Analysis Services
صباح الخير

الله يعافيكم حبيباتي ابغى طريقة المطازيز
شريته جاهز بعلب تمر صغار
وكم يكفي لشخصي وكم اطبخه وكيف اخلي النار عليه
اول مره اسويه


أستغفر الله وأتوب إليه
25-04-1436 هـ, 05:31 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
قطعي خضار

جزر وبطاطس وكوسه وقرع وفاصوليا وبزاليا وفلفل بارد اذا تحبينه حبه من كل نوع

لحم مقطع بعظمة بصلتين فصين ثوم طماطتين كبار مخلوطه في الخلاط مع مويه ماجي بهارات وملح ومكعبين ماجي علبة صلصة مويه فلفل أحمر أو أخضر قرنين حبة ليمون أسود عودين قرفه أربع حبات هيل ومسمار الي هو القرنفل
ا
احمسيهم البصل والثوم اذا ذبل البصل حطي الطماطم المعصوره وخليها تتسبك شوي حطي البهارات والماجي
والصلصه وخليها تتسبك حطي اللحم وقرن الفلفل والبهارات العدله وخليه شوي على نار وسط حطي مويه تغطي اللحم والليمون الأسود سوي فيه شق وأرميه مع اللحم خليه نص ساعه بعد النص ساعه حطي الخضار الجزر والبطاطس والفاصوليا المقطعة وخليها نص سواء لانها تأخذ وقت وبعدين وخري قرون الفلفل والليمون الأسود حطي المطازيز ست حبات وعلي النار واول ماتنزل حطي ست حبات مطازيز الثانيه حطي نص العلبة الي معك تكفي أربع أشخاص واذا خلصت حطي باقي الخضار ورجعت الليمون الأسود وحطي قرنين فلفل جديده والأولى إرميها عشان ماتنفقع ويطلع حار وخلي النار عاليه الين تطبخ وقصري النار صغيره لمدة ساعة وعليكم بالعافية

أهم شي تتأكد ين ان اللحم استوى وان الخضار والمطازيز استوت

تقدرين تسوين العجينة سهله

طحين أسمر كاسين ومرة ملح وميه دافيه للعجن وتعجنينها وتخلينها ترتاح ربع ساعة وتقطعينها وتبين يدينك بشوي مويه والصحة الي بتحطين فيه شوي مويه وتكورينها كور صغيره وتفردينها أو الفراده فيها شوي مويه وتحطينهم في صحن مبلول بشوي مويه أحلى من الجاهزه واطعم وهذي طريقة امي الله يطول في عمرها وطريقة الاولين
26-04-1436 هـ, 02:01 صباحاً
 
استتغفر الله واتوب اليه
26-04-1436 هـ, 02:09 صباحاً
 
رفع
27-04-1436 هـ, 11:49 صباحاً
 


الساعة الآن 11:29 .