انا ما اتعب روحي وايد

اذا كان بدون عشاء او غداء أحط صحن فواكه كبير وصحون مكسرات وشوية فطاير وبيتزا وسمبوسه ( كله جاهز طبعا مو شغل بيت) , واحط شبس جاهز بعد مثل برينجلز , وأحط أي نوع سويت مثل كيكة جاهزة بعد وحلاوة جواهر مثلا وعصير

هههههههه , كله مرره وحده
وبعدها شاي
واذا في عشاء فالله يخلي المطاعم

وكان الله غفورا رحيما
07-12-1426 هـ, 12:32 مساءً
 
تقريبا طرق الضيافه كثير متشابهه..........
مشكوره اختي babylove على العصير ان شاء الله اجربه............
08-12-1426 هـ, 06:13 مساءً
 
على فكره العصير منزله طريقته الاخت لوحه بس مملوحه في قسم المشروبات
09-12-1426 هـ, 06:01 مساءً
 
انا اموووت على الترتيب

الين الحين محد زارني في بيتي ،،، بس احب اتفنن لزوجي

المهم


انا اشوف ان اهم شي كيفية تقديمج للشي ،،، يعني الكل يقدم الشاي والعصير ،، بس الفرق في كيفية التقديم

يعني الاكواب المستخدمة في تقديم الشاي ،، خليه مثل الكوفي شوب مع قطعة بسكويت وممكن اتحطي كمية البسكويت في صحن صغير حلو ،، وممكن اتييبين السكر المكعبات واتحطينه في علبه حلوه او اتييبين اكياس السكر الملونه واتحطينها في علبه مميزة

كاس العصير نفس الشي ،، ممكن اتزينيه بقطع فواكه ،، او الصلب المستخدم ايكون مميز

صحن تقديم العصير ممكن تفرشينه بفوطه التقديم وممكن تنثرين بتلات ورد فيه (بس ورده اتكفي)

وممكن اتيبين وردتين او ثلاث واتحطينها على طاولة الضيافة ،،، يخلي القعده اسبيشل

ولا تنسين الروايح الحلوه في البيت ،،

ممكن تستخدمين الفوط الصغيرة الملونه يوم اتقدمين الحلويات

طبعا في الشتا ،، الحلويات اللي اتييب الدفا مثل التمر والخبيص والرهش راح اتكون اميزه
04-01-1427 هـ, 03:28 مساءً
 
إنزين ممكن طريقة الحليب مع حبة الحمراء والزعفران إللي قالت عنها ألأخت ماروكو؟؟
04-01-1427 هـ, 06:38 مساءً
 


الساعة الآن 11:23 .