شغالتهم طفله

اذكر شفت عند وحدة ربت بيت
شغالة بنت صغيرة يمكن عمرها 10سنين حزنت مرة
قلت لو مالحاجة ماشتغلوا

يووووة كثير اشوف بالمجمعات بنات صغار مايتعدي عمرها 13 او 15 أولا هم محتاجين واهلهم كذا كذا بيشغلونها عند أي احد اهم شي هي تحسن معاملتها وخلاص تكسب فيهااجر وثواب احسن من تشتغل عند عايله كبيره ومابقلوبهم رحمه و24 ساعه تكرف علي الأقل معاها أطفال يونسونها وبالنهايه بتكون اقل خطوة من الكبيره هذي وش بتسوي لا بتمسك لهم سكين ولا بتتلكع عليهم

اغلبهم يكونوا اللي تبع الساعات هم صغار
إليي صاحبات ف جده اغلبهم ياخذوا صغاار ويكون تواجدهم وشغلهم لعدد ساعات معيينه
بصراحة ارحمهم احب استقدام وبشروط افضل

ذكرتيني بزماان حرمه كبيره كانت تشتغل في البيوت بالساعه جابت بنتها لامي قالت خليها تشتغل عندك شغاله يمكن كان عمرها عشره او 12 سنه بس كانت طويله ماشاء الله
كانت تشتغل من الفجر وتنظف من قلب ورب ولاكأنها طفله يعني متعوده وفي العصريه كانت تخلص شغلها بدري عشان تلعب معانا في الحوش لاننا كنا في عمرها
بس الحق ينقال تخلص شغلها وتجي تلعب معانا واحنا ننبسط انها تلعب معنا
واتذكر في يوم امها طبت علينا فجاه بعد العصر عشان تشوف بنتها مهتمه بالشغل والا لا وشافتها تلعب معانا والله مسكتها في الحوش وجلدتها جلد وضربتها واحنا قلنا خلاص بتموت في يدها تضربها بدون رحمه مافكها الا امي وقالت انها خلصت شغلها بس ترتاح عادي امها تقول لا جبتها تشتغل مو تلعب
الكلام هذا له اكثر من خمسه وعشرين سنه ولسه معشش براسي ماانساه
فلو مو حاجتهم ماشغلوا عيالهم واشتغلوا هم كمان
الله يغنينا ويغنيهم من فضله يارب

ممكن اذا تلعب مع الاطفال او جليسه لكن تشتغل عندي
احس مره شكلها بيحزني