انا ولدت والحمدلله ........

الحمل والإنجاب

السلام عليكم ياحلوين كيف الحال ان شاء الله مرتاحين
انا ولدت وجبت ولد سميته عبدالله الله يحفظه ان شاء الله وصارلي من ربيت اسبوعين ............

وراح اخبركم بقصة ولادتي واللي ما توقعت بصراحه اني اربي بعمليه بس الحمدلله على كل حال...

يوم الاحد بتاريخ 11\12 ياني ألم في اعلى بطني الم فضيع وكنت ارجع وظليت من الساعه 3 الظهر لين 7 المغرب ونزل عليه شوية دم
امي خافت قالت لازم نروح المستشفى لما رحنا الطواري قالوا لي مفتوح عندك الرحم 2 سم انا استغربت لانه الالم ما كان ألم ولاده وقلت في نفسي الحمدلله ظليت في المستشفى ساعه عملوا لي تخطيط وكان الطلق متواصل وقالت لي الدكتوره يا اظلين في المستشفى او تروحين البيت وانا فضلت اروح البيت ...لما رجعت اصدقون اني ظليت ليوم الخميس لا طلق ولا شي 5 ايام برد عندي الطلق انا خفت ورحت عند دكتوره خاصه قالت الرحم مفتوح وعطتني زيت الخروع شربته مع عصير برتقال فرش وثاني يوم اللي هو يوم الجمعه ياني الطلق وظليت في البيت لحد الساعه 10 وبعدها رحت المستشفى وقالوا لي 3 سم وقلت الحمدلله عملوا لي تخطيط الطلق كان زين بس البيبي كان تخطيطه مب اوكيه قالوا انه نايم والدكتوره قالت على طول ودوها غرفة الولاده ...انا استغربت مع ذلك قلت في خاطري الحمدلله شكلي بربي بسرعه .........لما رحت غرفة الولاده ظليت عندهم لحد الساعه 6ونص المغرب في هل الفتره كانو يتابعون حالتي والبيبي احيانا اوكيه واحيانا ينام انا الصراحه كنت خايفه شوي والطلق كان يتجدم لين ما صار يجيني كل دقيقتين وقتحوا لي ماي الرحم وكان عندي ماااااااااااااااااااااااااي وايد بس انا قلت انه ها شي طبيعي الصراحه تبهدلت اشوي وما كان في مجال يعملون لي طلق صناعي لانه كان فيني طلق في الاخير اللي ما توقعته صار انه البيبي تعب في بطني ودقات قلبه قلت في ذاك الوقت قالوا خلاص لازم عمليه وامي وزوجي وافقوا لانهم كانوا خايفين على البيبي وعملت العمليه والحمدلله ولدي بخير ,,,,,,,,,حتى بعدين قالت لي الدكتوره انه البيبي كان ملتف حول رقبته الحبل السري وما كان يساعده انه ينزل بالحوض من غير ان رحمي ما رضى يفتح الا 4 سم بس................الصراحه كان يوم ما ينتسى بس الحمدلله انه مر على خير ..........الصراحه فترة الاربعين وايد صعبه علشان جذه اقول الله يصبرني ويصبر كل الحوامل واللي ولدوا ان شاء الله ..........وان شاء الله نسمع اخبار حلوه عن الحوامل اللي بعدهم ما ولدوا للحين ..

هذي قصتي وان شاء الله ما اكون طولت عليكم بس حابه اسأل سؤال في حد منكم جرب حبوب منع الحمل اسمها (cerazette ) انا خذتها من الدكتوره وقالت انها اوكيه وما تسبب نزيف اللي جربتها يا ريت تخبرني ......................وسلامتكم :)
34
2K

يلزم عليك تسجيل الدخول أولًا لكتابة تعليق.

تسجيل دخول

&القطرية&
&القطرية&
10000000 مبرووووووووووووووووووووووووووووك

يتربى في عزج ان شالله ...

بس لاتنسين..


سلميلي عليه...

وهذي بوسه له

امممممممموووووووووه

هههههههههههههههه

مبروووك
:27:
الاميرة الصغيرة
الحمد لله على سلامتك وسلامت الكتكوت ويتربى فى عز ابوه وعزك وان شاء الله يكون من الذريه الصالحه ويكون لكم بار باذن الله
%~ ورد جوري ~%
%~ ورد جوري ~%
الحمدلله على سلامتج وسلامة عبدالله
يتربى في عزكم ان شالله
klesh
klesh
الحمدالله على سلامتك و مبروك عليك ما جاك
* بحرينية منامية *