وصلكم شئ من مشترياتكم

مرحبا الغاليه أنا إتعاملت مع صدى الأشجان وخذت عنها شنطة ديور وكانت حلوه
وإتعاملت مع أمون لمهيري وخذت عنها شامبوا الحصان
والصراحه بنات المنتدى معظمهم ذوق فالتعامل

و عليكم السلام و رحمة الله و بركاته

الغالية انا اول مرة تعاملت مع الاخت (توته الحلوه) و الصراحة هي قمة في الذوق يابت لي العينات اللي عندها من العطور و الدخون عشان اذا عجبني شي اختاره (لاني ساكنة في نفس المدينة) و الله يبارك فيها و بضاعتها ممتازة و انا خذت منها مخلط غناتي

و تعاملت مع الاخت طوق البنفسج خذت منها ساعة امس وصلتني و كانت نفس اللي كانت عارضتنها بالصورة و هي جدا خلوقة و قالت لي اذا ما عجبتج رديها و انا برجع لج الفلوس و يزاها الله خير ما قصرت وياي ابد و عجبتني الساعة واااااايد :)

***************************
بس في سؤال يدور في بالي : كيف تثقين بالبائعة و انتي اول مرة تتعاملين معاها و تقول ان البضاعة اصلية 100% او هي ممتازة و،..........و.............
؟؟؟ ما ابي اشكك في اي وحدة حشى لله بس سؤال يدور على اجابة تريح كل وحدة مترددة انها تشتري من المنتدى :)

و ان شاء الله البنات يقولون لنا عن تجاربهم بعد

السلام عليكم

والله انا تعاملت مع الاخت الغلا.. وماشاء الله عليها ما قصرت.. لين الحين مرتين متعاملة معاها وكل البضاعة توصلني مثل ما ابغي واتوقع.. وما قصرت صراحه هيه ذوق وادب وفنانه.. وتستاهل كل خير والله.. :)

انا اشتريت من توتة الحلوة الله يحفظها ويوفقها
ونفس كلام اختي حناين
هي اطرشلج البضاعة لين عندج وانتي تختارين منها اللي يعيبج
وهالشي تسويه ويا كل امارات الدولة
وعمولة التوصيل رخيصة عندها

واشتريت من اختي صدى الاشجان شنطة ديور
رووووعة ،،،، الله يحفظها ويوفقها
وتراعي أسهل وارخص الطرق لتوصيل البضاعة لج


ووو منو بعد؟؟
هي
بنت الكويت العسل اشتريت منها مقص الحف وكريم السعد (الكويتي مش المصري)
بس هي مب موجودة اهني الحين


والحمدلله كلهم امينات ومعروفات فالمنتدى

موضوع حلو صراحه
وانا ما جربت غير المعمول من الاخت قوت القلوب111 وصراحه هي محترمه وانسانه راقيه بالتعامل جزاها الله خير