اوركيديا وغيدا وانتم بالف خير وصحه وعافيه

يسلمواااااااااااااااااااااااااااا
لاتنكسر .. ماأحد ٍ مثل قلبي خسر .. لاينثوي عزمك وحيـــل الله قوي ..قاااادر يفرجها بعد ضيق وعسر
اللهم لك الحمد كما ينبغى لجلال وجهك وعظيم سلطانك
هبة فضى الخاص عندك





أوركيدا جزاكي الله خيرا
مشكووووووووووووور ياغاليه من زماااااااااااااااان وأنا أبحث عن الوصفه
وجزاكي الله خيرا ياناني 5
لو حصل شيء معايا هأعمل طريقتك إن شاء الله

أوركيدا وناني 5 هبه عبد العظيم وأبله دون وجميع المتواجدين معاناهنا كل سنه وإنتم طيبيييييييييييييييييين
ربنا يعيده علينا وعليكم وعلى الامه الاسلاميه بكل الخير والهناء والنصريارب
و انت طيبة يا احلام و بخير و عافية

و يا رب كلنا نكون السنة الجاية في الحج ان شاء الله
بصى يا هبة الطريقة دى للعيش البلدى كنت مسيفاها عندى من منتدى تانى بس للاسف مش عارفة صاحبة الوصفة لانى كنت مسيفاها على الوورد عموما حنقلهالك زى ماهى على لسان صاحبتها وربنا يجعل ثوابها لصاحبة الوصفة اللهم امين

بالنسبة للعيش البلدى ..أهم شئ فرن حار جدا
والصاج يكون داخله بنفس السخونه قبل بدء عملية الخبيز
يعنى لما نيجى نحط العجينه بنخرج الصاج حته صغيره
على قد وضع العجين وندخله بسرعه قبل فقد الحرارة
وده الصعب فى الموضوع
لكن الطريقه سهله:
ممكن كيس خميرة جافة أو ملعقة صغيرة خميرة جافه لكل 2 كيلو دقيق أسمر
وندوب الخميرة فى نص كوباية ميه دافيه مع ملعقة سكر صغيرة لتنشيط الخميره
ونرشها على كومة الدقيق فى وعاء عميق
وبعدين بماء دافى ( فاتر جدا ) نعجن الدقيق للدرجة اللى ممكن نصبه باليد
ونحط نص ملعقة ملح
يعنى بيكون طرى جدا زى درجة تماسك المهلبية
وللاسف مش عارف اوصف درجة التماسك بالكلام لانها لازم تتشاف بالعين
المهم ...
نسيب العجين مغطى بفوطة نظيفة لمدة ساعه فى مكان دافى للخمير
أو لغاية مايزيد حجمه بمقدار النصف على الأقل
بعد كده ناخد حته من العجين على سطح مرشوش بالرده ونقلبه عليها
يعنى الوشين يلزق فيهم رده ونرص فى مسطح خشبى او اى شئ بس مايكونش ساقع
ونسيبه نص ساعه متغطى للخمير الاخير
بعد كده نفرده على الايد ونحطه فى الصاج الساخن كما سبق وصفه
والعيش البلدى سهل بس لازم يتجرب مره واتنين لغاية ما يظبط معاكى



العزيزه MFM *4* اصلى مش عارف اسم تانى هههه

كل سنه وانتى بالف خير
وبالنسبة للاسئلة:
هل يمكن ان استعمل العجانة ؟
ممكن بس لها عجانه خاصه للعيش بتكون سرعتها بطيئة جدا
يعنى غير العاديه اللى فى البيوت
واذا لازم استعمل الايدين معني ذلك انها ستلزق
فى البدايه بتلزق وده اللى بيسموه اللت والعجن
ولكن باستعمال الرده بتسيب الايدين
هل ادهنهم زيت او حاجة؟
لا ماينفعش الزيت ... ممكن دقيق او رده بس
وهل لما اقلبهم في الرده علي الوجهين ابططهم؟
لا يبطط الرغيف ابدا .. هوه بيفرد براحته لان العجين لين
ولما افردهم واضعهم علي الصاج ما هي التخانة بتاعتهم؟
بتكون حوالى نص سم
هل هي سميكة ام رفيعة ام رفيعة جدآ؟
قلنا نص سم .. ههههههههههه
ومش عارفة اشكرك ازاي







الساعة الآن 12:41 .