مرحبا
شروق الامارات التنوره روعه مين وين اشتريتها
السلام عليكم ورحمة الله وبركاته

السموحه منكم خواتي انا ما بقدر أوفر لكم هالتنوره لأني كنت محطيه في بالي أني بسير وبشتري وبطرشلكم ولكن لظروف ما بقدر أسير... السموحه منكم مره ثانيه


بس بخبركم من وين اشتريتها... أول شي بخصوص السعر وللأمانه سعرها اعتقد 80 درهم .. وانا كنت ضايفه سعر الشحن!! بس قلت أخبركم السعر الأصلي عشان تستفيدون

وأختي كانت شارتنها لي من محل من مصانع عجمان... والصراحه ماشاءالله عندهم تنانير ولا أروع وعندي وحده ثانيه بعد خبااال.. بس هاذي اللي حطيتها لكم واااايد عايبتني وصدق على اللبس رووعه.. سيروا هناك وصدقوني ما بتندمون لانه التنانيير عندهم أشكاال وألوان واتحصلونهم نفس الشي في المحلات الراقيه وأسعارهم على 300.. وفي مصانع عيمان مب أكثر عن 80 درهم


خواتي بنات الإمارات تقدرون تربحون من هالشركات بأنكم تسوقوون البضايع الموجوده في مصانع عجمان على النت واتفيدون الخوات الموجودات في البلدان الثانيه وخاصه الثياب.. التنانيير والقمصان وحتى أغطية السرير اتحصلون أشياء رهيبه عندهم...


السموحه منكم خواتي أهل البلاد واللي برع البلاد مثل ماقلتلكم ما بقدر أشتري أي بضاعه وأبيعها على النت لأسباب خاصه...

وياليت أي أخت من الإمارات اذا سارت صوب المصانع.. الصراحه ماعرف شوه أسم المحل.. ياليت أي وحده تسيير تصور التنانيير واتحطهم في المنتدى عشان اللي يحب يشتري عن طريقها وبالهطريقه هيه بتكسب... وبالنسبه لهالتنوره ياليت أي وحده تسير هناك واتحصل مثلها اتخبر باقي البنات عشان يشترون عن طريقها..


وحتى الجواتي.. بتحصلون مثلا من محل ناين ويست موجود وايبيعون البضايع اللي مرت عليها فتره في السناتر بأسعار أرخص بوااايد... هووو نفسه المحل يعني لا تقليد ولا شي


وعن عنوان المصانع لا تسئلوني لأني ماعرف الصراحه بس أكيد أغلب بنات الإمارات عندهم فكره


وأشكر كل اللي ردوا علي واللي أرسلوا لي رساله خاصه


وسامحوني خواتي وان شاءالله قدرت أفيدكم


الساعة الآن 12:20 .