جيبي بريد وغمسية بالبيض وجيبي المقلى وحطي البريد وقلبية واذا حمر شيلية وحطي علية شيرة البانكيك وقدمية مع الحليب انا زوجي يحبة
24-12-1426 هـ, 08:57 مساءً
 
يارب يرضى عليك قولي امين

ياناس يعجبوني الحريم لاهتموا برجالهم

انا قريب بتزوج وبتطلع العلوم ههههههه
24-12-1426 هـ, 09:02 مساءً
 
حبيبتي الله يوفقك ويعينك
سوي له بانكيك(اللي يجي خليط جاهز وانتي تضيفين له حليب وبيض وزيت) مررررة سهل وبيعععععععععجبه 100%100 .. مع كوب حليب
او سوي له كورن فليكس اذا كان يحب الاكلات الخفيفة ..

أو سويه بيض طعمه جناااااااان... وغيييييييييييييير مو تقليدي
وهذي طريقته:
بيضتين مخفوقه عادي حطي عليه شويه ملح .. ملعقة صغيرة بهارات وملعقة صغيرة صلصة الطماطم(الصلصة العادية ) وملعقة جبن سايل كرافت او بوك .. وشووووية بقدونس مفروم
اخلطيييييييييهم وصبيه في طاوة البيض وقلبيه الييين يستوي زي البييض العادي
خذي توست او صامولي امسحية جبن سايل وحطي عليه اللي بالطاوة ...
وبالعاااافية عليه
تري هذا البيض رهيييييييييب .. اسويه لزوجي مرررة ينجججججن عليه..

وادعي لي اذا اعجب زوجك.. وان شاء الله يطلع لدوامه وهو رااااضي ومبسوط منك ..
24-12-1426 هـ, 09:36 مساءً
 
استعملي خبز التوست ما فيه احلى منه..حمري الشريحه راح تكون مقرمشه ودهنيها جبن .مربى.عاد الى هو يحبه اوادهني الشريحه زيت زيتون وضعي عليها زعتر ودخليها في الفرن قليلا..ويا سلام..اوسوي شريحه توست ادهنيها ميونيز ثم بيض شريحه ثم جبن شريحه ثم توست مدهونه مايونيز ثم مرتدلا دجاج ثم خس ثم توست وقطعيها اربع مثلثات وبالهناء والعافيه......
24-12-1426 هـ, 09:39 مساءً
 
اعملي له مصابيب..تنفع للفطور خصوصا مع البرد..

اقتباس مشاركة  (^^مشاعل السعوديه^^)
السلاااااااااام عليكم ورحمة الله وبركاته

شلونكم ياغاليات ..كل عام وانتن بخير وتقبل الله منا ومنكم

المصابيب مو غريبه على الكثير مننا وانا سمعت لها اسماء كثيره

لكن كلها نفس الطريقه..هي بانكيك بس حقتنا حنا ..

ومفيده جدا جدا لأنها كلها بر وعسل

انا كنت دايم اشوف امي تسويها بس قلت والله لأسويها

قعدت اخمن المقادير من راسي لأن امي الله يحفظها ماعندها مقادير كل شي بالنظر

بس ابوي اعجب بمصابيبي وانا ماصدقت..

تفضلوا:

1 كاس دقيق بر
3 ملاعق اكل حليب بودره
ذرة ملح
ملعقة اكل سكر ناعم
ملعقه شاي خميره
1بيضه
اكثر من كاس ماء تقريبا كاس وربع ماء
اخلطيهم كلهم باليد بخفاق البيض
حبه سوداء (حسب الرغبه بس انا احبها)

وغطيها واتركيها تقريبا 10 دقايق

وبعدين جيبي الصاج التيفال وحطيها على النار مايحتاج تدهنينها..

وخذي مقدار ملعقه وصبي على الصاج



لاحظي لما سطحها من فوق بدأ لونه يغمق وماعاد صار عجين

اقلبيها على الوجه الثاني..



وهكذا الين ينتهي المقدار..

بعد كذا ذوبي تقريبا ربع اصبع زبده (لاتكثرين ترا الزبده لو حطيتي منها شوي يكفي)

واخلطي معاه عسل وصبيه فوق المصابيب..

يفضل انك تحطين شوي مصابيب في الصحن وتسقينها بشوي زبده وعسل

وبعدين تحطين مصابيب زياده وتسقينها عشان تضمنين ان كل المصابيب تشربت

وبس قدميها الف صحه وعافيه..





في ناس تحب انها تحط سمن+سكر

او

بصل +طماطم

بس انا احبها كذا طعمها الذ شفتوا شلون سهله..
25-12-1426 هـ, 02:41 صباحاً
 


الساعة الآن 02:36 .