عمتي لما شافت بيتي كبير رفضت اني اسكن فيه

السالفه قاهرتني مره مره مره
الحكايه اني انا وزوجي ساكنين مستورين بشقتنا الايجار ولا وحده فينا تحب تسكن مع اهل زوجها مهما كانوا طيبين الوحده تتزوج تبي الاستقلاليه
وفجاه بدأ زوجي واهله يزنوا يبون بيت كبير مشترك (يكون بيت العايله) ويملكوه ويبعدو عن تعب الايجار والبهذله
تضايقت مرررره انخنقت تعرفون مشاكل السكن مع الحموله بس اجامل زوجي خصوصا انه يقولي انا ابي ارتاح من الايجار وامتلك بيت خاص فيني وهذا بيحصل لما اشترك انا واخواني على بيت كبير يصير بيتنا كلنا
زي ماقلتلكم انا مجامله لزوجي مع انه قرار مصيري وصعب و المفروض مافيه اي مجامله
المهم راحوا اخوانه و شافوا البيت (ما اخذوا رأي زوجي لا بالمكان ولا بشي) لا وكمان ايش ؟ قرروا انا وزوجي راح نسكن في اي دور تخيلوا ؟؟! مقررين عننا وخالصين لان زوجي يجاملهم!
قسموا الادوار مابينهم وحددولي انا وزوجي راح نسكن في اي دور بس لسه مادفعوا المبلغ لكن قرروا ان البيت الفلاني عجبهم وهو اللي بنسكن فيه خلاص
اتصلت على اختي الكبيره وقلتلها السالفه قالتلي صدقيني هما بيقسموا ويخططوا ولا ياخذون رأي احد لكن انتي ربنا اللي بيقسم عنك وبيخططلك وش تبين احسن من كذه؟ ربنا راح يرضيك صدقيني , ارتحت لكلامها وتوكلت على الله
وجا الجد اخوان زوجي قالوا لزوجي يلا روحوا شوفوا البيت وقولوا وش رأيكم وخذوا الوالده معاكم عمتي ماشافت البيت وراح تشوفوا معانا لاول مره
رحنا انا وزوجي وعمتي والمفاجأه ((اني غيرت رايي تماما كنت ما ابي اسكن معاهم بس لما شفت جمال البيت و كبره ماشاءالله كبيييييييير حيييييييييييييل غيرت رأيي وقولت لزوجي متى تاخذه لنا؟ وزوجي مستانس اكثثثر مني وقعدنا نخطط انا وهو هنا مقلطنا وهنا نشرب القهوه والغرفه ذي للبزارين والغرفه ذي غرفه نومنا وفرحانين مرره )) وعمتي وجهها الله لايوريكم مقلوووووووووووووب مقلوووووووووووووووب زعلانه مرررررره
((((وكل شوي ترمي علينا كلام قدامنا تقول لالا بيتنا صغير , تسكت شوي ترجع تقول لا بيتنا صغير صغير
مو صغير بس لان بيتي اوسسع واكبر شافت بيتهم صغير)))))

المهم الدور اللي قالولي اسكن فيه طلع اوسع واكبر من بيت باقي اخوانه ومحد زعل ولا نطق شي من اخوانه

رجعنا بيتنا واتصلت على اختي وقلتلها كلامك صدق ربنا كرمني اكثر مما توقعت وشفت تخطيط ربي احسن من تخطيطهم باركتلي وقالت الحمدلله
ثاني يوم يتصل اخوه عل زوجي وقال انسسسسسسى البيت اللي شفتـوه! زوجي قاله شلون ؟؟ خييير يافلان وش فيه ؟؟ قال لا بس المطبخ والصالات مو عاجبني تصميمها
قاله زوجي طيب غيرها
قال مستحيل البيت اصلا عيوبه كثييره !! وجهز نفسك اننا راح ندور على بيت ثاني (اقسم لكم بالله العظيم اخو زوجي هو اللي قال البيت يجنن وعاجبني وراح ادفع الفلوس خلاص) شلون الحين يقول عيوبه كثيره ؟!!!!!!

لما زوجي علمني قلته مووو معقول ! مو البيت كان عاجب اخوك وطار فيه؟ وخلاص كانوا راح يدفعون المبلغ؟ زوجي سسسكت وشارد الذهن و حسيته مغبوووون

قلتله اقولك شي وماتزعل ؟
قال خير قولي ؟
قلتله الظاهر والدتك شافت الدور حقنا اكبر من بيتهم زعلت صح ؟
قالي بصراحه ايـه حسيت كذا بس خلاص هذا اللي صار عاد !
سكت احتراما لزوجي ولانطقت حرف هذه امه لكن قلبي احترررررررررررق من داخل

سبحان الله اذا اخو زوجي (صاحب الشأن وصاحب البيت) مادقق ولا قال بيتكم اكبر اجل وش دخل الام بالموضوع ؟ هي وش عليها ؟ هذا راح يكون بيت ولدها مو بيتها هي ! معايا حق ولا انا غلطانه ؟
اللي هي سوته فتنه وتخريب ولا لا؟؟
انا من امس ادعي عليها ضيعت من يدنا بيت روعه قليل فيه , فوق ان اصلا مافي وحده تبي تسكن مع اهل زوجها بس قلت معليه وصفيت نيتي وربي عوضني ان البيت حلو ويشرح الصدر وهي ضيعته بسبب غيرتها وحسدها حسبنا الله ونعم الوكيل حسبنا الله ونعم الوكيل حسبنا الله ونعم الوكيييييييل والله ماني مسامحتها والله العظيم مو مسامحتها

الحين المصيبه والمشكله لو تركونا بحالنا نسكن في شقتنا الايجار نقول خيره من ربنا نبعد عن السكن معهم لكن لسه مصرين وقاعدين يدورون على بيت ثاني الحين !!!!

طيب زوجي مو ولدها كمان ؟ بتحسد ولدها بعد ؟؟ مستكثره على ولدها يعيش ببيت كبير يعني؟

طيب الدنيا حياة وممات و هي مره كبيره بالعمر بكره بتقابل ربنا (والاعماااااااااااار بيد الله) راح تكون ضيعت علي فرصه اني اسكن في بيت كبير وواسع ؟ ليه الحسد والغيره وهي مره كبيره المفروض عقلها كبير !! البيت لولدها اللي من بطنها ماراح يروح لاحد غريب

واللي احس فيه ومشاعري اللي كتبتها محد يدري فيها لا زوجي ولا غيره كتبتها لكم افضفض