السلام عليكم


في بالي من فترة مشروع كشك اكسسوارات في مجمع


احسها مربحه لان البنات يحبون الاكسسوارات ويدفعون فيها اي قيمة

ويحبون يهدونها بعض منها

ودائما مزحومه الكشكات



اسألتي:

كم احتاج راس مال؟

كم الايجار للكشك تقريبا ؟
وهل هو شهري او سنوي ؟

كيف اقدر اوفرها من اي موقع ؟

هل الكشك افضل ام المحل ؟

كم راتب الموظف ؟

الة التسعير من فين اوفرها ؟

نصائحكم ؟


وجزاكم الله خير مقدما
24-04-1436 هـ, 03:56 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مافيه اي افاده

لو دعوه !
24-04-1436 هـ, 03:59 مساءً
 
كم احتاج راس مال؟

حسب موقع الكشك وحسب قيمة الايجار وتختلف الايجارات من مول الى مول

كم الايجار للكشك تقريبا ؟

حسب المولات ان كان مولات عاديه من 20 الى 50 الف
المولات المتوسطه من 60 الى 80
المولات الغالية يمكن توصل اكثر

وهل هو شهري او سنوي ؟

بعض المولات شهري والاغلب نصف سنوي كل ستة اشهر تدفعين دفعة

كيف اقدر اوفرها من اي موقع ؟

فيه مواقع صينية كثييييييييره والافضل تروحين للصين بنفسك وتجيبين بضاعة كبيره علشان ترخص عليك السعر وان ماقدرتي فخذي من تجار الجمله في مدينتك او اطلبي من المواقع الصينية

هل الكشك افضل ام المحل ؟

اكسسورارات اكيد الكشك افضل اذا كان في مكان مميز وفي مول مميز

كم راتب الموظف ؟

يشتغل 12 ساعه 1500 ريال بالكثير

الة التسعير من فين اوفرها ؟

متوفره في الانترنت يبيعونها وايضا في محلات مستلزمات المحلات

نصائحكم ؟

نصيحتي لك اذا عندك ذوق حلو في الاكسسورارات + عرفتي تجيبين اكسسوارات بأسعار حلوه ورخيصه + تفتحين في مول مميز وتضبطين محلك تخلينه يفتح النفس + الصبر الصبر الصبر = اذا وفرتي هالاشياء اضمن لك ربح وفير

والله يوفقك
24-04-1436 هـ, 04:22 مساءً
 
ماعندي علم
بالتوفيق ان شاالله
24-04-1436 هـ, 05:08 مساءً
 


الساعة الآن 06:53 .