طريقة الكابتشينو

المقادير :

2 فنجان قهوة نسكافيه
2 فنجان قهوة سكر
تقريبا نصف فنجان ماء

الطريقة:

ناخذ النسكافيه والسكر نحطهم في زبديه ونحط عليهم مقدار الماء ونضربهم بخلاط الكيك حتى تصير عندنا رغوة بس وسلامتكم نحطها في علبة الحفظ ونحطها في الفريزر متى ما بغينا نشرب كابتشينو نحط ملعقة صغيره في الكوب ونصب عليها حليب ساخن ونرش عليها شوكلاته بودره



خلطة الجبنة

هذي خلطة الجبن دايما اسويها وما يبقى منها شي من حلاة طعمها
مقاديرها:
نصف حبة خس مقطع شرايح صغيره يفضل ((ايس بيرج))
نصف حبة فلفل رومي ((اخضر +احمر +اصفر+برتقالي ))مقطع مكعبات صغيرة
صرة صغيرة بقدونس مقطع صغار مع العود نفس التبولة تقطع
تقريبا ثلث كوب به ورق نعناع ((مفروم))
2 حبة جزر مبشورصغير
كوب زيتون شرائح (( اسود+اصفر))
3 حبات فلفل اخضر حار مقطع شرائح صغيره
2 ملعقة اكل اورجانو
ملعقة صغيرة فلفل احمر مطحون
جبنة بيضاء بوك او المراعي الحجم الكبير (( مملحة قليلا )) تقطع مكعبات
لبنة داندي الكبيرة

الطريقة:

(1) تخلطون اللبنة مع الجبن البيضه المقطعه
(2) تضيفون باقي المقادير
(3) تضيفين الاوريجانو
(4) الفلفل الاحمر (اختياري )
(5) تضيفين لها الزيت زيتون وتخلطين الجبنه مع الخضار اللي انتي ضفتيها
(6) تحفظينها في علبة بلاستيك وتغرقينها او تغطينها من فوق بالزيت زيتون وتحفظ في الثلاجة
طبعا انا اسوي كمية كبيرة حق ريوقنا في المدرسه لكن ح هذي الخلطة 4 ايام وتخلص يعني انتي ممكن تقللين من مقاديرها اذا كنتي تبين كمية اقل
ان شاء الله تعجبكم تراها وايد لذيذة ان شاء الله اسويها لكم واحط صورتها


خلطة اللبنة

المقادير:

2 علبة لبنه داندي كبير (( انا افضل داندي لان فيه شوية حموضه))
صرة بقدونس صغيرة
1 فلفل اخضر بارد (( رومي )) مقطع مكعبات صغيرة
3 فلفل حار

الطريقة:

تحطين كل المقادير في خلاط العصير وتخلطينهم

تحطينه في صحن التقديم وتصبين عليه شوية زيت زيتون

وتاكلونه بالعافيه او تسون سندويشات ويا عيني على الطعم تراها وايد سهله ولذيذة

ترى يطلع لونها اخضر حلو

هذي كلها ممكن تسوينهم اليوم وتحفظينهم في الثلاجه علشان الوقت
الله يوفقكم ياربي...ويسهل عليكم مثل ما سهلتو علي....

قطراويه باذن الله راح ادعي لك بالغيب وكل اخواتي الي دعموني وساعدوني...الله يوفقكم

انا راح اسوي باذن الله الي الان

الاومليت الاسباني حق ام يوسف...والتوست المحموس ان شاء الله والسادوتشات..

بس اختي اي نوع من الخبر تستعملينه للسندويشات الي اعطيتيني , لاني بروح اقضي

مشاء الله عليك ذوووق الله لا يضرك , عجبتني فكره المشروبات على شكل بوفيه , ابحطها بعين الاعتبار...


-----------------
قطراويه انت رائعه مشاء الله عليك الله لا يضرك..

انا راح اسوي الكابتشينو وخلطه الجبنه واللبنه باذن الله
واحلى شي اني اقدر اسويها قبل بيوم

عندي كم سؤال اختي...
أيش هو ( الايس بريج)؟

الفلفل الاحمر ..البودره؟ والا العيدان الطازجه؟

في طريقه اللبنه حيث اننا نخلط الجميع بالخلاط... هل يصير لونها اخضر؟ والا ما نخلط معها الفلفل الرومي

-----------------------------------------------

((( بنات من تعرف طريقه حلوه للفول؟؟)))

شكرا يا حبيباتي ...ما تتخيلون كيف فرحت بردودكم الصراحه استحيت منكم ومن كرمكم بالرد

الله يعطيكم يارب ويزيدكم من واسع فضله

اختي بنت النعيم الف شكر على دعمك يا حبيبتي

الشامخه : فكره ممتازه الله يجزاك خير

بدور البدور/اي والله الله يعينا ...بس ما فهمت يا حبيبتي اش قصدتي يوم قلتي حطي القهوه؟ معليش ما فهمت سامحيني
هلا أختي بالنسبة للسندويتش الأول أستعمل صامولي بس يكون أسمر بر يطلع لذيذ و الثاني كروسون و أحلى نوعين جربتهم من كارفور و بعده اليورومارشيه
ينقل من المعجنات والسندويشات لاطباق حواء
حاولي اول شي ترتبي الاواني والصحون قبل كم يوم....
وحتى الاصناف اللي ممكن تعمل قبل بيوم اعمليها واحفضيها بالثلاجة....
ولاتنسين الكورن فليكس اذا بتسوين الفطور بوفيه وحتى الفواكه مرغوبة...
وطبعا تفنني بالسندويتشات...صامولي...توست...كوروسان....المفرود الصغير....
وحتى الحشوات...عندك الاجبان بانواعها...الزيتون باللونين...مرتدلا...مقانق...
جزر....خيار....خس...طماطم.....حتى مخلل الخيار لذيذ بالحشوات....


الساعة الآن 09:35 .