راح تنحل مشاكلك مع زوجك و عيالك و راح يرزقك ربي من خير الدنيا و الاخره ..

بـ اذن واحدٍ احد
ابيك بس تقرين هالحديث


ذكرت لنا احدى الداعيات جزاها الله خير حديث عن الرسول دائما اقراه بس و لا مره استشعرته ..

يقول بما معناه :

"من كانت الدنيا همه"

يعني يصحى الصباح و يقوم شايل هم يومه و هم دنياه و مشاكله اللي ما تخلص من زوج و ابناء و رزق و شايل غمه و مصايبه ..

"جعل الله فقره بين عينيه"

لو عنده ايش ما يكون ، و ربي رزقه قصور الدنيا و ابناء و مال و جاه و كان من اغنى اغنياء العالم
راح يحس نفسه فقير مهما يصير معاه .. راح يحس بالنقص و ان الناس اغنى منه و احسن منه ..
و لا يحس بالقناعه باللي رزقه الله ..

"و فرق عليه شمله"

يعني حتى لو اهلك معك بنفس البيت زوجك و عيالك اخوانك خواتك امك ابوك ..
الا انك راح تلقين كل واحد لاهي بدنياه و وجودهم معك بنفس المكان مثل عدمه ، ما في بينكم الفه و لا محبه ..
تحسين انك وحيده بهالبيت مع انه مليان ناس

"و لم يأته من الدنيا إلا ما قدر له"

اي ربي يرزقه بس باللي كتب له من الرزق يوم ينولد ..
لا اكثر و لا اقل ..

"و من كانت الاخره اكبر همه جعل الله غناه في قلبه" ..

اللي يقوم متوكل على الله ما يفكر غير بأخرته و مخليها اكبر همومه و يشتغل علشانها و يعمل لها مستغني عن الناس بالله ..
لو هو افقر الناس الا انه راح يحس بالغنا و القناعه فيما رزقه الله ، راح يكون تفكيره بالرزق ارقى و اجمل لدرجه يجونه الناس يقولون له على وشو سعيد و انت افقر البشر !
الا ان الله سبحانه و تعالى اغناه في قلبه و اصبح حتى وهو فقير امام الناس يشعر بالغنى و القناعه و الرضا ..

"و جمع له شمله"

اي لو ان زوجك و عيالك في اقصى الدنيا
الا ان ربي سبحانه يجمعهم لك عندك حولك و لو وقفت بينك وبينهم مسافات و جماعات و امم و يخليهم حولك
و مو بس يجمعهم بأجسادهم !
لأ .. يخليهم كمان على قلب واحد و اجتماع الفه و محبه و خير و سعاده .. و راح تحسي انكم اسره واحده بما تعنيه الكلمه

"و أتته الدنيا و هي راغمة"

اي انه فوق الرزق اللي كتبه لك ربي في كتابه حـ يرزقك اضعاف اضعاف اضعاف مضاعفه و يخلي الدنيا توقف عند اقدامك رغماً عنها و غصباً عنها و حتلاقي الرزق يجيك من حيث لا تحسبين ابداً .. وبيسخر لك جند الارض و السماء بس علشان رزقك و حاجتك سبحان الله ..

انتهى الحديث ..


فـ الى كل مهمومه هنا مع زوجها او ابناؤها
اذكرها و اذكر نفسي لا تهتمين و لا تتضايقين ، اكبر هموم الدنيا تنتهي اذا متنا و وضعنا في قبورنا ، ما في هم للدنيا بيلحقك للاخره ابداً ..
لكن لما تفكرين للأخره و تجعلينها اكبر هم لك في كل يوم و تشتغلين علشانها ، ربي يغنيك عن خلقه و يسخر لك هالدنيا و ييسر لك الرزق و جمع الشمل و كل ما يشتهي قلبك ❤