نفسيا .. لأني نفسيتي ولله الحمد تعبانه..

انا عمري 28 وللحين ماتزوجت :( مع اني ولله الحمد جميله ومتعلمه ومن اسره طيبه

بالبدايه وانا صغيره كنت انخطب كانوا الاهل يرفضون بحجة أني توني صغيره

وكنت منهمكه بالدراسه ولا افكر بالزواج .. بس بعد ماخلصت دراستي وقعدت بالبيت
حسيت اني محتاجه اكمل نصف ديني .. وفي الفتره الاخيره

تقدم لي 4 خطاب وينتهي الموضوع قبل ماتصير نظره شرعيه يعني يجون الحريم ويشوفوني ويقولون بيننا تلفون وبعد كذا لاحس ولا خبر .. والأخير سألنا عنه طلع الرجل مو كفؤ.. ورفضناه..

واحس انه مع كل موضوع خطبه تتعب نفسيتي واقلق واتوتر وكوابيس وواشوف بالمنام قطط سوداء

الى ان رحت لراقي وقال لي اني مصابه بعين .. وقال بالحرف الواحد ان العين تسبب تعطيل لموضوع الزواج ..

من بعدها وانا والله نفستي تعبت اكثر وجسمي تعب اكثر .. وصار عندي شبه اكتئاب

وانا يا بنات ادري ان هذا مكتوب ونصيب .. بس خوفي ان الحاله تطول والعمر يجري وكلام الناس مايرحم ..

مع العلم إني كنت مملكه وانتهى الموضوع وكنت في فترة الملكه مو طايقه خطيبي

ودي يابنات تنصحوني بشي يفيدني

واللي مرت بنفس مشكلتي او قريبه لها مرت بنفس المشكله تقولي وش سوت ووش صار فيها يعني هل مسألة العين سهله ام انها تاخذ وقت

وودي تنصحوني بعلاج مفيد للعين والحسد ومجرب من خلال تجاربكم الشخصيه او تجارب سمعتوها

والاهـــــــــــم من هذا كله دعواتكم الصادقه لي بالشفاء وبالزواج بإذن الله
وصدقوني واللــــــــه راح افرح كثير بمروركم وكلامكم ودعواتكم

لاتبخلون علي ارجوووووووووووووكم ارجوكم ..

كنت اتمنى يكون اول موضوع لي فيه فائده لكم لكن الحاجه حواجه :16:

والعذر والسموحه.. والجايات احسن ان شاءالله