مشكورين يابنات اليوم بروح ***** الله وربنا يقدم اللي فيه الخير
اختى ام هوازن

هل بنك البلاد له فرع نسائى بجدة اذا فى ياريت تدلينى عليها


اللهم ارزقنى الفردوس الاعلى

اللهم لك الحمد كما ينبغى لجلال وجهك وعظيم سلطانك

اللهم اعنى على حفظ كتابك الكريم
اختي سراب الوجود في جده الفرع النسائي اللي اعرفه في شارع صاري تقاطع شارع الامير سلطان.


وما المرءُ إلا حيث يجعل نفسهُ *** ففي صالح الأعمال نفسك فاجعل
السلام عليم ورحمة **** وبركاتة اختي حبيت افيدك من تجربة
1ـ انك تفتحين عندهم حساب مايقل عن 50 الف ريال
2ـ بعد ماتفتحين الحساب وتدخلينة كاش في وقتها تستثمرين
بعدها باي مبلغ اقلة 8000 ريال ويرشحون اصايل
واخر موعد هو اليوم الاربعاء ان شاء **** تلحقين
ومعاك ال 50 كاش بالتوفيق يالغلا
اختك
خفـــــ الريم ـــــــيش
أختي خفاش الريم .. هذي اشاعة نشرتها مديرة البنك امس عند النساء اللي عندها مئة الف ريال تدخل واللي ماعندها مش حيفتحوا لها حساب
اما الرجال قالوا لهم اللي عنده خمسين الف يدخل واللي ماعنده مافيه
وكله كذب بس عشان يبغون الزحمة تخف ...
و أنا امس كنت هناك رحت الصباح والعصر ... و اليوم خلاص مارحت من الزحمة اللي شفتها أمس
المعاملة القذرة اللي سمعنابها في الراجحي شفناها في البلاد
بأم عيني شفتها
شفت امس يوم ما عمري توقعت اشوفه ولا أسمع به
عندنا بجده اربع فروع للبلاد
وامس رحت ثلاثة منهم والرابع مارحته لسبب طبعاً
امس الصبح خرجت من بيتي ورحت للراجحي وسحبت منه مبلغ علشان احطه في صندوق أصايل اللي بالبلاد لعل وعسى ربنا يرزقنا رزقة طيبة من وراه
نستفيد منها ونتصدق منها و الله كريم
والساعة 9 مباشرة اتجهت إلى بنك البلاد بفروعه
1- فرع حي الصفاء عند دوار الطيارة في شارع السبعين ومن الشارع ما أمداني اخرج من السيارة إلا رجعت ثاني
والسبب الزحمة اللي شفتها في قسم الرجال اللي تبان من بعد كيلو و الحريم المتكومين عند باب الرجال لإن باب النساء مقفول ..
وحسب قول شهود عيان إنهم دخلوا 12 حرمة في قسم النساء من الساعة 8.5 وقفلوا الباب وماعاد فتحوه إلى آخر الدوام
وعلى طول أخذنا بعضنا أنا وزوجي واتجهنا
2- للفرع الثاني في شارع صاري وطبعاً لقيناهم قفلوا الأبواب في وجه النساء والرجال ولكنهم يقولون إنهم دخلوا جوه 60 حرمة تبين فيما بعد إنهم خلصوا منهم 15 والباقيين اعطوهم ارقام وقالوا لهم تعالوا العصر ..
ولما جوا العصر مافتحوا لهم الباب اصلاً
وفعلاً والله جينا العصر وصلينا العصر عند الباب في قسم النساء والرجال
والله الرجال صلوا ومن حضهم فتحوا لهم الباب ودخل منهم مجموعة
أما نحن الحريم المديرة اللي ماتحترم أحد مافتحت الباب من أساسه وكل اللي كانوا عند الباب تقريباً 25 حرمة
وقالت للحارس يقولهم إنها مش حتفتح الباب وقعدنا عند الباب لحد المغرب وصليناه وماعندك أحد واكتشفنا في الأخير إنه فيه باب خلفي يدخلون منه أهل الواسطات
يعني في العصر ماشفنا ولا موظفة
أما في الصباح اللي شفناهم كلهم لسانهم طويل و قليلاة ذوق بمعنى الكلمة
يعني عندك مثلاً اللي واقفة عند الباب اسمها أميرة الحربي على ما أظن
بكل قلة أدب ترمي المفتاح حق الباب على الأرض وتقول للعميلات خذوه وأخرجوا وأدخلوا على كيفكم خلاص وتصرخ عليهم كأنها تصرخ على بهايم
و طلت عليها وحده من فوق
قالت لها خليهم ينتظروا اللين بكرة ويصلوا الفجر هنا وبرضه مش حيدخلوا ..
ونسيت اقول في العصر المديرة المتخلفة اللي ماعليها لاحسيب ولا رقيب ... ولا أحد قادريقول لها لا
اصدرت قرار مفاده إن اللي عندها مئة الف ريال بس هي اللي نفكر نسمح لها تدخل
والله ثم والله لو عندي عشرة الاف مش مئة الف ماوقفت عند باب بنكهم الخايس ابو فرع في كل منظقة
3- رحنا بعدين فرع التحلية مافيه قسم اللنساء و طبعاً مثل أخوانه الرجال في الشارع والباب مقفول


يعني دام إنهم مش قد قرارهم ولا يقدرون يتصرفون لو صار عندهم ضغط في البنك ليه يصدرون قرارات عارفين إنه راح يصير زحمة بسببها
الزحمة كلها على صندوق اصايل اللي قالوا إن اليوم الأربعاء هو أخر يوم تكون فيه سعر الوحدات ريال ومن بكرة حيرتفع السعر
وتعرفون معادن الناس ماتبان إلا في الأوقات هذي
وموظفينهم ( اتكلم على اللي في فرع شارع صاري النساء ) بصراحة قمة في الحقارة من المديرة للبوابة
أما موظفين الأمن والله تحزن عليهم لإنها تقفل الباب في وجيههم وماترضى تعبرهم يقولون نحن موظفين ماندري وش يصير جوه ؟؟
بصراحة ما توقعت زي كده
ويوم ضاع من عمري من غير فائدة والحمد لله على كل حال

بس تدرون وش اللي ينرفز
الشعار اللي كاتبينه في موقعهم
نحن لا نخدم ... نحن نهتم ..
نضع المعاملة في قلب المعادله
هذي شعاراتهم

بالنسبة للفروع اللي فيها نساء
هي فرع حي الصفا قدام عزيز مول
وفرع شارع صاري ...
أما التحلية مافيه نساء
والفرع الرابع في السامري ما أدري السامر مش فاكرة لإني مارحته يقولون مافتحوه أو مافتحوا فرع النساء


الساعة الآن 08:12 .