Analysis Services
كل سنه وانتي طيبه يا هبه وكل سنه والجميع بخير
أوركيديا تسلم إيديكي علي محشي الكوسا واللبنه
طريقة اللبنه حلوه قوي
لكن لما أحب أعملها مكبوسه .. بتفك مني في الزيت
في الحالة دي بأسيبها مكشوفه في التلاجه لغاية ما تنشف
ولا فيه عندك طريقه تانيه يا أوركيديا ؟؟
وكل سنه وأنتي طيبه
09-12-1426 هـ, 03:02 مساءً
 
ضلع محشي

ضلع خروف
ملح – فلفل أسود
حوالي 5 حبات ثوم أو أكثر
الحشو
نصف كيلو لحم مفروم
بصلة مبشورة + ملح + فلفل + بقدونس مفروم

الطريقة
تنزع عظام الضلع ويبطط بواسطه مدق اللحم أو ساطور.. ويتبل بالملح والفلفل جيدا
نعجن اللحم المفروم مع البصل المبشور والبقدونس ونتبله بالملح والفلفل مثل الكفتة
نحشي الضلع بالكفتة .. ونلفه جيدا ونربطه بدوبارة مثل عرق التلبيانكو
نعمل به عدة شقوق لوضع حبات الثوم فيها
نضع ملعقة سمن أو زيت في صينية ونحمر الضلع من جميع الجهات
نضيف حوالي 2 كوب من الماء ونغطي الصينية ونتركها علي البوتاجاز لتسويتها نص تسوية ونزيد الماء لو إحتاج لذلك
ثم ندخلها فرن متوسط الحرارة حتي تمام النضج ..
وبالهنا
نقدم الضلع ترانشات في طبق التقديم ونستفيد من الرواسب المتبقيه في الصينيه لعمل صوص يقدم مع اللحم

لعمل صوص للتقديم مع الضلع
نحمر ملعقة دقيق مع ملعقة زيت أو سمنه
ثم نضيف كوب ماء ونخلط الجميع مع رواسب الصينية المعمول بها الضلع
نتركها تغلي علي النار الي أن تصبح سميكه نوعا ما مع إضافة قليل من الملح والفلفل إذا إحتاجت
تصفي الصلصه بمنخل سلك وتقدم مع اللحم
09-12-1426 هـ, 03:05 مساءً
 
أحلام كل سنه وانتي طيبه
دون عيد سعيد عليكي إنتي والأسره
وكل سنه والجميع بخير
09-12-1426 هـ, 03:11 مساءً
 
ازيكو يا حلوين, كل سنة و انتوا طيبين بجد جوعتونى و فكرتونى باكل تيتا كل دة وانا صايمة.
قولولى بقى ازاى اعمل عيش بلدى فى البيت لان انا و ابنى مبنكلش غيره و زى منتو شايفين انا مش عايشة فى مصر. حاولوا باى شكل تجيبولى الطريقة و ميرسى ليكو
09-12-1426 هـ, 04:28 مساءً
 
حبيبتى نااااااااااااانى وانتىيارب بالف خير وصحه وعافيه وكل حبايبك حلوين ومنورين حياتك

حبيبتى بيرلا اوركيديا يارب يكون من اسعد الاعياد عليكى ويردك بيتك ووطنك سالمه غانمه ويظلل عليكى بحبه وحنانه

اللهم ما امين عيد سعيد لكل البنات فى الصفحه
09-12-1426 هـ, 05:32 مساءً
 


الساعة الآن 07:43 .