السلام عليكم ......
حبايبي قبل اربع ليالي كنت عند اهلي الا الوالد جايب العشاء من مطعم اسمه الدمياطي
كان جايب كوشري وطعمية وفول ومخلل وكان الطعم واو تحفة

ياحلوين ابي طريقة هذي الاكلات اذا ماعليكم امر ...في اشياء غريبة فيها
الفول كان لونه بني غامق ويحتوي على قطع من البطاطس والطماط والخيار و الباذنجان

الطعمية كانت بكبر راحة اليد ومليانه سمسم

والمخلل كان عبارة عن جزر و فلفل حار وبذنجان مقلي مقطع ارباع

وسلااااااااااااامتكم
30-11-1426 هـ, 11:15 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الكشرى

المقادير
1 كوب عدس بجبة ( عدس اسود)_2 كوب أرز
او كوب عدس بجبة _كوب ارز
او 2كوب عدس بجبة _ كوب ارز
كيس مكرونة صغيرة(مرمرية )
نصف كوب حمص الشام
4 بصلة كبيرة
الصلصة
2 كوب عصير طماطم
1 ملعقة صلصة طماطم
5 فصوص ثوم مدقوقين
ربع كوب خل و ملح و كمون و شطة
زيت ذرة
الطريقة:
- نغسل العدس ثم نسلقة فى ماء وملح وكمون نص سلق بس ( لانة حيكمل السوى مع الارز ) و بعد السلق نشيلة من ماء سلقه و نحتفظ بالماء–(حيكون لونها بنى )نقطع البصل أربع إرباع ثم شرايح رقيقة جدا ونحمره فى زيت حتى يصبح لونه ذهبي مائل للاحمراراو ممكن نقول بنى بس ما تحرقيهاش. - نشيلالبصل من الزيت بالكبشة ونحطة على الورق الماص للدهون او على كلينكس
- في نفس الزيت نضع العدس المسلوق ونقلبه تقليبة ثم نضع الماء بتاعة اللى لونه بنى و كنا ركناه على جنب
و نضع الملح و نتركها تغلي ثم نضيف الأرز بعد غسله و يجب أن يغطي الماء الأرز و العدس , نقلبهم جيداً و نغطي الحلة , وعندما يبدأ الرز بشرب الماء نوطي النار و نطبخه مثل الارز العادي.
- نسلق الحمص في ماء مملح وكمون نصفيه من الماء) ممكن الاستغناء عن الحمص ).
- نسلق المكرونة في ماء مملح و نصفيها .
- لتحضير الصلصة :
ناخد الثوم المدقوق و نقلبه في القليل من الزيت إلى أن يصفر لونه ثم نضع الخل لحد ما يغلى و بعدين نضيف عصيرالطماطم و الملح و الكمون و الشطة
لحد ماتتسبك مع اضافة القليل من الماءحتى تكون متوسطة السمك ولا جفيفة ولا تخينة
- و نطفي عليها النار . .
ترتيب الطبق: - نضع الكشري (الأرز بالعدس) و عليةالمكرونة و علية صلصة ثم البصل المحمرثم الحمص و يقدم و الدقة بتكون وحدها
السلطة
بنعمل سلطة خضراء عاددية و نحطها فوق على الوش اخر طبقة و بالهنا و
ملحوظة (1)
ممكن فى الزيت الباقى من تحمير البصل نحمر شوية شعرية و بعدين نحط العدس الاسود و نكمل بقية الخطوات عادى
ملحوظة (2)
للكشرى كزا طريقة فى العمل يعنى اللى طريقتها غيرى طريقتها برضة صح
ملحوظة (3)
كمية الارز و العدس برضة بتختلف يعنى ناس بتحب العدس اكتر من الارز وناس بتحب الارز اكتر
30-11-1426 هـ, 01:43 مساءً
 
الطعمية
نص كيلو فول (مدشوش)
بصلة متوسطة مقطعة
معلقة صغيرة ثوم
نص كوب كزبرة خضراء وشبت
½ كوب كرات
1 معلقة صغيرة كزبرة ناشفة
½ معلقة صغيرة بيكربونات صودا
معلقة صغيرة ماء
ملح- شطة
ربع معلقةكمون مطحون
سمسم للتزيين
زيت للقلي
الطريقة:
يغسل الفول وينقع لمدة 12 ساعة مع تغيير الماء كل ساعتين
يشطف الفول جيداً ويصفى من الماء
تخلط الخصروات مع الفول.ثم تفرم سواء بمفرمة اللحم او الكبة
مرتين لحد ما ينعموا خالص
نذوب بيكربونات الصودا في الماء وتضاف إلى العجينة ثم نضع الملح
والشطة و الكزبرة و الكمون وتقلب جيدا
يوضع الزيت في مقلاة على نار متوسطة.
نعمل عجينة الطعمية أقراص صغيرة بمعلقتين او بالة الطعمية
المخصوصة ونحط وش الطعمياية فى السمسم وتقلى في الزيت
لحد ما تستوى وتنشف وبالهنا والشفا
ملحوظة
اذا كنتى حتشيليها فى كيس نايلون فى الفريزر ومش حتحمريها
يبقى ماتحطيلهاش البيكربونات
(يعنى تحطيها وقت ماتكونى حتحمريها بس )
وبالهنا والشفا




الطعمية المحشية
بصله مقطعه صغير-ملح - فلفل اسود – كزبره ناشفة - كمون - قرفه ناعمه - فلفلة خضراء حامية-
الطريقة
شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى وبالهنا والشفا
وممكن نحشيها بيض مسلوق بعد ماتسلقى تقطعية شرائح رفيعة جدا وتضعى شريحة فى كل قرص طعمية وبالهنا والشفا
30-11-1426 هـ, 02:04 مساءً
 
حبيبتي don مشكورة على الرد وتسلمي ياعمري
بس حبيت اسأل بالنسبة للطعمية الفول قصدك البليلة؟

وشكرا
30-11-1426 هـ, 05:57 مساءً
 
بصى يا حبيبتى الفول اللى هو بيكون ناشف واسمه فول مجروش ودة صورته

30-11-1426 هـ, 07:13 مساءً
 


الساعة الآن 12:30 .